Éxodo 4:11 - Dios Iwene

¹¹ Jejenö jö̧a̧lökwe: — Moisés ¿kwomukwatököji̧? ¿Tida jojo yöa̧lobö otidinama? Ja̧danö ¿tida jojonö yöba̧lö̧kö̧nö, a̧ja̧kwö̧kö̧nö, edo̧nö, edö̧kö̧nö otidinama? Ötjödasa, Isabenö Jo̧da jejenö otidinama.

Éxodo 4:11 Iomraidhean Croise

Génesis 11:7

Jejenö jö̧ba̧lö ȩwa̧jo̧: —Jobekwö di̧'yo, tjiwene balewö lodo wainö tjiweneda yöba̧ladö batjibanö, bakwo̧ jelo̧ yöa̧li̧ma a̧ja̧kwökakobetjö̧— jö̧ba̧lijetö Isabenö Jo̧ma.

Génesis 18:14

Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

Proverbios 20:12

Ja̧danö, ju'wibi yötawa: Isabenö Jo̧ma dötölataja jawa otidinobe ökwödönö pjabatö. Ökwödö dölakiyuma otidinobe da̧ja̧kwobö. Ja̧danö, döbajalebi dedobö otidinobe Isabenö Jo̧ma ökwödönöma.

Isaías 42:7

Ja̧danö jobekwö chiyobetjö̧, tjöbajale tjewawadö tjöbajalema po̧kebakwo̧ja, otiwanö tjedakobetjö̧. Ja̧danö ka̧lena ba̧jadö, yȩa'wo okwa ba̧jadönö, tjö̧bajejutjö latjebobö pjakatakwo̧ja, jö̧ba̧lö laebobe Dios yöawi̧ma.

Isaías 6:7

ja̧danö ubö̧'anö cha̧jȩ mabö̧ yöa̧linobe, —Isaias, Bö̧'a ubö̧'anö kwa̧jȩ matajabe, ja̧danö bö̧'a kwa̧jȩ maajobetjö̧, wene kwujuna̧li söbebö loajabe, ja̧danö kwusula dichö loajabe, —jö̧ba̧lö.

Mateo 11:5

tjöbajale tjewawinadöma babema edadö, ja̧danö kwebachinöködöma babema kwebachadö, ja̧danö tji̧sȩdo̧ sulinadöma, babema tji̧sȩdo̧ otiwadö, ja̧danö a̧ja̧kwinöködöma babema a̧ja̧kwadö, ja̧danö ö'wö babibajadöma yemidanö 'yabibajadö, ja̧danö usula jojodöma otiwa jawa wene yöawakwawa a̧ja̧kwadö jö̧ba̧lö Juannö yökawaduwo, ja̧ baledi̧ a̧ja̧kwö ötjönö öwaisakobetjö̧.

Lucas 1:20

Ja̧danö baikwö yötawakwö: Ökwönö yötawaja̧ jawa baledakwa̧ möle badekwachenama, isabenö yötawaja̧danö baledakobe. Jo̧kwaijayonö omöna jö̧ba̧lö yötawaja̧ kwösödokobetjö̧, isabenö yöba̧lökönö kwiwene jwibö kwö̧jakwo̧ja yötawaja̧danö badekwachenanö kabatö— jö̧ba̧lö yöawinobe ángelma.

Lucas 1:64

Ikenama, Juan imi iwȩyudaja̧ ikena, Zacarías iwene jwiaja̧ma omönanö yöa̧libinobe, yemidanö iwene tjeachajinobe, Zacarías iwenema. Ja̧danö, juluwanö Diosnö ösödö yöa̧linobe Zacaríasma.

Juan 10:21

Ja̧danö ju'wedöma jejenö tjomukwatinokobe. Jö̧tja̧linobe: —Awetja ömöayo̧ teachibinökökwe. Awetja ömöayo̧ teachibinökwema jejenö yöba̧lö̧kö̧. Ja̧danö, Awetja ömöayo̧ teachibinökwema ¿öbajale tjewawökwe otiwanö edobö otidö loenaji̧? Jejenö otidö lobö̧kö̧ Awetja ömöayo̧ teachibinökwema— jö̧tja̧linobe judío jojodötjö ju'wedöma.