Éxodo 7:19 - Dios Iwene

¹⁹ Ina webijetö: —Faraónnö yöba̧lö kwö̧jonö Aarónnö weköbo kwotokwa'o do̧ba̧lö kabebö i̧sebo ojwe wamenö. Jejenö i̧sebenama, okobe jwiinö Egipto ojwebiyanö, pjei̧ ödöbiyanöbi, o̧jwese'dijunöbi, o̧pesobubiyanöbi i̧sebi̧danö baibakobe. Jejenö i̧sebo weköbo, okobe jwiinö Egipto ojwema kwu̧kwinöda baibanö ji̧nö. Aarón jejenö i̧sebena okobe jwiinö Egiptonö ojwebiyama kwu̧kwinöda baibakobe. Ojwiyoma balde'dijunö towitjö otikwa o'dijunö okwi̧bi, pa̧la̧ka'dijunö okwi̧bi, kwu̧kwinöda baibakobe Egipto nijinö— jö̧ba̧lijetö Isabenö Jo̧ma Moisésnöma.

Éxodo 7:19 Iomraidhean Croise

Génesis 1:10

Ja̧danö, öibajemima niji jö̧ba̧lö öbabijetö Diosma. Ja̧danö, öbibajö lamatajödöma jwai balawa jö̧ba̧lö öbabijetö. Ja̧danö, Diosma öibajemi, ja̧danö, öbibajö lamatajödö edinö ösödijetö, otiwa, jö̧ba̧lö.

2 Reyes 4:29

Yöja̧liökwe, Giezinö weinobe, —Juluwanö kwö̧ka̧mijido̧ di̧batakwawi, juluwanö ö'öbakwawö kwi̧'yakobetjö̧, ja̧danö chotokwöte e'ewö, jejube kwi̧'yo. Jobekwö kwi̧'yonö, jelo̧nö kweditjö̧ma, dokwa jö̧ba̧lökönö, jwaikwöda tupakwö kwi̧'yo, ja̧danö bakwo̧ ökwönö edö, dokwa aebitjö̧bi, atadökönö jwaikwöda juluwanö kwi̧'yo. Ja̧danö, ichibajo̧, chotokwöte tjemu öbanö kwöwano, —jö̧ba̧lö.

Éxodo 10:12

Ikenama Isabenö Jo̧ma webijetö Moisésnö: —Moisés, kwotokwa'o do̧ba̧lö kwömamu kabebö i̧sebi okobe jwiinö Egipto nijinö kwi̧sebi̧danö baibanö. Jejenö kwi̧sebena ma̧la̧ka̧yö̧ metji̧nö wetocha, okobe jwinö nijitjö̧ pokwi̧ma tjukwobö, inawiyadanö ichejekwi̧ tjoduwena u'yukwinama— weökwe

Éxodo 10:21

Ikenama Isabenö Jo̧ma Moisésnö webijetö: —Moisés, kwömamu möakwö kabebö i̧sebi yȩi̧da nijakwö meobö okobe jwiinö Egiptonö, jwiinö yȩobe— weökwe

Éxodo 14:16

Ja̧danö, kwotokwa'o do̧ba̧lö kabebö o̧pesobukwö kwisȩbo, o̧pesobu wamenö wanekwachö. Jejenö kwisȩbemi o̧pesobu ö'weje 'da̧abachibö mana baibakobe ökwödöma jenada, o̧pesobu ö'wejenöda nijinö pekibaduwakobetjö̧, o̧pesobu 'da̧abachibö dobulataja möinö jamatajobu ö'wejenöma.

Éxodo 14:21

Jemi ikenama Moisés otokwa'o do̧ba̧lö ömamu kabebö i̧sebijetö o̧pesobu wame i̧sebi̧danö wanekwachö. I̧sebemi Isabenö Jo̧ma webijetö jwa̧lȩ'ȩpjo labinö ichobö ja̧wo̧ laebobekwötjö yö̧te baledibanö jwa̧lȩ'ȩwobö. Labinö jwa̧lȩ'ȩwemi o̧pesobu ö'weje 'da̧bachibö dobulataja baibanö lamatijetö möinö, öwejenö mana li̧nö.

Éxodo 14:26

Ikenama Isabenö Jo̧ma Moisésnö webijetö: —Yemidanö kwotokwa'o do̧ba̧lö kwömamu kabebö i̧sebi, o̧pesobu wame kwisȩbi̧danö wanekwachö. Kwisȩbemi o̧pesobu ö'wejenö 'da̧bachibö dobulataja baibajemima yemidanö tjebachajö o̧pesobuda baibakobe. Jejenö baibobetjö̧ Egipto jojodöma o̧tja̧wakobe, okobe deinö kolukiyanö a̧jadöbi ka̧ba̧yu̧dönö wa̧jadöbi—

Éxodo 4:9

Jo̧kwaijayonö ja̧ dötölataja juluwi̧ jawa kwi̧sebi̧ edö ina yökawi̧ öpöjödö tja̧ja̧kwökötjö̧ma ju'wi juluwi̧ jawa kwi̧sebodönö, biya̧: Nilo ojwetjö ojwiyo wa'yebö nijakwö bajalenö sa̧köbo. Jobu ojwiyoma nijinö sa̧köbajobuma kwu̧kwinö baibakobe— weökwe:

Éxodo 8:16

Ikenama Isabenö Jo̧ma Moisésnö webijetö: —Aarónnö weköbo, otokwa'o do̧ba̧lö i̧sebö nijinö kwao. Kwaena nijiso̧pja̧ma no̧jwö̧da baibanö baledakobe, okobe jwiinö Egiptonö— webijetö Isabenö Jo̧ma Moisésnö.

Éxodo 9:33

Ja̧danö, Moisés faraón ö̧jelö labebö jemi comunidadtjö labebijetö. Lababajo̧ ömamiju mölejebekwö kabebö i̧seba̧lö Isabenö Jo̧nö abebijetö böbanö, inawiyadanö ichejekwi̧ tjoduwi̧ weokobö. Jejenö aebemi böbabi, inawiyadanö ichekwi̧ tjoduwi̧bi jwiinö baibijetö. Ojwiyo o̧bi̧bi o̧bijökötö jobema.

Isaías 19:10

Ju'wedö kamisi otidajibadöbi tjo'wo tjo̧bekwö tjö̧jakwedö, jadanö okobe deinö ju'wedö tjotidobö tjimidinawö̧bi o̧'wo tjo̧achö tjö̧jakwedö.

Isaías 5:25

Jau chömöledö, yöta̧laja̧danö sulabenö ja̧tjiökwe, isabenö ödameakwachibajabe Isabenö Jo̧ma, iteda ömöledö israel jojodönö, ja̧danö ömamu kabebö, jobadönö kwaajabe. Jobekwö kwaobetjö̧, mösa'ijuma tjö̧awobe, ja̧danö kwaajawö̧ tjiteba'ijuma, comunidad mananö bo̧be, sula'wo bi̧danö. Ja̧danö ida̧ökö bakwötanö kwaajayonö, ina seachibokobe Isabenö Jo̧ inesö ödameakwi̧ma, ja̧danö ina öja i̧sȩba̧lö jo̧, yemidanö kwaakobetjö̧.