Éxodo 8:26 - Dios Iwene

²⁶ jö̧a̧liökwe: —Belöda juwö diyitjö̧ma otiwökena— atadijetö Moisésma—. Egipto jojodöma Isabenö Jo̧nö, Duluwo̧ Diosnö juwö diyobe edö jwiinö tjölabena, ¡Sula! A̧ji̧kwakwawedötjö wainö junawedönö kwakwatjajawö̧nö̧ juwö̧ tjiyobe, jö̧ba̧lö. Jejenö omukwatö ökwödönö inawiya tjikwawena kwabö lotjobö—atadijetö Moisésma faraónnö—.

Éxodo 8:26 Iomraidhean Croise

Génesis 43:32

Ja̧danö Joséma mesa söte, wainö junawötenö bi̧jetö. Jo̧ba ömöledöma wainö jelötenö ba̧jijadötö. Ja̧danö, ju'wedö Egipto jojodöbi wainö junawötenö ba̧jijadötö, hebreo jojodönö öpöjödö, jobadökwö bakobe ba̧nö dukwoböma sula̧, jö̧ba̧lö.

Génesis 46:34

Jejenö ökwödönö abebö a̧ja̧kwena, baikwö kwatadaduwonö: Ökwödö kwömöayedöma tjemudayitjö babe baibanö da̧jwi̧mu o̧bȩja̧dönö, chi̧wo̧dönö, pa̧ka̧yö̧nö te'ada̧lö otidadösa, da'dödömine te'ada̧lö otidiatjinadanö. Jejenö kwatadaduwo. Jejenö yökawaduwitjö̧ma bemi Gosénnöda kwö̧jaduwobö weena, Egipto jojodö tjö̧jemi wainö. Chömöledö, jobadö Egipto jojodöma o̧bȩja̧dönö, chi̧wo̧dönö, pa̧ka̧yö̧nö te'ada̧ladönöma jwiinö tjöpöjödobe. Jo̧kwobetjö̧ wainö kwö̧ja̧duwitjö̧ma otiwena— jö̧ba̧lijetö Joséma ömöledönöma.

2 Reyes 23:13

Ja̧danö Jerusalen comunidadtjö jawo̧ laebobekwö, Olivos ötjaba'o mösa'otjö a̧li̧kwöchobe la'aka luwo̧ Salomon otidina iyawemibiya, Sidon jojodö tjösödoko inesö sulabuju Astarte ötjabokonö iyawemibi, Moab jojodö tjösödökwe inesö sulabo̧ Quemos ötjabökwenö iyawemibi, Amonitas jojodö tjösödökwe inesö sulabo̧ Molec ötjabökwenö iyawemibi suli̧ öwaedinobe Josiasma, jobetjö yemidanö tjösödökakobetjö̧.

Éxodo 3:18

Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

Éxodo 8:8

Ikenama faraónma jwöbijetö Moisésnö, Aarónnö ichobö. Ichajadötjö Moisésnö webijetö: —Abebi Isabenö Jo̧nöma bidö jwo̧i̧dönö wei̧ kaatakwawo, ötjönöbi, chömöledönöbi. Jejenö kaatakwawena wetocha kwömöledönö jo̧banö juwö iyö tji̧'yobö— jö̧ba̧lijetö faraónma Moisésnöma.

Isaías 44:19

Jobadö otidö tjö̧ji̧ma omukwatöködö yelösöda. Jweinö tjomukwatitjö̧ma, baikwö tjomukwato jö̧tja̧lena: —Bowi towima, ja'ö ökwölanö chujuwajabe, ja̧danö ubö̧'a wame, chu̧kwa pan chöbalajabe, ja̧danö itebia söbö chukwajabe. Ji̧baja̧tjö chösödökwe o̧'wo jawanö chotidobö jwiena, la'akatjöda towisa'o bȩbachibö chösödobö jwiena, jobekwö chösöditjö̧ma, inesö suli̧ jawa otidajo̧ chösödena, —jö̧ba̧lö tjomukwato jö̧tja̧lena. Jo̧kwaijayonö jobekwö okwa jawa omukwatöködö.