Éxodo 5:1 - Dios Iwene

¹ Ikenama Moisés, Aarón Egipto inesö la'aka luwo̧ faraón ö̧jobekwö 'ya̧jadö tebachö jobadötjö bakwo̧ yöba̧lijetö: —Duluwo̧, Israel jojodö tjösödökwe Diosma ökwönö weatö baikwö: Chömöledönö kakatakwawo jojodö deobekwö tji̧'yo ba'ali kwanö— jejenö yöa̧lökwe:

Éxodo 5:1 Iomraidhean Croise

1 Reyes 21:20

Weökwe, i̧'yinobe Eliasma, ja̧danö ichibiökwe, Acabma Eliasnö edö yöa̧linobe, —Ökwö chöpöjojoma, ötjönö lubö kwöbadekwaji̧? —jö̧ba̧lö. Yöa̧lökwe, —Jau, ökwöma jwaikwöda Isabenö Jo̧ öba a'otjö sulabenö ja̧köbobö omukwato̧ja, jokwajabetjö̧ ökwönö isakwö chöbadekwajabe.

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 10:4

Yemidanö kakatakwawökötjö̧ma ¡a̧ja̧kwitjö! itekwayima ma̧la̧ka̧yö̧nö kwitebonö metji̧nö wetocha.

Éxodo 10:9

—Ökwödö okobe deinö di̧'yobö jo̧be, tjemubi damöbi okobe deinö. Ditji̧mu̧ ömadönöbi ya̧dönöbi öbibö di̧'yobö jo̧be, ja̧danö da̧jwi̧mu̧nö o̧bȩja̧dönöbi chi̧wo̧dönöbi pa̧ka̧yönöbi öbibö di̧'yobö jo̧be. Okobe deinö di̧'yobö jo̧be, Isabenö Jo̧nö ösödö ba'ali dujunakobetjö̧—

Éxodo 3:18

Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

Éxodo 33:13

Jo̧kwaobetjö̧ ökwönö ateba: Isabenö ötjönö edö, otiwanö omukwato̧, jö̧ba̧lö, kwösöditjö̧ma ja̧köbakwa̧ kwomukwati̧ma yöbawitjö, ökwönö chöwaisemitjö̧ bajalekwönönö chöwaisakobetjö̧. Ja̧danö, ba̧kwȩlö̧jatebö kwösödi̧danö otiwanö omukwatö chö̧jakobetjö̧ yöbawitjö ja̧köbakwa̧ kwomukwati̧ma. Ja̧danö, omukwati: Ökwödö Israel jojodöma ökwöda omudawö kwujuninawö̧sa, ökwöda kwömöledö badibanö— yö̧ba̧lijetö Moisésma Isabenö Jo̧nö.

Éxodo 4:23

Jobadönö kakatakwawobö wetakwö, ötjönö ösödö tji̧'yobö. Jobadönö kakatakwawökötjö̧ma ¡a̧ja̧kwitjö! kwitji̧ abönö pöenö kwabö lotakwo̧sa, jö̧ba̧lö. Jejenö yöa̧lobe Isabenö Jo̧ma ökwönöma, faraón. Moisés, jejenö yökawo faraónnö— jejenö webijetö Isabenö Jo̧ma Moisesnö.

Éxodo 6:11

—Moisés, Egipto inesö la'aka luwo̧, faraón ö̧jobekwö yemidanö 'yawi akebo, Israel jojodönö kwitebotjö̧ latjebo weo— webijetö Isabenö Jo̧ma.

Éxodo 6:27

Jobadöda, Aarón, Moisés Egipto inesö la'aka luwo̧ faraónnö abeba̧lijadötö Israel jojodönö latjebobö weobö.

Éxodo 7:16

Ichibo̧nö yöka̧lo: Isabenö Jo̧, hebreo jojodö tjuluwo̧ Diosma ötjönö weijatö jo̧ba wei̧ ökwönö yötawobö, Chömöledönö kakatakwawo jojodö deobekwö tji̧'yo ötjönö ösödö, jö̧ba̧lö. Jejenö ökwönö yötawijayonö ¡yelösöda! ökwöma kwa̧ja̧kwijökötö.

Éxodo 7:2

Okobe jwiinö ökwönö yötawi̧ma Aarónnö yökawo. Ja̧danö, jo̧banö yökawi̧ma faraónnö yöa̧lakobe, Israel jojodönö kakatakwawo kwitebotjö latjebobö, jö̧ba̧lö.

