Éxodo 5:10 - Dios Iwene

¹⁰ Israel jojodö tjö̧jobekwö 'ya̧nö yöba̧lijadötö tjotidobö webadöma, faraón ömöayedöbi, ja̧danö Israel jojodö tjuluwedöbi. Baikwö yöba̧wijadötö: —Farónma baikwö weatö: Babema diyokobe isa'yema ökwödönöma blokekwö pjabatö kwotidaduwobö, ajayinö diyinanöma.

Éxodo 5:10 Iomraidhean Croise

Éxodo 1:11

Jo̧kwaobetjö̧ faraónma, ja̧danö iteda ipjea jojodöma ju'wedö tjömöayedönö wainö junijadötö Israel jojodönö webadö batjibanö, jwiinö juluwanö tjotidobö webadöma. Ja̧danö, Faraón wei̧danö kwakwawa, tea tjujunakwemi comunidades tjotidobö webijadötö Israel jojodönöma. Tjujunakwemi dötölataja comunidades, Pitón mikwemi, Ramesés mikwemi tjotidobö webijadötö.

Éxodo 3:7

Ikenama Isabenö Jo̧ma jö̧ba̧lijetö: —Isabenö chedobe ötjö chömöledönö, Egiptonö ju̧kwadönö juluwanö tjotidobö wetjobema, jwiinö inia tjötjinö. Ja̧danö, tjuluwedötjö tjö̧jibinö pjatatobö jwötjeba̧li̧ma cha̧ja̧kwobe. Chöwaisa, jwiinö usula tjemawobe, jö̧ba̧lö.

Éxodo 5:11

Jo̧kwaobetjö̧ ökwödöda isakwö kwi̧'yaduwobö jo̧be, isa'yema e'dö. Jo̧kwaijayonö belö kwotidinaduwadanö ka̧achökwökönö kwotidaduwobö jo̧be, ja'yubebi ka̧achökwökönö— yöbawijadötö.

Éxodo 5:6

Ja̧ möleda faraónma Israel jojodönö tjotidobö webadönö, iteda ömöayedönöbi, ja̧danö, Israel jojodö tjuluwedönöbi webijetö:

Éxodo 5:9

Jo̧kwaobetjö̧ belö tjotidinemitjö̧ o̧penönö juluwanö tjotidobö weköbaduwodönö. Jejenö ba̧kwȩlö̧jatebö juluwanö tjotidobetjö̧ ¿dakwö tja̧ja̧kwobö tjömöledö omöna yötja̧li̧ma? Tja̧ja̧kwökena— webijetö faraónma Israel jojodönö webadönöma. Jejenö weawö̧

Proverbios 29:12

Ja̧danö, ju'wibi yötawa, wanedö: Bakwo̧, inesö la'aka luwo̧ma, omöna yöba̧ladö jo̧banö yötjawi̧ a̧ja̧kwö ösödobe, otiwa jö̧ba̧lö. Jobekwö ösödobetjö̧ sulabenö webö ö̧jobe. Ja̧danö, sulabenö webö ö̧jobetjö̧ iteda yö̧ne ömöayedöbi sulabenö omukwatadö tjö̧jobe.

Isaías 30:6

Baikwö laebobe Dios yöawi̧, Juda niji Neguev ötjabobe ju̧kwadö tebonö ju̧kwadönö: —Inesö labobe niji Neguevma, nöinö wene jȩmi, ja̧danö nöinö usula emawemi, jobe didibadö ya̧döbi ömadöbi jobe tjö̧jobetjö̧, ja̧danö nibadö a̧ko̧'döbi, jwiinö nibadö köba̧ladö a̧ko̧'döbi tju̧ju̧kwobe. Jo̧kwaijayonö ja̧ nijibenö tjitea e'ewö tji̧'yobe Juda jojodöma, bu̧lu̧dö tjoma'anöbi, kameyodö tjoma'anöbi e'ewö tji̧'yobe, pjatjatobö juluwöködö tjitebobe tji̧'yakobetjö̧.