Éxodo 8:15 - Dios Iwene

¹⁵ Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Éxodo 8:15 Iomraidhean Croise

Éxodo 14:5

Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 4:21

Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 7:4

a̧ja̧kwökakobe ökwödö yökawaduwi̧ma. Ikenama Egipto jojodönö chujulu i̧sebö usula tjemawinö lȩtebocha. Jejenö Egipto jojodönö lȩtebobetjö̧ jwiinö labi̧ jawa webö chömöledö Israel jojodöma okobe deinö, bakwasokwenanö jobetjö latjebobö pjatatakwo̧sa.

Éxodo 8:14

Egipto jojodöma jwo̧i̧dö wobawajadönöma ko̧ko̧dö lödijadötö okobe jwiinö Egiptotjöma. Jwiinö woijetö okobe jwiinö Egiptoma.

Éxodo 8:16

Ikenama Isabenö Jo̧ma Moisésnö webijetö: —Aarónnö weköbo, otokwa'o do̧ba̧lö i̧sebö nijinö kwao. Kwaena nijiso̧pja̧ma no̧jwö̧da baibanö baledakobe, okobe jwiinö Egiptonö— webijetö Isabenö Jo̧ma Moisésnö.

Éxodo 8:28

atadökwe: —Jao kwatjö̧ma, jojodö deobekwö, Isabenö Jo̧nö, Kwuluwo̧duwi Diosnö juwö iyö kwi̧'yaduwobö katatakwawa. Jo̧kwaijayonö ödöma kwi̧'yaduwoko, chitebotjöda kwiyaduwo. Ja̧danö, Kwuluwo̧ Diosnö akebo ökwödönö pjaato— webijetö faraónma Moisésnöma.

Éxodo 8:29

Jejenö weökwe: —¡Jao otiwa, a̧ja̧kwitjö! Bejutjö latebaja̧ ikena Isabenö Jo̧nö atebocha itekwayima ma̧tu̧lȩnö debi̧ batjibanö weobö. Ökwönöbi, kwömöayedönöbi kwömöledönöbi detjakobe ma̧tu̧lȩma. Jo̧kwaijayonö omönama yöba̧lökönuwi yemidanöma. Isabenö Jo̧nö juwö iyö di̧'yonöbi tjökeboko— jö̧ba̧lijetö Moisésma faraónnöma.

Éxodo 8:32

Jejenö weijayonö faraónma ina omajade 'diinö jo̧betjö̧ Israel jojodönö latjebobö webijökötö.

Éxodo 8:8

Ikenama faraónma jwöbijetö Moisésnö, Aarónnö ichobö. Ichajadötjö Moisésnö webijetö: —Abebi Isabenö Jo̧nöma bidö jwo̧i̧dönö wei̧ kaatakwawo, ötjönöbi, chömöledönöbi. Jejenö kaatakwawena wetocha kwömöledönö jo̧banö juwö iyö tji̧'yobö— jö̧ba̧lijetö faraónma Moisésnöma.

Proverbios 26:11

Ja̧danö, ju'wibi yötawa: Awilima etekwawaja̧ ikena yemidanö etekwawaja̧ma tjebatö kwo̧. Ja̧ ji̧danö jweinö omukwatö̧kö̧ma omukwatökönö ja̧aja̧ma yemidanöbi ja̧akwo̧.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Isaías 26:10

Jweinö lȩkebi̧ma isabenö otiwa chuluwo. Sulabedönö lȩbebökönö, jobadönö dösölö̧jinö kweditjö̧ma, sulabenö tjomukwati̧ kabatibökönö, weköbi̧ a̧ja̧kwökönö tjö̧jo jö̧tja̧lena. Weköbi̧ a̧ja̧kwö ju̧kwadö tjö̧'dade ja̧nö, jwaikwöda sulabenö jabö tjö̧jo jö̧tjalena. Jau, sulabedönö lȩkebökötjöma, ökwönö tjöwaisachibökena, —Isabenö Jo̧ Diosda inesö la'aka luwo̧ma, —jö̧ba̧lö tjöwaisachiboko jö̧tja̧lena.

Hebreos 3:15

Ja̧danö chömöledö, kwo̧'wo̧ jwibibökönaduwi Dios damötjö yöawina, iteda iwenetjö laebi̧, bena yemidanö chiwȩyudi̧ma: Babema ötjö yötawi̧ kwa̧ja̧kwaduwena kwomajadeduwi̧nö ösödö kwuju̧kwaduwo. Kwa'dödömine, Moisés Egiptotjö laebinawö̧ tjomajadenö öpöjödö tjö̧jinadanöma kwuju̧kwaduwoko, ötjö yötawi̧ a̧ja̧kwökönöma. Jobadöma, jojodö deobe ja̧nö, ötjö weti̧ a̧ja̧kwökönö tjö̧jinobe. Ja̧danö, a̧ja̧kwökönö tjö̧jitjö̧ jwiinö chölabijatö jobadönöma Jejenö laebobe Dios iwenetjö. Chömöledö, ökwödödada pjabatö yöbawö kwö̧jaduwobö jo̧be, Diosnö ösödö jwaikwöda kwi̧'yaduwobö, jo̧ba wei̧ a̧ja̧kwö. Chömöledö, da'dödömine ba̧kwȩlö̧jatebö Dios wei̧ a̧ja̧kwökönö tji̧'yinadanö kwi̧'yaduwoko.

