Éxodo 40:8 - Dios Iwene

⁸ Jemi ikenama, a̧petu tjöekwa̧linö o'wiju a̧kwa̧li̧nö kwönaduwo okwi'ijunö okobe jwiinö cheju a̧petube. Ja̧danö, a̧petu teachakwawemi apjude baibanö o'wijuma akwa̧li̧nö kwönaduwo okwi'ijunö.

Éxodo 40:8 Iomraidhean Croise

Éxodo 40:33

Ja̧danö, jeju a̧petube tjöbebijadötö, jejubi, jeju a̧petubi, juwö iyawapjo jemi. Ja̧danö, a̧petu teachakwawemi apjudedanö o'wiju debatö nönijadötö o'kwijunö. Jejenö Moisésma otidö kabatijetö.

Éxodo 40:7

Ja̧danö, japjotjö, cheju teachakwawemi apjudetjö 'da̧denö kwujunaduwo dichawakwa̧'doma. Junajadöma ja'donö ojwiyo kwotochaduwo.

Éxodo 40:9

Ikenama tjoekwa o̧tesobuma emibö sa̧sa̧köbaduwo chejubi, ja̧danö okobe jwiinö cheju okwa ju̧kwi̧nöbi. Jejenö, jeju, jeju okwa ju̧kwi̧, Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.

Mateo 16:18

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

1 Corintios 12:28

Ja̧danö, okobe deinö iteda ömöledö, Cristo iteba'obedönö otidö ujuninobe Diosma, baikwö yötawa: Abönö Jesús webawedönö ujuninobe, ikenama Dios yöawi̧ yöbawadönö ujuninobe, ikenama Jesúsnö ösödadönö ba̧ja̧dadönö ujuninobe, ikenama jojodö edajitjökö jawa ja̧badönö ujuninobe. Ikenama jojodö tjö'wöchi̧ otidö lobadönöbi, ja̧danö jojodönö pjabatadönöbi, ja̧danö luwedö baibanö otidadönöbi, ja̧danö ju'wedö tjiwenenö yöba̧ladönöbi ujuninobe.