Éxodo 39:6 - Dios Iwene

⁶ Ja̧danö, inawiya onice mikwi̧ öwiya, döwölataja oledö otidijadötö. Tjoledaja jawa öwi̧yanö 'dȩbö wȩyudijetö, 'dȩbö wȩyukwa waiso̧ma, bakwawakwena Israel i̧tji̧mu̧, a̧li̧nösamutjö̧ duju̧tajanö tjimibiyama. Jemi ikenama bakwawakwena orotjö otikwa öte öpöchijetö.

Éxodo 39:6 Iomraidhean Croise

Diosnö ösödo̧ Job mikwo̧ usula emawina jawa 28:16

Ofirtjö emawa oro nönajadö tjimiditjö̧bi, nöinö mikwawawa onicebi, zafirobi tjimiditjöbi, yayonö waisanö omukwatakwawa midö tjemobö jwibadö.

Éxodo 25:7

Ina webijetö: —Ja̧danö, tjiyakwa̧ma inawiyabi tjiyo, biya̧: Nöinö mikwawi̧ inawiya onice mikwi̧ tjiyo. Ja̧danö, ju'wi nöinö mikwawi̧ öwiyabi tjiyo. Ja̧ inawiya, onice mikwi̧ inawiya, ju'wi inawiya ötjötjö jojodötjö dö'tja̧denö la'aka pjabato̧ ökamijido̧ wamesado̧ öböbe'o bakwachakwadanö akwacha̧lö la̧kobe. Ja̧danö, ja̧do̧ wame jeledo̧, omuko̧sado̧ la̧kobe, melekwado̧. Ja̧donöbi nöjakobe inawiyama—webijetö Isabenö Jo̧ma Moisésnöma.

Éxodo 28:11

Jo̧ba 'dȩbö wȩyudo̧ma ja̧ otikwa jwiinö waiso̧da otidakobe, seyu 'dȩbö wȩyukwadanö. Ikenama, bakwawakwena orotjö otikwa öte öpöcho.

Éxodo 28:12

Ikenama, inawiya, orotjö otikwa öte öpöchaja̧ öwiyama kamijido̧ wamesado̧ öböbe'onö ö̧no bakwachakwadanö. Jejenö Aarónma Jacob i̧tji̧mu̧ tjimibiya, Israel jojodö a̧li̧nösamutjö dosolatajabedönö wanekwachi̧ imibiyama ba̧kwȩlö̧jatebö öwanalakobe öböbe'onö. Jejenö, Aarónma ötjönö juwö iyö teachena ötjö, Isabenö Jo̧ma chomukwatocha Israel jojodönö, a̧li̧nösamutjö dosolatajabedönöma.

Éxodo 28:9

Ja̧danö, inawiya onice mikwi̧ öwiya, döwölataja oledö tjotido. Oledö tjotidaja̧nö 'dȩbö iwȩyudo 'dȩbö wȩyukwa waiso̧ma. Bakwawakwena 'dȩbö iwȩyudo Jacob i̧tji̧mu̧, a̧li̧nösamutjö̧ du̧ju̧tajanö tjimibiyama.

Éxodo 35:9

Ja̧danö, inawiyabi kwiyaduwo, biya̧: Nöinö mikwawi̧ inawiya onice mikwi̧ kwiyaduwo. Ja̧danö, ju'wi nöinö mikwawi̧ öwiyabi kwiyaduwo. Ja̧ inawiya, onice mikwi̧ inawiya, ju'wi inawiya ötjötjö jojodötjö dö'tja̧denö la'aka pjabato̧ ökamijido̧ wamesado̧ öböbe'o bakwachakwadanö akwacha̧lö la̧kobe nönawakwa̧. Ja̧danö, ja̧do̧ wame jeledo̧, omuko̧sado̧ la̧kobe, melekwado̧. Ja̧donöbi nöjakobe inawiyama.

Éxodo 39:5

Ja̧danö, di̧atakwawado̧ma otiwanö 'dö̧bijadötö 'döawa jwiinö waisadöma, ja'önönö la̧do̧ ö̧dö̧lö̧'a̧ bakwachakwadanö pjöa̧linö di̧atakwawado̧. Bakwainö opjiyatjö jwiinö otiwanö ti̧lijadötö, orotjö otikwa opjiyakwö, ö̧'dö̧wi̧pjiyakwö, duwayuwapjiyakwö, duwapjiyakwö, ja̧danö jwiinö otiwa jawa lino mikwi̧tjö otikwapjiyakwö luledö. Isabenö Jo̧ Moisésnö 'dö̧tjobö weinadanö 'döbijadötö ja̧do̧ di̧atakwawado̧ma.