Hebreos 3:8

kwomajadeduwi̧nö ösödö kwö̧jaduwo. Kwa'dödömineduwi, Moisés Egiptotjö laebinawö̧ tjö̧jinadanö kwö̧jaduwoko. Jobadöma tjomajadenö öpöjödö, ötjö weti̧ a̧ja̧kwökönö tjö̧jinobe. Jojodö deobe ja̧nö, ötjö weti̧ a̧ja̧kwökönö, Aaa, Diosma ökwödönö ölabokojobö dedaduwo, lȩebökena, jö̧ba̧lö, tjö̧jinobe.

Apocalipsis 16:9

Ja̧danö, tubinö, dejatinö ujuwawö̧ma, tjomukwati̧ tjöbalewacho jö̧tja̧li̧jayonö tjomukwati̧ balewachöködönöda chedijatö, Diosnö sulabenö yöba̧lö. Dios lȩebi̧ edö, ¡Ayö! Diosma jwiinö juluwo̧, jo̧banö domukwati̧ döbalewacho, jö̧ba̧lö, tjomukwati̧ tjöbalewacho jö̧tja̧lijayonö tjomukwati̧ma balewachökönö ina Diosnö öpöjödö, Sulabo̧, döpöjödonö, sulabenö inia tjödinö webo̧, jö̧ba̧lö, tjöpöjödobe chedijatö.

1 Samuel 6:12

Jemi ikenama pa̧ka̧yadöma töbö latjebinobe, ja̧danö 'ya̧nö, jweinö manabenö Bet-semes comunidadbe tji̧'yinobe, ja̧danö tji̧'yonö, tji̧tji̧munö jwöbiyabö tji̧'yinobe. Ja'yubebi jalachibökönö, manatjö ja'yubebi labebökönö, jweinö Bet-semes comunidadbe tji̧'yinobe. Ja̧danö, tjö̧kömanö, filisteo jojodö la'aka luwedö eda̧liabö lutjinobe, Betsemes comunidad ö'öbö tjichibenanö kabatö.

1 Samuel 6:3

Abebö tja̧ja̧kwawö: —Jwiböma weköbaduwoko, itebobe tjekataduwenama, ju'wibi iyawa weköbaduwo, Dios öba a'otjö wene juna̧ladösa jö̧ba̧lö i̧sȩkwa iyawa. Ja̧danö, jejenö webö tjebatajadö, usula emawö kwö'wöchaduwi̧tjö kwö̧bibaduwitjö̧ma, isabenö öwaetjöda öwawena, babe usula kwemawaduwi̧ma isabenö Diostjöda ichi̧, —jö̧ba̧lö tjatadinobe.

1 Samuel 6:6

Jau chömöledö, damötjö egipto niji jojodöbi, tjuluwo̧ faraonbi tjuu 'dibadö tjö̧jina kwomukwatadibaduwo. Jobadöma Dios wei̧, israel jojodö latjebobö webaduwi jö̧ba̧lö wei̧ tja̧ja̧kwobö tjöpöjödinobe, jo̧kwaijayonö yayonö bajalianö tja̧ja̧kwobö ji̧nobe. Jau, tjuu 'dibadö tjö̧jiökwe, Diosma jwiinö labinö lȩebinobe jobadönö, bajalianö tjowita jö̧ba̧lö israel jojodö latjebobö wetjenanö, ja̧danö israel jojodöma latjebinobe. Jobadö tjuu 'dibadö tjö̧jinadanöma kwö̧jaduwoko, Dios ajayinö lȩebi̧ edö, juluwanö Dios iteapjo tjekataduwo, tupakwönönö egipto jojodönö lȩebinadanö ökwödönöbi lȩebapji jö̧ba̧lö.

1 Samuel 6:9

ja̧danö otiwanö kweda̧laduwo, israel nijibe tötjojobö, tjitji̧mu tjö̧jobekwö tötjojobö jö̧ba̧lö. Jweinö 'ya̧nö, japjo itebobe, israel niji comunidad Bet-semesbe töbö tji̧'yitjö̧ma, jejenö tji̧sȩkwelöda kwöwaisachibaduwena, wene kwöbaledaduwi̧ma, isabenö Diostjöda ichi̧ jö̧ba̧lö. Jo̧kwaijayonö pa̧ka̧yadö jelobekwö töbö tji̧'yitjö̧ma, kwöwaisachibaduwena, ökwödönö baledi̧ma, Diostjö ichökö ji̧, a̧dekwanö baledi̧ jö̧ba̧lö, —wetjinobe tjösödawö̧nö ösödakwawa luwedöbi, tupakwö baledakwa̧ yöbawadöbi.