Éxodo 6:9 - Dios Iwene

⁹ Ja̧danö, Moisésma Israel jojodönö okobe jwiinö Dios yöawi̧ yöa̧lijayonö öpöjödijadötö. Egipto jojodö juluwanö tjotidobö wetjajiawö̧ tjo̧'wo tjo̧bekwöda ju̧kwijadötö, jo̧kwada, jö̧ba̧lö. Jo̧kwaobetjö̧ Moises yöawi̧ma a̧ja̧kwakwawa öpöjödijadötö.

Éxodo 6:9 Iomraidhean Croise

Diosnö ösödo̧ Job mikwo̧ usula emawina jawa 21:4

—Chömöledö, budekwö yöta̧li̧ma, bö̧je jojo usula chemawinö weobetjö̧, budekwö yöta̧lobeji̧? Kwöwaisaduwa, Diosda usula chemawobö wei̧tjö, budekwö yöba̧lo̧sa. Ja̧danö , –Kwo̧'wo 'dibachibö 'wi̧inö kwöjo, –jö̧ba̧lö weköbaduwi̧ atadö, baikwö abebö cha̧ja̧kwaduwakwö: Tajawedö cho̧'wo 'dibachibö 'wi̧inö chö̧jobö chömöledö?

Éxodo 1:14

Israel jojodöma usula emawöda ju̧kwijadötö juluwanö tjotidobö le jwiinö wetjobetjö̧. Bloke junö, letiyakwö pjabatö, okobe jwiinö batjo otikwa, sobö, junö, 'wibö tjotidobö webijadötö.

Éxodo 14:12

Isabenö yöda̧lijatö ökwönö Egiptonö dö̧jena, Wainö ja̧dösa, Egipto jojodö wetji̧ma otidö. Pjakatoböma döpöjöda, jö̧ba̧lö. Dedemi Egipto jojodö wetji̧ dotidinatjö bajalekwönönö otiwa belö mejetjö wodi̧ma— tjo̧'wo sulawö̧ jwöbeba̧lijadötö Israel jojodöma Moisésnö.

Éxodo 2:23

Ja̧danö, lekwe o̧biya baledajena Egipto inesö la'aka luwo̧ma ö'wö baibijetö. Israel jojodöma ina Egiptonö ji̧jadötö tjuluwedö tjotidobö wetji̧ma otidö. Ja̧danö, inia tjötjinö juluwanö tjotidobö ¡ayö! usula emawö jwöbeba̧lijadötö ¡ökwödönö pjabati! jö̧ba̧lö. Ja̧danö, Diosma jwötjeba̧li̧ma a̧ja̧kwijetö.

Éxodo 5:21

Edö jö̧ba̧lijadötö Moisésnö, Aarónnö: —¡Sula! Isabenö Jo̧ma ökwödönö lȩebakwo̧, faraónnö sulabenö akeba̧laduwobe edö. Di̧'yobö weköbo, jö̧ba̧lö, akeba̧laduwiawö̧ babema faraónbi jo̧ba ömöayedöbi tjo̧'wo sulinö tjedobe ökwödönö, Israel jojodönöma, jwiinö omewadö, jö̧ba̧lö. Jo̧kwaobetjö̧ ¡ayö! dakwö tibatö lotjokoböma, jwiya, ökwödönö tibatö lotjobö tjomukwata babema— jöba̧lijadötö Israel jojodö tjuluwedöma, Moisésnö, Aarónnö.

Éxodo 6:10

Ja̧danö, Isabenö Jo̧ma webijetö Moisésnö:

Proverbios 14:19

Ja̧danö, ju'wibi yötawa: Sulabenö omukwatadöma jweinö omukwatadönö öpöjödadö. Jobekwö tjöpöjödijayonö ju'wi mölȩ jweinö omukwatadö tjö̧jobekwö 'ya̧nö tju̧yu̧kijunö bamatö tjöba bȩtjachibakwedö, duluwedöja, jö̧ba̧lö. Jao, jobadö sulabenö omukwatadöma jweinö omukwatadö tjeju a̧petu teachakwawemi ichibö atjeba̧lakwedö, ökwödönö pjabataduwi, jö̧ba̧lö. Isabenö, ajayinö sulabenö omukwatadöma jweinö omukwatadönöma jwiinö tjöpöjödinajayonö juwi mölȩ jobadönö abeba̧ladö tjuju̧kwakwedö.

Proverbios 18:14

Ja̧danö, ju'wibi yötawa: Bakwo̧ 'dö̧bacho̧ma, ötjöma chö̧bibajakwo̧sa jö̧ba̧lö omukwatitjö̧ma ö̧bibajobö jo̧be. Jo̧kwaijayonö 'dö̧bacho̧ma jobekwö omukwatö kabatibö, ayö chö̧bibajoböma jwiya, jö̧ba̧lö ubudekwitjö̧ma, o̧'wo̧ tjo̧achena, ja̧danö ö̧bibajökena.