Éxodo 8:19 - Dios Iwene

¹⁹ Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Éxodo 8:19 Iomraidhean Croise

Génesis 41:24

Ikenama ja̧ pjei̧ochobiya otiwi̧ ochoawi kwibobekwö. Jejenö chedijatö chi̧'wi̧dinö. Ikenama 'wi̧di̧kwakwawa labebö lobö yöbawadönö chi̧'wi̧dikwaja̧ yötawijayonö bakwo̧bi ötjö chi̧'wi̧dikwaja̧ labebö lobö yöbawo̧ma deatö— yöbawijetö fararónma Josénöma.

Éxodo 10:23

Egipto jojodöma edijöködötö bakwo̧ma jelo̧nöma. Jo̧kwaobetjö̧ tjejutjöma apetubema labebijöködötö yȩobetjö̧. Jo̧kwaijayonö Israel jojodö tjö̧jemima yȩijökötö. Dewijetö.

Éxodo 10:7

Ikenama faraón ipjea jojodöma jö̧ba̧lijadötö tjuluwo̧nö: —Duluwo̧ ¿dokwa lekwe ite sulabo̧ma yöawakwa̧da ökwödönö jwiinö usula demawakwa̧ma? Israel jojodötjö ömadönö kabatakwawi Isabenö Jo̧nö, idöda tjuluwo̧ Diosnö ösödö iyö tji̧'yo. ¿Kwedajöki̧ji̧? Diteboma söbebö loinobe— jö̧tja̧liökwe

Éxodo 11:7

Ja̧danö, Egipto jojodö tjubudekwi̧ labinö ökwöonö Israel jojodö tjuju̧kwelöma wi̧achakobe, jojodöbi tjubudekwökakobe, ja̧danö awili bakwo̧bi ubudekwökakobe. Tjubudekwökakobe Israel jojodöma tji̧tji̧mu ö'wö batjibokobetjö̧. Jejenö edö jweinö kwöwaisachibakobe, Isabenö Jo̧ma iteda ömöledönö wainö 'da̧batö juno̧, ökwödö Egipto jojodönö lȩebi̧danö baledökönö, jö̧ba̧lö. jejenö yöawobe Isabenö Jo̧ma ökwönöma, faraón— yöbawijetö Moisésma.

Éxodo 7:13

Faraónma ja̧ baledi̧ edijayonö Isabenö Jo̧ yöa̧linadanö omajade 'diinö ö̧jobetjö̧ a̧ja̧kwijökötö.

Éxodo 7:4

a̧ja̧kwökakobe ökwödö yökawaduwi̧ma. Ikenama Egipto jojodönö chujulu i̧sebö usula tjemawinö lȩtebocha. Jejenö Egipto jojodönö lȩtebobetjö̧ jwiinö labi̧ jawa webö chömöledö Israel jojodöma okobe deinö, bakwasokwenanö jobetjö latjebobö pjatatakwo̧sa.

Éxodo 7:5

Ja̧danö, chujulu i̧sebö lȩtebiawö̧, ja̧danö, Israel jojodönö latjebobö pjatatiawö̧ Egipto jojodöma ötjönö tjöwaisachibakobe, Webo̧ma Isabenö Jo̧da, jö̧ba̧lö.

Éxodo 9:26

Sule Israel jojodö tjuju̧kwemida, Gosén nijinöda tjoduwijökötö.

Éxodo 9:4

Jo̧kwijayonö Egipto jojodö tja̧jwi̧munö wotjawijayonö Israel jojodö tja̧jwi̧munöma wainö chujunocha bakwo̧bi woökakobetjö̧ Israel jojodö tja̧jwi̧mu̧tjö̧. Moisés, jejenö faraónnö yökawo— jejenö webijetö Isabenö Jo̧ma Moisésnöma.

Daniel 2:19

Ja̧danö, jejenö atjebiökwe, iya̧da yö̧te Diosma Danielnö i̧'wididanö i̧sebinobe Nabucodonosor i̧'wi̧dikwina jawabi, labebö loawabi. Ja̧danö jejenö i̧sebiökwe, Danielma Diosnö ösödinobe, isabenö otiwo̧ja jö̧ba̧lö,

Mateo 12:28

Jau, Awetja ujulunö ja̧bö̧kö̧sa ötjöma. Dios O̧'wo̧ Luwo̧ ujulunöda tjo̧'wo̧ luwo̧nö sulabedö ja̧dönö a'dewö lobo̧sa. Ja̧danö ja̧ Dios O̧'wo̧ Luwo̧ ujulunö a'dewö loti̧ma öwaetjöda i̧sebobe, Dios la'aka luwo̧ ö̧jakwa̧ma tjo̧wi̧ badekwachajabe, jö̧ba̧lö.

Lucas 11:20

Jau, Awetja ujulunö ja̧bö̧kö̧sa ötjöma, Dios ujulunöda tjo̧'wo̧ luwo̧nö sulabedö ja̧dönö a'dewö lobo̧sa. Ja̧danö ju'wibi yötawaduwakwö: Ja̧ Dios ujulunö a'dewö loti̧ma öwaetjöda i̧sebobe, Dios la'aka luwo̧ ö̧jakwa̧ma, tjo̧wi̧ badekwachajabe jö̧ba̧lö.

Juan 11:47

Jo̧kwaobetjö̧ fariseo jojodöma, Diostjö jojodötjö ö'weje pjabatadötjö la'aka luwedökwö ko̧ko̧kwibö yötja̧lakwawinobe: —¿Dakwö ja̧dakwa̧da jo̧banöma? Dios ujulunö ba̧kwȩlö̧jatebö i̧sebo̧— yötja̧lakwawinobe—.

Hechos 4:16

Latjebajabe okobe jobadöma yöba̧lakwawijadötö: —¿Dakwö ja̧dakwa̧jö jobadönöma? Okobe deinö Jerusalénnö ju̧kwadöma tjöwaisa jobadö juluwi̧ jawa tji̧sebinama. Jo̧kwaobetjö̧, Ja̧ baledinama baledinokobe, jö̧ba̧lö, yöda̧loböma ökwödöma jwidobe.

1 Samuel 6:3

Abebö tja̧ja̧kwawö: —Jwiböma weköbaduwoko, itebobe tjekataduwenama, ju'wibi iyawa weköbaduwo, Dios öba a'otjö wene juna̧ladösa jö̧ba̧lö i̧sȩkwa iyawa. Ja̧danö, jejenö webö tjebatajadö, usula emawö kwö'wöchaduwi̧tjö kwö̧bibaduwitjö̧ma, isabenö öwaetjöda öwawena, babe usula kwemawaduwi̧ma isabenö Diostjöda ichi̧, —jö̧ba̧lö tjatadinobe.

1 Samuel 6:9

ja̧danö otiwanö kweda̧laduwo, israel nijibe tötjojobö, tjitji̧mu tjö̧jobekwö tötjojobö jö̧ba̧lö. Jweinö 'ya̧nö, japjo itebobe, israel niji comunidad Bet-semesbe töbö tji̧'yitjö̧ma, jejenö tji̧sȩkwelöda kwöwaisachibaduwena, wene kwöbaledaduwi̧ma, isabenö Diostjöda ichi̧ jö̧ba̧lö. Jo̧kwaijayonö pa̧ka̧yadö jelobekwö töbö tji̧'yitjö̧ma, kwöwaisachibaduwena, ökwödönö baledi̧ma, Diostjö ichökö ji̧, a̧dekwanö baledi̧ jö̧ba̧lö, —wetjinobe tjösödawö̧nö ösödakwawa luwedöbi, tupakwö baledakwa̧ yöbawadöbi.