Éxodo 8:21 - Dios Iwene

²¹ Ja̧danö, jobadönö kakatakwawökötjö̧ma ma̧tu̧lȩnö tjowobö wetocha kwitebobenöma, ba̧jekwadö pja̧tjinö. Ökwönöbi, kwömöayedönöbi, ja̧danö okobe deinö kwömöledönöbi owö tjichakobe ma̧tu̧lö̧ma. Ökwödö Egipto jojodö kwejuduwi okwa ma̧tu̧lȩma tjowobö tetjachakobe ba̧jȩkwadö. Niji kwö̧jataduwemibi ma̧tu̧lȩda ba̧jȩkwadö tjuju̧kwakobe.

Éxodo 8:21 Iomraidhean Croise

Éxodo 10:6

Faraón, ökwö kwejubiyanöbi, okobe deinö kwömöayedö tjejunöbi okobe deinö Egipto jojodö tjejunöbi su̧'bȩ baibinö tetjachakwedö. Faraón ökwö ajayinö jinadöbi la'akatjöda, kwitebonö ajayinö tjö̧jinemitjö̧ babe baibanö edaitjökenanö jejenö ba̧jȩkwadö ma̧la̧ka̧yö̧ metji̧ma. Jejenö yöawobe Isabenö Jo̧ma ökwönöma, faraón— yöbawijetö Moisésma faraónnö. Ikenama jalachibö labebijetö Moisésma, Aarónkwö.

Éxodo 8:20

Ikenama Isabenö Jo̧ma webijetö Moisésnö: —Moisés, itekwai yȩayi wilubö kwi̧'yo Nilo ojwebe faraónnö te'ada̧lö, ojwebe ichenanö. Ichibo̧nö yöka̧lo: Isabenö Jo̧ma ökwönö weobe baikwö: Chömöledönö kabatakwawi jojodö deobekwö tji̧'yo ötjönö ösödö.

Éxodo 8:22

Jo̧kwaijayonö ja̧ mölema ötjö chömöledö Egiptonö tjuju̧kwemi Gosén mikwemida detjakobe ma̧tu̧lȩma. Jemima wainö chujunocha Gosén nijinöma ma̧tu̧lȩma detjakobetjö̧. Jejenö chujunocha kwöwaisachibaduwobö, Isabenö Jo̧da böjȩ webo̧ma, okobe jwiinö nijinö.

Éxodo 8:24

Ja̧danö, ja̧ dewachö yȩayi̧ Moisésma Isabenö Jo̧ yöawaja̧ faraónnö yöawijayonö öpöjödijetö. Jo̧kwaobetjö̧ Isabenö Jo̧ma iteda yöawi̧danö lȩbebö webijetö ma̧tu̧lȩnö. Ma̧tu̧lȩma ba̧jȩkwadö tjowobö köba̧lö tebachijadötö faraón ejunöbi, ömöayedö tjejunöbi. Ja̧danö okobe jwiinö Egiptoma jwiinö sulijetö ma̧tu̧lȩda batjibobetjö̧.

Isaías 7:18

Jau Acaz, ja̧ möle Isabenö Jo̧ma su̧wiba̧lö jwöakobe ichejekwa, ödö Asiria nijitjöbi, Egipto nijitjöbi ölakwabikwawa jojodö tjichakobetjö̧, ja̧danö bajwö̧ ja̧tji̧danö tjichibakwedö Asiria jojodöma, ja̧danö ma̧tu̧lö ja̧tji̧danö tjichibakwedö Egipto jojodöma, tjölakwabikwawobö.