Éxodo 37:23 - Dios Iwene

²³ Ja̧danö, öjabiya ji̧na bajale bakwöjakwena o̧'di̧ju̧ dadö otidijetö, bakwai̧ orotjö, okobe jwiinö jelemutjö bakwa'do̧nö, oliva o̧tesobu toekwakwa̧ o̧'di̧ju̧. Jenanö, dȩju̧wa'yu o̧'di̧ju̧ ja̧ka okwi'o bajalenöbi deja'do̧ bakwa'do̧ dadö otidijetö. Ja̧danö, isa̧wu̧ ubaja̧wu̧ pji̧ekwaka dadijetö, bakwai̧ orotjö. Ja̧danö, dȩja̧pi̧ya̧ ubajo̧pja̧ wa̧bebö loawapiya̧bi bakwai̧ orotjö dadijetö.

Éxodo 37:23 Iomraidhean Croise

Éxodo 25:37

Ja̧danö öjabiya ji̧na bajale bakwöjakwena o̧'di̧ju̧ ja̧kobe, okobe jwiinö jelemutjö do'do̧latajanö, o̧tesobu okwakwa̧ o̧'di̧ju̧. Ja̧ o̧'di̧ju̧tjö̧ jȩko̧ okwa dewinö dejatakobe ubemi badeibö.

Éxodo 25:38

Ja̧danö, isa̧wu̧ ubaja̧wu̧ pji̧bebö loawaka bakwai̧ orotjö tjödado. Ja̧danö, dȩja̧pa̧ ubajo̧pja̧ wa̧bebö loawapabi bakwai̧ orotjö tjödado.

Éxodo 37:22

Ja̧danö, okobe jwiinö dȩju̧wa'yu o̧'di̧ju̧ ja̧kama bakwai̧ orotjö 'dobö bakobe dötewinö dadijetö, o̧bu̧bi̧ya la'aka ji̧nabi, ö̧jabiya ji̧nabi.

Éxodo 37:24

Okobe jwiinö dȩju̧wa'yu o̧'di̧ju̧ ja̧ka jawa bakwai orotjö treinta y cinco kilos jenanö dadijetö.

Apocalipsis 1:12

Ja̧danö, ötjönö yöba̧lajo̧nö chedotö jö̧ba̧lö jalachibö chedemi la̧pa̧la̧yu̧bi̧ya junawa o'di̧ju chedijatö, jelemutjö do'do̧latajanö ju̧kwi̧, orotjö otikwa o'di̧ju.

Apocalipsis 1:20

Ja̧danö, biya̧ babeda wajwiköbi̧ kwedi̧ma labebö lotakwö, kwöwaisachibanö: Bidö si̧li̧'i̧dönö jelemutjö du̧ju̧tajanö chömamunö do̧ta̧lawö̧ma, jelemutjö du̧ju̧tajanö Dios ömöledö babibinadötjö la'aka luwedönö wanekwachobe, jelemutjö dötölatajanö tjuju̧kwitenia ju̧kwadönö. Ja̧danö, biya̧ jelemutjö do'do̧latajanö la̧pa̧la̧yu̧bi̧ya junawa o'di̧juma wanekwachobe ötjönö ösödadönö, jelemutjö dötölatajanö ko̧ko̧kwa̧lö ba̧nö tjuju̧kwitenia ju̧kwadönö— chedökwema jejenö yöawijatö ötjönöma.

Apocalipsis 4:5

Ja̧danö, ö̧belöma böba kwawijatö, nekakanö dejö. Böbama labinö ökwödijatö. Ja̧danö, ö̧bemi badeibö dejuwa'yiju, jelemutjö do'yulatajanö ubijatö. Ja̧ o'yubiyama Dios O̧'wo̧ Luwo̧ ujulu i̧sebi̧, jelemutjö dötölataja ujulu ujuna̧li̧ wanekwachi̧.

Apocalipsis 5:5

Ja̧danö, chubudekwiökwe, damö la'aka luwedötjö bakwo̧ma ötjönö pjabatö yöawijatö: —Budekwökönuwi. Isabenö yötawa. Jwiinö mikwawo̧ma ö̧jobe, bakwo̧da. Jo̧bama kwa'dömine Judá ömöledötjö tupadanö jojo, Didiba, jö̧ba̧lö, ötjabökwe. Ja̧danö, kwa'dömine David ömöledotjöbi tupadanö jojo, jo̧bama. Jo̧bada sulabebi, wobajalebi jwiinö juluwo̧obetjö̧, jo̧bada, jwiinö mikwawo̧ma, böja tö'awa'be pöekwöja kabebö edobö jo̧ma— yöawijatö damö la'aka luwo̧ma ötjönöma.