Éxodo 6:2 - Dios Iwene

² Ja̧danö, Diosma yöba̧lijetö Moisésnö: —Moisés, ötjöma Isabenö Jo̧ mikwo̧sa.

Éxodo 6:2 Iomraidhean Croise

Génesis 15:7

Ikenama Isabenö Jo̧ Diosma yemidanö jö̧ba̧lijetö Abramnö: —Abram, ötjöma Isabenö Jo̧ Diossa. Ötjödasa ökwönö webinama, caldeo jojodö tjitebo Ur mikwelö labebö jelobe kwi̧'yobö. Jao, ötjödasa jobetjö labebö kwitebo baibanö niji chiyakwemi jobekwö kwi̧'yobö. Abram bemida niji chiyakwemima— jö̧ba̧lijetö.

Éxodo 12:12

Ja̧ yö̧tema Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö lotakwo̧sa, ja̧danö tja̧jwi̧mu̧ tji̧tji̧mutjöbi abönö damönö. Jejenö lȩtebemi okobe jwiinö Egipto jojodö tjo̧'wo tjöwa̧na̧lawö̧nöma lȩtebocha. Jejenö lȩtebobö juluwo̧sa, Isabenö Jo̧chobetjö̧.

Éxodo 14:18

Ja̧danö, jobadönö chujuluwobetjö̧ okobe deinö Egipto jojodöma ötjönö tjöwaisachibakobe, okobe jwiinö webo̧ma Isabenö Jo̧da, jö̧ba̧lö.

Éxodo 15:3

Isabenö Jo̧ma ölakwabikwawö juluwo̧, ja̧danö, iteda imima Isabenö Jo̧, jö̧ba̧lö.

Éxodo 17:1

Ja̧danö, Israel jojodöma Dios weaja̧ a̧ja̧kwö Sin mejetjö labebajadö abiabö 'yi̧jadötö. Refidim niji ichibö jobe isa̧do̧ debatö otidijadötö tjejubiyadanö , jobetjö tjabobö. Ja̧danö, jemima ojwiyo kököobetjö̧ jobadö tjowoböma jwiijetö.

Éxodo 20:2

—Ötjöma Isabenö Jo̧sa, Kwösödaduwökwe Diossa. Ötjödasa Egiptotjö lakebaduwinö pjabatinama, Egipto jojodö wetjawö̧ otidö kwö̧jaduwitjö. Baikwö wetaduwakwö:

Éxodo 3:14

Abebö a̧ja̧kwökwe: —Ötjödasa Isabenö Jo̧ mikwoma. Yökawodönö, Isabenö Jo̧ma weijatö ötjönöma ökwödönö pjabatö— yöba̧lijetö Diosma Moisésnöma.

Éxodo 3:15

Ju'wibi yöba̧lijetö Diosma Moisésnö: —Baikwö yökawo Israel jojodönöma: Isabenö Jo̧, da'dödömine tjuluwo̧ Dios, ja̧danö, Abraham, Isaac, Jacob tjuluwo̧ Diosma ötjönö weijatö ökwödönöma, jö̧ba̧lö. Moisés, ötjö chimi, Isabenö Jo̧, jö̧ba̧löma, ba̧kwȩlö̧jatebö chimikwakwo̧sa. Ökwödötjö tupadanö jojodöma ötjönö omukwatö ja chimida ötjönöma ötjabikobe, Isabenö Jo̧, jö̧ba̧lö.

Éxodo 6:29

baikwö yöba̧lijetö: —Ötjöma Isabenö Jo̧sa. Egipto inesö la'aka luwo̧ faraónnö yöka̧lo okobe jwiinö ökwönö yötawi̧ma— jö̧ba̧lö.

Éxodo 6:6

Jo̧kwaobetjö̧ baikwö yökawo Israel jojodönö, ötjö yöta̧li̧ma jobadönöma: Ötjöma Isabenö Jo̧sa. Egipto jojodö ökwödönö juluwanö kwotidaduwobö wetji̧tjö lakebaduwobö pjatatakwo̧sa, jobadö wetji̧tjö kwȩjachajaduwinö. Ja̧danö, ötjöma jwiinö chujulu i̧sebö, Egipto jojodönö jwiinö lȩbebö ökwödönö kwö̧jibaduwinö pjatatakwo̧sa.

Éxodo 6:8

Ja̧danö, ökwödönö ötibakwo̧sa niji otiwemi jo̧bekwö, kwa'dödömine Abrahamnö, Isaacnö, Jacobnö, Chiyocha, jö̧ba̧lö ötjöda isabenö chiwene yöbawö chujuninemima. Ökwödönö chiyocha ja̧ nijima kwiteboduwi baibanö. Ötjödasa Isabenö Joma. Moisés jejenö yökawo Israel jojodönö, ötjö yöta̧li̧ma— webijetö Isabenö Jo̧ Moisésnö.

Isaías 42:8

Ja̧danö ju'wibi laebobe Dios yöa̧li̧ma: Ötjöma Isabenö Jo̧sa, jobekwö, —Isabenö Jo̧, —jö̧ba̧lö mikwo̧sa. Ötjödasa otiwanö omukwatö tjösödo jö̧tja̧lökwema. Ja̧danö ötjönöda tjösödo jö̧tja̧li̧ma, jelo̧nöda tjösödoböma wetökakwo̧sa. Ötjödasa tjösödo jö̧tja̧lökwema, —Isabenö Jo̧ma otiwo̧, —jö̧ba̧lö̧. Ja̧danö ötjönöda ösödö yötja̧lo jö̧tja̧li̧ma a̧'dȩlö omukwato̧sa, ötjönöda ösödö yötja̧lo jö̧tja̧li̧ma, o̧'wo jawa ösödö yötja̧loböma webö̧kö̧sa, jö̧ba̧lö.

Isaías 43:11

Jau, ötjödasa Isabenö Jo̧ Diosma, ötjödasa isabenö tjö̧jibinö pjabato̧ma, jelo̧ma deobe.

Isaías 43:15

Ötjöma kwösödaduwökwe Isabenö Jo̧ Suli̧ Jwibo̧ Diossa. Ötjödasa bakwaso Israelsaso bakibaduwanö webinama, ötjödasa inesö la'aka kwuluwo̧duwima.

Isaías 44:6

Israel jojodötjö inesö la'aka luwo̧, Isabenö Jo̧, israel jojodönö tjöbeba̧lö pjabato̧, Okobe Jwiinö Juluwo̧ Isabenö Jo̧ Diosma baikwö yöa̧lobe: Ötjöma ju'wedötjö ajayinö ji̧nasa̧, ja̧danö ju'wedötjö ikena chö̧jakwo̧sa. Jelo̧ Diosbo̧ma deobe, ötjödasa isabenö Diosbo̧ma.