Éxodo 4:5 - Dios Iwene

⁵ Ikenama jö̧ba̧lijetö Isabenö Jo̧ma: —Jejenö kwi̧sebo Israel jojodönö tjomajadenö tjöwaisachibakobetjö̧, Isabenö Jo̧ma, Abraham, Isaac, Jacob tjösödökwe Diosma isabenö öwawachinobe Moisésnöma, jö̧ba̧lö.

Éxodo 4:5 Iomraidhean Croise

Génesis 12:7

Ja̧danö, jobetjö Isabenö Jo̧ Diosma öwawachijetö Abramnöma. Öwawachö jö̧ba̧lijetö: —Abram, bemi nijima chiyocha ökwötjö tupadanö jojodönö— jö̧ba̧lijetö Isabenö Jo̧ Diosma. Ikenama Abramma Isabenö Jo̧ Dios öwawachajena inawiya wanabinö juwö iyawemi otidijetö, juwö iyobö Diosnö ösödö.

Génesis 17:1

Ja̧danö, Abramma noventa y nueve a̧yo bo̧ ö̧jena Diosma jo̧banö öwawachö yöbawijetö: —Ötjöma Jwiinö Juluwo̧ Diossa. Abram, ötjö weti̧ a̧ja̧kwö, ja̧danö, sulabenö ja̧bökönö kwö̧jo.

Génesis 18:1

Ju'wi möle Abrahamma, Mamre itebonö ja̧nö, i̧sa̧do̧ debatö otidineju apjude a'o bi̧jetö, towi nöowi jena. Jenada bi̧jetö, ja̧wo̧ wöatena. Jena ö̧bena Isabenö Jo̧ Diosma öwawachijetö jo̧banöma. Baikwö baledijetö:

Génesis 26:2

Ikenama, jobetjö Isabenö Jo̧ Diosma öwawachibö webijetö Isaacnö: —Isaac, Egiptobe kwi̧'yoko. Baikwö weti̧ma a̧ja̧kwi:

Génesis 28:13

Isabenö Jo̧ Diosma Jacob i̧'wi̧dinö ji̧jetö, Jacob ipjeanö. Jo̧bama Jacobnö yöbawijetö: —Jacob, ötjöma Isabenö Jo̧ Diossa. Kwa'dö Abraham uluwo̧ Diossa, ja̧danö, kwabe'do Isaac uluwo̧ Diossa ötjöma. Jacob yötawakwö: Bemi kwabemi nijima okobe jwiinö ökwönöbi, ökwötjö tupadanö jojodönöbi chiyakwemi.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 48:3

Ja̧danö, kamapjonö ba̧nö yöba̧lijetö Josénö:—Chitji̧, damötjö Jwiinö Juluwo̧ Diosma ötjönö öwawachijatö, Luz mikwena chö̧jena, Canaán nijinö. Ja̧danö, öwawachajo̧ma Pjatatakwo̧sa, jö̧ba̧lö

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

Éxodo 19:9

Ikenama, Isabenö Jo̧ma jö̧ba̧lijetö Moisésnö: —¡A̧ja̧kwitjö! Ötjöma ojwiyo'wo böa'wo okwa öwawachibö ja'wotjöda yöta̧locha ökwönöma. Ökwönö yötali̧da jojodöma tja̧ja̧kwakobe. Jejenö tja̧ja̧kwobetjö̧ jemi tupakwöma ökwö yökawi̧ma ba̧kwȩlö̧jatebö tjösödakwedö, Jweinö yöbawo̧, jö̧ba̧lö, ötjö yöta̧li̧da tja̧ja̧kwobetjö̧— yöbawijetö Isabenö Jo̧ma Moisésnöma. Ikenama Moisésma mö'ösa'obetjö yutubajö jojodönö Isabenö Jo̧ yöawaja̧ yöbawijetö. Yöawaja̧ ikena, yemidanö nöchijetö, jojodö tjatadaja̧ yöawobö Isabenö Jo̧nöma.

Éxodo 3:15

Ju'wibi yöba̧lijetö Diosma Moisésnö: —Baikwö yökawo Israel jojodönöma: Isabenö Jo̧, da'dödömine tjuluwo̧ Dios, ja̧danö, Abraham, Isaac, Jacob tjuluwo̧ Diosma ötjönö weijatö ökwödönöma, jö̧ba̧lö. Moisés, ötjö chimi, Isabenö Jo̧, jö̧ba̧löma, ba̧kwȩlö̧jatebö chimikwakwo̧sa. Ökwödötjö tupadanö jojodöma ötjönö omukwatö ja chimida ötjönöma ötjabikobe, Isabenö Jo̧, jö̧ba̧lö.

Éxodo 3:16

Moisés, Egiptobe kwi̧'yo. Ichibö Israel jojodötjö damönö tjoko̧ko̧kwobö jwököbo. Ko̧ko̧kwajadönö yökawo: Isabenö Jo̧ma, da'dödömine tjösödökwe Dios, Abraham, Isaac, Jacob tjösödökwe Diosma ötjönö öwawachö ökwödönö yötawobö weijatö baikwö: Eda̧lobe Egipto jojodö ökwödönö juluwanö inia tjöbö kwotidaduwobö wetjobema. Jo̧bama weijatö ötjönö ökwödönö yötawobö.

