Éxodo 4:14 - Dios Iwene

¹⁴ Jejenö aebökwe jwiinö labijetö Isabenö Jo̧ma Moisésnö. Atadijetö: —Jao kwatjö̧ma, kwöpöe Aarónnö wetena, jo̧babi Levítjö tupadanö jojo. Jo̧bama isabenö waiso̧ jojodönö yöa̧lakwawama. ¡A̧ja̧kwitjö! Babema ökwönö edö ichakobe, ja̧danö o̧'wo ösöwanö ösödakobe ökwönö edö.

Éxodo 4:14 Iomraidhean Croise

2 Samuel 6:7

Jejenö maoko jawa maiökwe, Diosma ödameakwinobe Uzanö, ja̧danö jenada Diosma Uzanö lȩbebö kwabö loinobe. Jejenö lȩebökwe, jenada Dios iteapjo ö'öbö ja̧nö ö'wö baibinobe Uzama, Dios iteapjo maajobetjö̧.

1 Reyes 11:9

Jejenö ja̧iökwe, jwiinö ödameakwinobe Isabenö Jo̧ma, Salomonnöma. Damötjö Israel jojodö tjösödökwe Isabenö Jo̧ Diosma dötölatajanö öwawachö yöawinobe Salomonnö, ja̧danö jweinö jo̧banö weinobe, —Ju'wedö tjösödawö̧nö ösödökönö, jwaikwöda Diosnöda kwösödobö jo̧be, —jö̧ba̧lö. Jo̧kwaijayonö jejenö öwawachö weinajayonö, pöe baibenama, a̧ja̧kwökönö, Diosnö otiwanö ösödi̧ kaatibinobe Salomonma, jadanö kaatibiökwe, jwiinö ödameakwinobe Diosma.

1 Crónicas 21:7

Jobekwö israel jojodönö tjö̧ba̧jadobö David weiökwe, jwiinö öpöjödinobe Diosma, ja̧danö öpöjödö lȩebinobe israel jojodönö.

Éxodo 4:13

Jejenö jö̧a̧lijayonö Moisésma jö̧ba̧lijetö: —Chuluwo̧ atebakwö: Jelo̧nö weköbo ötjö jawanö— abebijetö Moisésma.

Éxodo 4:17

Ja̧danö Moisés, kwotokwa'o do̧ba̧lö kwi̧'yo, kwo̧'wo jwibibökönuwi, juluwi̧ jawa kwi̧sebakwa̧ma— webijetö Isabenö Jo̧ma Moisésnöma.

Éxodo 4:27

Ja̧danö, Isabenö Jo̧ma Aarónnö webijetö: —Jojodö deobekwö 'yawi, kwöjawo̧ Moisésnö kwöbajekwajo— weökwe 'yajo̧ma mö'ösa'o, Dios ö̧ja'o, jö̧ba̧lö, mikwa'onö öwawachakwa̧'onö ichibö badekwajijetö Moisésnö. Badekwajö ibekwasa'wonö du̧batijetö Aarónma Moisésnöma, dokwa jö̧ba̧lö.

Hechos 15:28

Böjanö kwialusöjanö weda ökwödönö judío jojodöböködönö, ja̧bö kwuju̧kwaduwi̧ma lȩbebö. Dios O̧'wo̧ Luwo̧da pjaatijatö döwaisachibobö jo̧ba ösödi̧ma, ökwödö ja̧bö kwuju̧kwaduwobö ösödi̧ma. Ja̧ ösödi̧ma biya̧: Chömöledö, okobe jwiinö Moisés iwȩyudina wenema ja̧köbaduwoböma wedökö.

2 Corintios 2:13

Jo̧kwaijayonö, döjawo̧ Tito deitjö̧, nöinö cho̧'wo̧ tjo̧achijatö, Titoma daijö, Corintio jojodönö dakwö yöawakwa̧jö jö̧ba̧lö. Jau chömöledö, Titoma kwiteboduwitjö ȩwa̧jo̧, jo̧babi ötjökwö Troasbe ichibakwo̧ jö̧ba̧lö chomukwatijayonö, deinobe. Jo̧kwajabetjö̧ jobetjö labebö, Macedoniabe chi̧'yijatö jo̧banö isakwö, ökwödönö yöawakwa̧ cha̧ja̧kwakobetjö̧.

Filipenses 2:21

Ju'wedö okobe deinö Jesucristo jawa junibö, idöda jawada omukwatadö chömöledö,

Josué 24:5

Ikenama ja'yubenö lekwajabetjö, Moisesnöbi Aaronnöbi wetijatö, ja̧danö Egipto jojodönö lȩtebijatö. Jobe tjö̧'da̧de ja̧nö, jwiinö jobadönö lȩtebijatö, usula tjemawinö, ja̧danö jemi ikenama jobadö tjitebotjö lakebaduwinö ötibijatö baikwö.

1 Samuel 12:8

Da'dömine Jacob egipto nijibe ja̧nö i̧'yaja̧ ikena, egipto jojodöma usula tjemawinö ja̧tjinobe da'dödönö, ¿jö̧tö? Ja̧danö, jejenö usula emawö, da'dödöma Isabenö Jo̧nö tjubudekwinobe, ja̧danö tjubudekwiökwe, Moisesnöbi Aaronnöbi da'dödönö pjatjatobö weinobe, ¿jö̧tö? Jau, isabenö da'dödönö pjabatö Moisesnöbi Aaronnöbi weinobe Isabenö Jo̧ma, ja̧danö jobadöma egipto nijitjö da'dödönö öbibö tjichejebinobe baikwö, bai ditebonö otiwanö tjö̧jobö.

1 Samuel 2:27

Ju'wi möle bakwo̧ Dios yöawi̧ yöbawo̧ma Eli ö̧jobekwö ichö yöawinobe Elinö: —Baikwö yöawobe Isabenö Jo̧ma ökwönö, Damötjö̧ kwa'dödö ina egipto nijinö ja̧nö faraon tjömöayedö tjö̧jayi, ötjöma kwa'dömine Aaronnö chöwawachijatö, ¿jö̧tö?