Éxodo 9:29 - Dios Iwene

²⁹ Jejenö jö̧a̧lökwe jöba̧lijetö Moisésma: —Jao kwatjö̧ma, bemi comunidadtjö atebena chömamiju mölejebekwö kabebö Isabenö Jo̧nö atebocha. Ikenama böba kwaawökönöbi, ja̧danö, inawi̧ya̧ tjoduwökönöbi baibakobe. Jejenö baibena kwöwaisachibakobe: Bö̧jenö baledi̧ma Isabenö Jo̧ Diosda wei̧, jojodö ösödö wetji̧makö, jö̧ba̧lö.

Éxodo 9:29 Iomraidhean Croise

1 Reyes 8:22

Jemi ikenama, okobe deinö israel jojodö tjeda̧lonö, Isabenö Jo̧nö iyawöte öba a'o ja̧nö, ömamu mölejebekwö kabebö aebinobe Salomonma, baikwö:

1 Reyes 8:38

Jejenö balediawö̧, kwömöledö israel jojodötjö bakwoö̧kö̧, okobe deinöö̧kö̧, –Usula emawadösa, –jö̧ba̧lö, beju jo̧bekwö tjömamu kabebö atjebitjö̧ma,

Diosnö ösödo̧ Job mikwo̧ usula emawina jawa 11:13

—Isabenö sulabenö kwomukwati̧ kabatibö, kwöbalewacho Job, ja̧danö balewachajo̧, Diosnö akebo.

Éxodo 19:5

Jo̧kwaobetjö̧ ötjö weti̧ma ö'wi̧yawakwawalö̧jinö a̧ja̧kwö, ja̧danö, yöbawö junö chiwene a̧ja̧kwö, weti̧danö ja̧bö kwö̧jaduwitö̧ma okobe deinö böjȩnö jukwadö jojodötjö ökwödönöda 'da̧batö chujunena, ötjö cha'dȩlawö̧, jö̧ba̧lö. Jejenö 'da̧batö chujunena, ötjödasa okobe jwiinö böje luwo̧chobetjö̧, ja̧danö,okobe deinö böjȩnö ju̧kwadö tjuluwo̧chobetjö̧.

Éxodo 20:11

Ötjö, Isabenö Jo̧ma jelemutjö bakwöta mölȩ baledibanö mölejȩ mölejȩnö lö̧jadönö, ja̧danö böjȩ böjȩnö ju̧kwadönö, ja̧danö ojwe nöödö, ojwe nöödönö ju̧kwadönö chotidijatö. Ja̧danö, chotidawatjö okobe jwiinö katatakwawajabetjö̧ ju'wi dewachö möle, jelemutjö dötölataja mölema chö'wachijatö ötjöma, otidökönö. Jo̧kwaobetjö̧ ja̧ mölȩma omukwatö dösölö̧jinö edö jö̧ta̧lijatö̧, Biya̧ mölȩma wainö chujuna inesö mölȩ baibanö, jö̧ba̧lö.

Éxodo 8:22

Jo̧kwaijayonö ja̧ mölema ötjö chömöledö Egiptonö tjuju̧kwemi Gosén mikwemida detjakobe ma̧tu̧lȩma. Jemima wainö chujunocha Gosén nijinöma ma̧tu̧lȩma detjakobetjö̧. Jejenö chujunocha kwöwaisachibaduwobö, Isabenö Jo̧da böjȩ webo̧ma, okobe jwiinö nijinö.

Éxodo 8:6

Ja̧danö, Moisés Isabenö Jo̧ wei̧danö Aarónnö webijetö. Weökwema otokwa'o do̧ba̧lö kabebö i̧sebena jwo̧i̧döma ojwebiyatjö, pjei ödötjö, ojwese'dijutjö labekwibijadötö okobe jwiinö Egipto nijinö su̧'bȩ batjibanö.

Éxodo 9:33

Ja̧danö, Moisés faraón ö̧jelö labebö jemi comunidadtjö labebijetö. Lababajo̧ ömamiju mölejebekwö kabebö i̧seba̧lö Isabenö Jo̧nö abebijetö böbanö, inawiyadanö ichejekwi̧ tjoduwi̧ weokobö. Jejenö aebemi böbabi, inawiyadanö ichekwi̧ tjoduwi̧bi jwiinö baibijetö. Ojwiyo o̧bi̧bi o̧bijökötö jobema.

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

1 Corintios 10:26

Dios iwenema baikwö laebobe chömöledö: Böjȩbi, okobe jwiinö böjȩnö ji̧bi Duluwo̧ jawadaobe, jö̧ba̧lö laebobe. Ja̧danö, okobe jwiinö Duluwo̧ jawaobetjö̧, domajadenö sulabenö omukwatökönö dukwena.

1 Corintios 10:28

Jo̧kwaijayonö, bakwo̧ ökwönö Aaa, biya̧ma o̧'wo̧ jawa tjiyina jö̧ba̧lö yöawitjö̧ma, jejenö yöawobetjö̧ kwukwaduwoko, jo̧ba yöbawajo̧nö omukwatö, ja̧danö jo̧ba omajadenö omukwati̧ omukwatö kwukwaduwoko.

Deuteronomio 10:14

Chömöledö, kwuluwo̧duwi Isabenö Jo̧ Diosma okobe jwiinöbi, okobe deinöbi inesö la'aka tjuluwo̧, okobe jwiinö mölejȩbi, bö̧jebi, okobe jwiinö bö̧jȩnö ji̧bi, inesö la'aka luwo̧ma jo̧bada.