Éxodo 4:10 - Dios Iwene

¹⁰ —Chuluwo̧ jweinö yöta̧lakwö: Ötjöma otiwanö yöba̧lö̧kö̧sa jojodönöma. Ajayinö chöbötjachinemi baikwö yemidawo̧sa. Ja̧danö ina, babebi yöka̧lajemitjö̧ tupakwöbi ja̧danö. Juluwanö yöba̧lökösa, dakwö yöta̧lajö, jö̧ba̧lö. Wajwibo̧sa— jö̧ba̧lijetö Moisésma Isabenö Jo̧nöma.

Éxodo 4:10 Iomraidhean Croise

Diosnö ösödo̧ Job mikwo̧ usula emawina jawa 12:2

—Kwedaduwemi, ökwödödaja, waisanö omukwatadöma, jadanö debö kwi̧'yaduwaja̧ ikenama, waisadö deena bö̧jenöma, jö̧ba̧lö.

Éxodo 3:11

Jejenö yöa̧liökwe atadijetö Diosnö: —Ötjöma webö̧kö̧sa. ¿Dakwö abebö chi̧'yobö jo̧banöma, webitjö Israel jojodönö belö labeibö chi̧'yo, jö̧ba̧löma? Abebö chi̧'yökena— atadijetö Moisésma.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

Éxodo 6:12

Jejenö weijayonö: —Atebökena. Israel jojodöbi ötjö yötawi̧ tja̧ja̧kwokobe. Jo̧kwaobetjö̧, ¿dakwö a̧ja̧kwobö faraónma ötjö yötawi̧ma? Otiwanö yöba̧lö̧kö̧sa ötjöma—

Éxodo 6:30

Jo̧kwaijayonö Moisésma baikwö atadijetö Isabenö Jo̧nö: —Yöta̧lökena. Otiwanö yöba̧lö̧kö̧sa ötjöma. ¿Dakwö a̧ja̧kwobö faraónma ötjö yöta̧li̧ma?— jö̧ba̧lö.

Hechos 7:22

Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma.

2 Corintios 10:10

Jau chömöledö, ju'wedöma baikwö yöba̧ladö: Aaa, Pabloma sule yebeabinöda yebeabo̧. Jelobetjö kwialusöja iwȩyudenama, juluwo̧danö labinö lȩbebö iwȩyudijayonö, ökwödökwö ö̧jenama, juluwö̧kö̧, ja̧danö yöawi̧ma mikwawökö, ujulu jwibo̧ jö̧ba̧lö.

2 Corintios 11:6

Ju'wedö ötjönö yötja̧lena, Aaa, Pabloma jojodö tjösödachibanö yöawakwawama otiwanö yöbawö̧kö̧ jö̧ba̧lö, jo̧kwaijayonö baikwö yötawaduwakwö, ju'wedö jojodö tjösödachibanö yöbawadö yötjawi̧danö yötawököjayonö, waisakwawa jawama isabenö waisanö yöbawo̧sa chömöledö, ja̧danö isabenö öwaetjöda i̧sebiachinobe ökwödönö chömöledö, waisakwawa waiso̧ chö̧ji̧ma.