Éxodo 8:8 - Dios Iwene

⁸ Ikenama faraónma jwöbijetö Moisésnö, Aarónnö ichobö. Ichajadötjö Moisésnö webijetö: —Abebi Isabenö Jo̧nöma bidö jwo̧i̧dönö wei̧ kaatakwawo, ötjönöbi, chömöledönöbi. Jejenö kaatakwawena wetocha kwömöledönö jo̧banö juwö iyö tji̧'yobö— jö̧ba̧lijetö faraónma Moisésnöma.

Éxodo 8:8 Iomraidhean Croise

1 Reyes 13:6

Ja̧danö, ömamu 'diinö baibiökwe, la'aka luwo̧ Jeroboanma Dios ömöayo̧nö aebinobe, —Ayö, kwuluwo Isabenö Jo̧ Diosnö akebobö atebakwö, chömamu yemidanö otiwachibanö pjaatakobetjö̧, —jö̧ba̧lö aebinobe. Ja̧danö, jejenö aebökwe, jo̧ba Dios ömöayo̧ma Isabenö Jo̧nö aebinobe, jadanö aebökwe, la'aka luwo̧ Jeroboan ömamu yemidanö otiwachibobö weinobe, jadanö yemidanö ajayinö ji̧nadanö baibinobe.

Éxodo 10:16

Jejenö balediökwe juluwanö jwöbijetö faraónma Moisésnö Aarónnö tjichobö. Ichajadönö: —Ötjöma sulabenö ja̧tobe Isabenö Jo̧nö, Kwuluwo̧duwi Diosnöma, ja̧danö ökwödönöbi.

Éxodo 10:17

Jo̧kwaobetjö̧ Moisés, babeda bakwötanöda ökwönö ateba̧la: Ja̧ sulabenö ja̧taja̧ma söbebö loköbo. Ja̧danö, Isabenö Jo̧nö, Kwuluwo̧ Diosnö akebo bi̧ya ötjönö lȩebitjö chö̧jibinö pjaato— weökwe

Éxodo 10:18

faraón ö̧jelö labebö abebijetö Moisésma Isabenö Jo̧nö.

Éxodo 14:5

Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 32:11

Jejenö yöawiökwe Moisésma Isabenö Jo̧nö, iteda ösödökwe Diosnö, budekwabinö abebijetö: —Isabenö Jo̧, ¿tajawedö kwo̧'wo sulinö kwedobeda kwömöledönö, Egiptotjö jwiinö kwujulunö latjebinö pjakatinawö̧nöma?

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Éxodo 8:15

Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Éxodo 8:29

Jejenö weökwe: —¡Jao otiwa, a̧ja̧kwitjö! Bejutjö latebaja̧ ikena Isabenö Jo̧nö atebocha itekwayima ma̧tu̧lȩnö debi̧ batjibanö weobö. Ökwönöbi, kwömöayedönöbi kwömöledönöbi detjakobe ma̧tu̧lȩma. Jo̧kwaijayonö omönama yöba̧lökönuwi yemidanöma. Isabenö Jo̧nö juwö iyö di̧'yonöbi tjökeboko— jö̧ba̧lijetö Moisésma faraónnöma.

Éxodo 8:32

Jejenö weijayonö faraónma ina omajade 'diinö jo̧betjö̧ Israel jojodönö latjebobö webijökötö.

Éxodo 8:9

Jejenö jö̧a̧lökwe: —Jao otiwa, ökwöda webitjö dianö atebojobö Isabenö Jo̧nöma ökwönöbi, kwömöayedönöbi okobe deinö kwömöledönöbi pjaatobö. Atebocha Isabenö Jo̧nö ökwödö kwö̧jaduwelö jwo̧i̧dö debi batjibanö weobö, ojwenöda tjuju̧kwinö. Dianö atebobö weköbatjö— aeböke:

Éxodo 9:27

Ikenama faraónma jwöbijetö Moisésnö Aarónnö tjichobö. Ichajadönö jö̧ba̧lijetö: —Babema yöta̧lakwö: Jweinö chomukwatokobe. Isabenö Jo̧ma jweinö omukwatö lȩebonö ötjö, chömöledö jelobekwö domukwatobe, Israel jojodönö latjebobö wedökö, jö̧ba̧lö.

Éxodo 9:28

¡Ayö, Isabenö Jo̧ ökwödönö lȩebi̧ma do̧'wo 'dibachibö dö̧jökenanö. Abebinö tjoduwi̧bi, böbanöbi weökönö. Kaatakwawena wetocha betjö lakebaduwobö, benada Egiptonö kwö̧jaduwokobö— jö̧ba̧lijetö faraónma.

Éxodo 9:33

Ja̧danö, Moisés faraón ö̧jelö labebö jemi comunidadtjö labebijetö. Lababajo̧ ömamiju mölejebekwö kabebö i̧seba̧lö Isabenö Jo̧nö abebijetö böbanö, inawiyadanö ichejekwi̧ tjoduwi̧ weokobö. Jejenö aebemi böbabi, inawiyadanö ichekwi̧ tjoduwi̧bi jwiinö baibijetö. Ojwiyo o̧bi̧bi o̧bijökötö jobema.

Hechos 8:24

Jejenö jö̧a̧liökwe Simónma jö̧ba̧lijetö: —¡Ayö ötjöwe! Diosnö abebaduwitjö ökwö jö̧ka̧laja̧, ökwöla ububobekwö chi̧'yakwa̧ma baledökakobetjö̧— abebijetö.

1 Samuel 12:19

Ja̧danö, yebabinö israel jojodöma Samuelnö atjebinobe, —Ökwödö kwömöayedönö akebo kwuluwo̧ Isabenö Jo̧ Diosnö, debö di̧'yapji jö̧ba̧lö. Isabenö sulabenö ja̧dajabetija, okobe jwiinö ju'wi sulabenö ja̧daja̧ ikena, jemi tupakwö ju'wibi inesö la'aka luwo̧ jojonö sulabenö abebinadösa. Diosnö akebo Samuel, ökwödönö lȩbebö söbebö loapji jö̧ba̧lö, —atjebinobe.