Éxodo 3:18

Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

Éxodo 3:4

Ja̧danö, Isabenö Jo̧ma Moisés ösötje jo̧obekwö ichobe edö jwöbijetö ösötje okwatjö ¡Moisés! ¡Moisés! jö̧ba̧lö. Jejenö jwöökwe, Jao bena chö̧ja, jö̧ba̧lö atadijetö Moisésma.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

Éxodo 4:31

Jejenö yöa̧liawö̧, ja̧danö juluwi jawa i̧sebiawö̧, Jweinö yöba̧ladö, jö̧ba̧lö ösödijadötö Israel jojodötjö damöma. Ja̧danö, tja̧ja̧kwena, Isabenö Jo̧ inia tjököbaduwino wetjobe edo̧, ja̧danö, ökwödönö pjaatakobe jö̧ba̧lö, tju̧yu̧kijunö bamatö tjöba bȩbachibijadötö nijakwö tjuunö, Isabenö Jo̧nö ösödö.

Éxodo 4:4

Ja̧danö, webijetö Isabenö Jo̧ma Moisésnöma: —Öwali'bo bajalenö do̧bati— weökwe a̧ko'da öwali'bonö do̧atemi otokwa'oda baibijetö.

Isaías 7:9

Jau Acaz, israel niji la'aka comunidadma, sule Samaria comunidadda, ja̧danö Samaria comunidad la'aka luwo̧ma, sule Peka mikwo̧da, jo̧kwajabetjö̧ jobadönö yekaboböma jwiobe Acaz. Jau Acaz, jobadönö yebabökönö, jwaikwöda ötjö Isabenö Jo̧ Diosnöda kwo̧'wo wana̧lö kwö̧jo, 'diinö kwö̧jakobetjö̧. Isabenö 'diinö kwö̧jaduwobö jo̧be Acaz, jo̧kwaijayonö ötjönö kwo̧'woduwi wana̧lökönö kwö̧jaduwitjö̧ma, 'diinö kwö̧jaduwö̧kakwedöja, –jö̧ba̧lö yökawo Acaznö, —jö̧ba̧lö weinobe Isaiasnö.

Juan 11:15

Ö'wö baibena jelobe chö̧jobetjö̧ otiwa, ötjö chujulu chi̧sebobö, ökwödönö pjabatö. Ja̧danö, ökwödöma ötjönö kwomukwataduwobö, Bitema Dios weinökwe, jö̧ba̧lö, chujulu chi̧sebakobe. Tjo̧wi̧ta, dedajaduwo— jö̧a̧linobe iteda öba̧ja̧di̧ waisachadönöma.

Juan 11:42

Chöwaisa, ökwöma ötjö atebi̧ma ba̧kwȩlö̧jatebö a̧ja̧kwo̧ja. Ja̧danö, babema bidö, bena ju̧kwadö ökwönö atebi̧ tja̧ja̧kwobö ateba tjöwaisachibobö, Isabenö bitema Dios weinökwe, jö̧ba̧lö. Jo̧kwaobetjö̧ bidö tja̧ja̧kwa̧lonö pjakatobö atebakwö— aebinobe Jesúsma Abe'do Diosnöma.

Juan 20:27

Ikenama Tomásnö jö̧a̧linobe: —Tomás chömamijunö bȩtjina kwötö'anö 'yutebö edi. Ötjödasa. Ja̧danö, chometupanö dotjinabi 'dawebö edi. Ötjödasa. Ja̧danö, omukwatökönuwi, Jesúsma deobe, ö'wöchinena, jö̧ba̧lö. Jejenöma omukwatökönö, Jesús ina 'yaba̧lo̧, jö̧ba̧lö, jweinö omukwati, Tomás— jö̧a̧linobe Jesúsma Tomásnö.

Juan 20:31

Biya̧ chiwȩyudi̧ma ökwödönö pjabatö chiwȩyuda, kwöwaisaduwobö, Jesúsma Dios weinökwe jojodö tjö̧jibinö pjabatö, jö̧ba̧lö. Ja̧danö, Jesúsma Dios Itji̧, jö̧ba̧lö, kwöwaisachibaduwobö chiwȩyuda bi'yema. Jejenö waisinö, Jesúsma jojodö dö̧jibinö pjabato̧, jö̧ba̧lö, jo̧banö kwösödaduwobö chiwȩyuda bi'yema. Ja̧danö, Jesúsnö ösödö do̧batö kwemaduwobetjö̧, ba̧kwȩlö̧jatebö ja̧kwawa kwujuna̧laduwobö chiwȩyuda biya̧ jawama.

Juan 5:36

Ina yöawinobe: —Ja̧danö, Juan Ojwenö Bu̧dato̧ma ötjönö jweinö yöawijayonö ju'wi jawa Juan yöawi̧nötjö o̧penönö yöawobe ötjönöma, jojodö tjöwaisachibanö i̧sebö. Ötjö Chabe'do ujulunö chi̧sebi̧ jawada yöawobe ötjönöma, Bitema Dios weinökwe, jö̧ba̧lö. Ja̧ chi̧sebi̧ma Chabe'do weinobe, iteda ujulunöda chi̧sebobö.

Hechos 7:2

Jejenö abebö a̧ja̧kwiökwe Estebanma yöbawö atadijetö: —Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö.

Hebreos 11:16

Tjeachakwawa öpöjödö, jwaikwöda 'ya̧nö böjȩnö tjitebotjö o̧penönö otiwemi omukwatö tjite'ada̧linobe, tjitebo baibakwemi. Mölejȩbe Dioskwö tjö̧ji̧ tjitebo baibakwemima tjo̧'wo̧ ösöwanö ja̧nö omukwatö tjite'ada̧linobe. Jejenö omukwatö tjite'ada̧liökwe Diosma jwiinö o̧'wo̧ ösöwanö ö̧jinobe. Ja̧danö, o̧'wo̧ ösöwi̧ i̧sebö jobadö mölejȩbe tjitebo otidinobe, iteda ö̧jobe tjö̧jobö.