Éxodo 7:1 - Dios Iwene

¹ Ja̧danö, Isabenö Jo̧ma Moisésnö yöba̧lijetö: —Moisés, ö'wiyawakwa̧lö̧jinö a̧ja̧kwitjö. Faraón ökwönö otiwanö edobö ja̧tocha, iteda o̧'wo̧ jawa öwa̧na̧lökwenö edi̧danö edöbö. Ja̧danö, kwöpöe Aarónma ötjö yötawi̧ yöbawo̧danö ökwö yöawi̧ma yöawakwo̧.

Éxodo 7:1 Iomraidhean Croise

Génesis 19:21

Jejenö aebiökwe ángelma jö̧ba̧lijetö: —Jao kwatjö̧ma, akebobekwö weta. Yöka̧laja̧ comunidadma söbebö lotökakobe.

1 Reyes 17:23

Ikenama Eliasma tjemunö öbibö mösȩko̧tjö yutuajinobe, nijibesȩkobe, jadanö ojo'donö iyö yöa̧linobe, —Edi jojosuju, 'yaba̧lo̧ kwitji̧ma, —jö̧balö.

2 Reyes 6:32

Ja̧danö yöba̧lajo̧, ömöayo̧ bakwo̧nö weinobe, Eliseonö do̧atobö. Ja̧ baledonö, Eliseoma comunidad luwedökwö ba̧nö ö̧jinobe, Eliseo ejunö. Ja̧danö, la'aka luwo̧ ömöayo̧ ichibakwa̧ abönö, jobadönö yöawinobe Eliseoma: —Jojodönö kwabawö lobo̧ israel la'aka luwo̧ma, iteda ömöayo̧nö weajabe, chuu bulatö loobö. Cheju apjudebe ichibenama, apjude tumatö, 'diinö tjökeba̧laduwo, teachapji jö̧ba̧lö. Ja̧danö, jo̧ba ichiba̧ja̧ ikena, uluwo̧ ömasapiya ökwöi̧bi juluwanö kwa̧ja̧kwaduwakobe, uluwo̧ Israel la'aka luwo̧bi juluwanö ichibakobetjö̧, —jö̧ba̧lö.

Éxodo 16:29

Omukwataduwi, ötjö, Isabenö Jo̧ma ökwödönö pjabatö kwö'wachaduwi̧ möle 'da̧batö chujunijatö. Jejenö chujunajobetjö̧ jelemutjö bakwöta möle baibena kwakwawa chiyocha, dötölataja möle kukwaduwakwa̧ma. Jejenöobetjö̧ jelemutjö dötölataja möle baibena kwejuduwi okwa, bakwo̧bi labeböknö. Jejenö yökawo Israel jojodönö— webijetö Isabenö Jo̧ma Moisésnö.

Hechos 7:7

Ikenama kwömöledönö weba̧ladönöma lȩtebakwo̧sa. Ikenama kwömöledöma jobetjö labebajadö ötjönö ösödö bai tjichakobe, jö̧ba̧lö yöbawijetö Diosma Abrahamnöma— yöbawijetö Estebanma.