Éxodo 40:24 - Dios Iwene

²⁴ Ja̧danö, dȩju̧wa'yu o̧'di̧ju̧ ja̧ka jeju okwa, tebatö abönösȩko̧nö junijadötö, jeju okwa wajwiobekwöchobekwö junö.

Éxodo 40:24 Iomraidhean Croise

Éxodo 26:35

Ja̧danö, tjöekwado̧ badeibö, la'akasȩko̧nö mesasöte, pan wa̧nawötema tjujuno, o̧do wajwitjobekwö. Ja̧danö, dȩju̧wa'yu o'di̧ju̧ ja̧kama jȩko̧nö tjujuno cheju tjöwaisobekwö.

Éxodo 40:23

Ja̧danö, Isabenö Jo̧ öbajale a'otjö jötenö wanijadötö pan, Isabenö Jo̧nö iyawa panma, Isabenö Jo̧ Moisésnö weinadanö.

Éxodo 40:25

Ja̧danö, Isabenö Jo̧ öbajale a'otjö ja̧ka o̧'di̧ju̧ma wanijadötö, ja̧ka öjabiyadanö ji̧nö bajale, bakwöjakwena bajale bakwa'do̧, Isabenö Jo̧ Moisés weinadanö.

Éxodo 40:4

Ja̧danö, mesasöte cheju okwa abönösȩko̧nö tebatö kwujunaduwo, jötenö wa̧ji̧kwö. Ja̧danö, dȩju̧wa'yu o̧'di̧ju̧ ja̧kabi jȩko̧nö tjujuno. Ja̧ka o̧'di̧ju̧ kwöwanaduwo ja̧ka öjabiya ji̧na bajale bakwöjakwena bakwa'do̧.

Juan 1:1

Ajayima, Dios ina böjȩ otidajapjii, ida̧ökö Dios Iwene Jo̧, jö̧ba̧lö, ötjabökwema ji̧jetö. Ja̧danö, Dios Iwene Jo̧, jö̧ba̧lö, ötjabökwema Dioskwö ji̧na, ajayinöma. Ja̧danö, Dios Iwene Jo̧, jö̧ba̧lö, ötjabökwema Diosbina.

Juan 1:5

Ja̧danö, jo̧ba, Dios Iwene Jo̧, jö̧ba̧lö, ötjabökwema yȩa'wo okwanö dewinö dejato̧, öwawinö baibanö. Jo̧bama yȩi̧tjö juluwo̧danö, dewinö idejatobe yȩa'wo okwanö ba̧kwȩlö̧jatebö, tiibökönö.

Juan 1:9

Dewinö jo̧ma inesö la'aka dewinö jo̧. Jo̧bama böjȩnö ichinobe okobe deinö böjȩnö ju̧kwadönö tjo̧'wo̧ luwo̧nö dewinö dejatö öibobö, otiwanö omukwatö tjö̧jobö.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Apocalipsis 1:20

Ja̧danö, biya̧ babeda wajwiköbi̧ kwedi̧ma labebö lotakwö, kwöwaisachibanö: Bidö si̧li̧'i̧dönö jelemutjö du̧ju̧tajanö chömamunö do̧ta̧lawö̧ma, jelemutjö du̧ju̧tajanö Dios ömöledö babibinadötjö la'aka luwedönö wanekwachobe, jelemutjö dötölatajanö tjuju̧kwitenia ju̧kwadönö. Ja̧danö, biya̧ jelemutjö do'do̧latajanö la̧pa̧la̧yu̧bi̧ya junawa o'di̧juma wanekwachobe ötjönö ösödadönö, jelemutjö dötölatajanö ko̧ko̧kwa̧lö ba̧nö tjuju̧kwitenia ju̧kwadönö— chedökwema jejenö yöawijatö ötjönöma.

Apocalipsis 2:5

Ja̧danö chömöledö, babe kwomukwataduwi̧ kabatibö balewachaduwi, ajayi otiwanö omukwatö kwö̧jinaduwadanö, ötjönö jwiinö ile nibebö kwö̧jaduwo. Jejenö kwomukwataduwi̧ kwöbalewachaduwökötjö̧ma ötjöma kwö̧jaduwobekwö ichö, la̧pa̧la̧yu̧ junawa'do̧ma emibö tje'ewi̧danö che'ewakwo̧sa, ökwödönö lȩbebö.