Éxodo 36:8 - Dios Iwene

⁸ Okobe deinö Isabenö Jo̧ inesö eju otidadöma o̧do otikwa jwiinö waisadöda otidijadötö. Ja̧danö, i̧sa̧'wo do'wolataja jawa o'wijuma muchebijadötö jejuma. Tjumuchebaja̧'woma jwiinö otiwi̧ jawa, lino mikwi̧ opiyatjö ja̧danö, ö̧'dö̧wi̧ opjiakwöbi luledö, duwayuwapjiakwöbi luledö, duwapjiakwöbi luledö tjitilina'wiju. Ja̧'wonö bakwa'wokwena bakwo̧ 'dö̧awa waiso̧ma ángeles, queribines mikwadö wanekwachadönö otiwanö 'dö̧bijetö isa'wonö.

Éxodo 36:8 Iomraidhean Croise

1 Reyes 6:23

Ja̧danö, okwasȩko̧ okwa, olivo towi ötebiyatjö du̧ju̧taja angeledö querubines ötjabawö tjo'wo jawa otidinobe. Bakwo̧nökwena, cuatro metro ja'ö möbadönö batjibanö otidinobe.

1 Crónicas 15:1

Jerusalen comunidad, David itebo comunidad ötjabobe comunidadnö ja̧nö, iteda ejubiya otidinobe Davidma. Ja̧danö, ju'wibi Dios iteapjo wei̧ wȩyukwaba döbölataja a̧ja̧pjo ujunakwemi otidinobe, ja̧danö jobe o̧do sabana'wotjö otikweju otiweju otidinobe, jobe Dios iteapjo ujunakobetjö.

Éxodo 25:18

Ja̧danö, orotjö 'dobö jalinö sedatö tjotido du̧ju̧tajanö mu̧yȩka̧dönö, tjo̧wa̧ja̧pa̧ lö̧jinö ju̧kwadönö, querubines mikwadönö. Jobadönö tjujuno isapjo muchekwapi wamenö, Dios jojodö tjusuli̧ tjumuchebemi wanekwachapi wamenö. Ja̧pi wamenö wajwitjobekwö bakwo̧nö tjöwaisobekwö bakwo̧nö mu̧yȩka̧dö querubines mikwadönö tjujuno.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.

Éxodo 31:6

Ja̧danö, jelo̧nöbi omudawö chujunijatö Bezaleelkwö pjabatö otidobö, Aholiabnö, Ahisamac itji̧, Dansasotjö jojonöma. Ja̧danö, jo̧banö, ju'wedö ömadönöbi okobe jwiinö ökwönö wetina otiwanö tjotidobö tjöwaisakobetjö̧ pjabato̧sa.

Éxodo 31:7

Ja̧danö, jobadö tjotidakwa̧ma bi̧ya: Ökwödö kwö'da̧deduwinö chö̧jakweju, ja̧danö ötjö wetina inabiya wȩyukwa a̧ja̧pjo, ja̧danö japjo muchekwapi, ja̧danö okobe jwiinö cheju okwa jawa.

Éxodo 35:10

Jo̧kwaobetjö̧ ökwödötjö ja̧ otikwa waisadöma kwotidaduwo okobe jwiinö Isabenö Jo̧ weinama— yöba̧lijetö Moisésma Israel jojodönöma.

Éxodo 36:9

Bakwa'wokwena wayobekwö doce metros y medio ja̧danö, ja̧kwölakwö dos metros, bakwa'wokwena bakwainö.

Éxodo 39:3

Ja̧danö, orotjö otikwapjiyama orotjö 'dobö jalinö sedachibö 'wibijadötö öpjiya. Ja̧ orotjö otikwapjiyama tilawa waiso̧ma otiwanö tilijetö ö̧'dö̧i̧pjiyakwö, duwayuwapjiyakwö, duwapjiyakwö, ja̧danö jwiinö otiwa jawa linotjö otikwapjiyakwö.