Éxodo 8:1

Ikenama Isabenö Jo̧ma Moisésnö webijetö: —Moisés, faraón ö̧bobekwö 'ya̧wi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Éxodo 8:16

Ikenama Isabenö Jo̧ma Moisésnö webijetö: —Aarónnö weköbo, otokwa'o do̧ba̧lö i̧sebö nijinö kwao. Kwaena nijiso̧pja̧ma no̧jwö̧da baibanö baledakobe, okobe jwiinö Egiptonö— webijetö Isabenö Jo̧ma Moisésnö.

Éxodo 8:17

Ja̧danö, Isabenö Jo̧ wei̧danö, Aarónma otokwa'o do̧ba̧lö i̧sebö nijinö kwabijetö. Kwaemi okobe jwiinö Egiptonö nijiso̧pja̧ma no̧jwö̧da babibijadötö. Jojodönöbi, tja̧jwi̧munöbi pja̧bijadötö no̧jwö̧ma tjowobö.

Éxodo 8:20

Ikenama Isabenö Jo̧ma webijetö Moisésnö: —Moisés, itekwai yȩayi wilubö kwi̧'yo Nilo ojwebe faraónnö te'ada̧lö, ojwebe ichenanö. Ichibo̧nö yöka̧lo: Isabenö Jo̧ma ökwönö weobe baikwö: Chömöledönö kabatakwawi jojodö deobekwö tji̧'yo ötjönö ösödö.

Éxodo 8:27

Jo̧kwaobetjö, wa̧pötakwa möle kwebachö jojodö deobekwö di̧'yobö jo̧be, Isabenö Jo̧nö, Duluwo̧ Diosnö juwö iyö, jo̧ba weinadanö—

Éxodo 9:1

Ja̧danö, ma̧tu̧lȩ debi batjibaja̧ ikena Isabenö Jo̧ma Moisésnö webijetö: —Moisés, faraón o̧bobekwö yemidanö 'yawi yökawo ötjö jo̧banö weti̧ma, baikwö: Isabenö Jo̧ma ökwönö baikwö weobe: Chömöledönö kabatakwawi ötjönö ösödö iyö tji̧'yo.

Éxodo 9:2

Jobadönö ina latjebokobö kaatakwawökötjö̧ma

Isaías 25:6

—Bi'o Jerusalen mösa'onö, Isabenö Jo̧ Okobe Jwiinö Juluwo̧ Diosma ba'ali ujunakobe, okobe deinö tjitebotenia jojodö tjukwobö. Inesö otiwi̧ ba'ali ujunakobe, söi̧ kwakwawabi tjukwobö, ja̧danö ubasobu o̧'dobu, jwiinö otiwi̧ lekwe möle tjo̧'omanö o̧'dibina ubasobu tjowobö. Jau, jwiinö tjösödi̧ 'wai̧ itebiyakwöbi, jwiinö otiwi̧ lekwe möle tjo̧'omanö o̧'dibina ubasobukwöbi ba'ali ujunakobe, tjitebo tenia jojodö tjukwobö.

Mateo 10:18

Ötjö chöba̧ja̧di̧ waisachadököbaduwobetjö̧, luwedö, ja̧danö inesö la'aka luwedö tjöba a'o kwö̧jaduwakobe, ötjö jawa wene jobadönöbi, ju'wedö judío jojodöböködönöbi yökawaduwakobetjö̧.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Hechos 4:29

Ina abebijadötö: —Duluwo̧ Dios, babema, jobadöma ökwödönö, Usula kwemawaduwobö wedakobe, jö̧ba̧lö, yötja̧li̧ma a̧ja̧kwi. Ökwödönö, kwömöayedönöma pjabati, tabada̧lökönö yödawobö ökwö yökawinama.

1 Corintios 5:8

Ja̧danö, wanedö yötawa: Ja̧ Dios ökwödönö dö̧jibinö ja̧ina pjiesta dujunaduwo chömöledö, ja̧danö jejenö dujunenama, damötjö jawama ye'yeachi̧ ji̧ panpja̧ dukwoko. Jau chömöledö, Dios öpöjödinö ja̧awa ye'yeachi̧ jawa ji̧ panpja̧ dukwoko, sulabenö ja̧awa ye'yeachi̧ jawa ji̧ panpja̧ dukwoko. Ju'wida dukwaduwo chömöledö, ye'yeachi̧ jawa jwii̧ panpja̧da, bakwainö otiwi̧ jawa ji̧, isabenö wene ji̧ panpja̧da dukwaduwo chömöledö.