Éxodo 6:5 - Dios Iwene

⁵ Ja̧danö, jobadötjö tupadanö jojodö, Israel jojodö usula emawö jwötjeba̧li̧ cha̧ja̧kwijatö. Egipto jojodö juluwanö tjotidobö wetjobetjö̧ jwötjeba̧li̧ma. Ja̧danö, babema chomukwatobe yöbawö chujunina chiwenema jobadönöma.

Éxodo 6:5 Iomraidhean Croise

Génesis 8:1

Ja̧danö, Diosma omukwatijetö Noénöbi, okobe deinö Noékwö isowi okwa ju̧kwadönöbi. Jobadönö omukwatö webijetö Diosma jwa̧lȩ'epjo böjȩnö jwa̧lȩ'ewobö. Jejenö jwa̧lȩ'ewö jwai balawama tjo̧'omanö öibajijetö.

Génesis 9:15

Jo̧banö edö ötjöbi chomukwatakwo̧sa yöbawö junö chiwenema ökwödönöma, okobe deinö 'yaba̧ladönöbi. Ja̧ ökwödönö yöbawö chujuni̧ chiwenema baikwö ji̧: Yemidanö jwai balawa okwatibanöma baledökakobe jojodönö söbebö loböma— jö̧ba̧lijetö Diosma.

Éxodo 2:23

Ja̧danö, lekwe o̧biya baledajena Egipto inesö la'aka luwo̧ma ö'wö baibijetö. Israel jojodöma ina Egiptonö ji̧jadötö tjuluwedö tjotidobö wetji̧ma otidö. Ja̧danö, inia tjötjinö juluwanö tjotidobö ¡ayö! usula emawö jwöbeba̧lijadötö ¡ökwödönö pjabati! jö̧ba̧lö. Ja̧danö, Diosma jwötjeba̧li̧ma a̧ja̧kwijetö.

Éxodo 2:24

Usula emawö jwötjeba̧li̧ma a̧ja̧kwijetö Diosma. Ja̧danö, omukwatijetö Diosma damötjö Abrahamnö Isaacnö Jacobnö iteda iwene yöbawö ujuninama, jobadötjö tupadanö jojodönö pjatatakwo̧sa, jö̧ba̧lö.

Éxodo 3:7

Ikenama Isabenö Jo̧ma jö̧ba̧lijetö: —Isabenö chedobe ötjö chömöledönö, Egiptonö ju̧kwadönö juluwanö tjotidobö wetjobema, jwiinö inia tjötjinö. Ja̧danö, tjuluwedötjö tjö̧jibinö pjatatobö jwötjeba̧li̧ma cha̧ja̧kwobe. Chöwaisa, jwiinö usula tjemawobe, jö̧ba̧lö.

Éxodo 5:4

Jo̧kwaijayonö tjotidawa kabatö tji̧'yoböma öpöjödijetö faraónma. Moisésnö, Aarónnö yöba̧lijetö: —Ju'wi jawa omukwatö tjotidokobö ja̧köbaduwa. Jobadönö weta ¡otidaduwi! jö̧ba̧lö.

Isaías 63:9

Isabenö okobe jwiinö usula emawö tjö̧jitjö̧, Diosda jobadökwö ja̧nö pjaatinobe. Jau, sule ömöayo̧nöda webö, —Chömöayo̧ angel, tjö̧jibinö pjabati, —jö̧ba̧lödamaökö, iteda da'dödökwö ja̧nö, tjö̧jibinö pjaatinobe. Jo̧bada ile nibebö, lȩlöinö edö pjabatinama, ja̧danö okobe jwiinö damötjö kwetjachinama, jo̧bada a̧la̧pedö kweatinobe.

Lucas 1:54

Diosma da'dödönö yöbawö ujuninobe, ökwödönö otiwanö pjaatakwa̧ma. Jau, Diosma damötjö Abrahamnö yöbawö ujuninobe, Ökwönöbi kwi̧tji̧mu tupadanö jojodönöbi ba̧kwȩlö̧jatebö lȩlö̧jinö edö pjatatocha, jö̧ba̧lö. Ja̧danö, ja̧ yöbawö ujunina wene o̧'wo̧ jwiibinokobe Diosma. O̧'wo̧ jwibibökönö otiwanö lȩlö̧jinö edö pjaatajabe Diosma ökwödö iteda ömöayedö Israel jojodönö— jö̧ba̧lö yöjawinobe Maríama.