Éxodo 35:21 - Dios Iwene

²¹ Ikenama, jobadötjö tjomajadenö tjösödinö meajawö̧ma do̧'wo luwo̧nö pjadatobö dösöda, jö̧ba̧lö, e'ewö 'yi̧jadötö Isabenö Jo̧ eju tjotidakwa̧ jawabi, ja̧danö eju okwa junawa tjötidakwa̧ jawabi iyö. Ja̧danö, Aarón, Aarón itji̧mu jwiinö otiwanö, wainö ji̧ 'dutjawakwa̧di̧ju i̧sa̧dijuma 'dö̧tjakwa̧ jawabi e'ewö yi̧jadötö, iyö.

Éxodo 35:21 Iomraidhean Croise

2 Samuel 7:27

Jau chuluwo̧, jejenö pjakatoböma ateboko jö̧ta̧lajabe, jo̧kwaijayonö ökwö Isabenö Jo̧ Okobe Jwiinö Juluwo̧ Israel tjuluwo̧ Diosma, ida̧ökö pjakatakwa̧ wene yökawajabe. Jo̧kwajabetjö̧, yökawaja̧ a̧ja̧kwö, ötjö kwömöayo̧ma chujuluwachibajabe chuluwo̧, ja̧danö kwöba a'otjö yöka̧laja̧danö, dösölö̧jinö edö pjakato jö̧ba̧lö atebakwö.

1 Crónicas 28:2

Ja̧danö, öba a'o tjichibiökwe, tjöba a'o a̧la̧ibö öjamatinobe Davidma, ja̧danö jobadönö yöawinobe baikwö: —Chömöledö chömöayedö israel jojodö, baikwö yötawaduwakwö: Ötjöma Isabenö Jo̧ eju, wei̧ wȩyukwaba döbölataja a̧ja̧pjo ja̧kweju chotidobö chösödijatö, jejuma ba̧kwelöjatebö duluwo̧ Dios ömasapiya wanawemidanö ja̧kobetjö̧. Ja̧danö, jobekwö omukwatö jeju chotidakwa̧ abönö jawa chotidijatö.

1 Crónicas 28:9

Ja̧danö, ökwö chitji̧ Salomonnö baikwö yötawakwö: Ötjö kwabe'dö chösödökwe Diosnö otiwanö kwöwaisobö kwisakwo, ja̧danö jwaikwöda okobe jwiinö kwomajadenö, öpöjödökönö jo̧ba wei̧ ösödö a̧ja̧kwö kwö̧jo. Jau chitji̧, Isabenö Jo̧ma okobe deinö tjomajade okwanö tjomukwati̧ edö waiso̧, ja̧danö okobe jwiinö omukwatö tjujuni̧ jawama, öwawinö edö waiso̧. Ja̧danö, jo̧banö kwisakwitjö̧ma, kwöbadekwajobö weakwo̧ chitji̧, jo̧kwaijayonö jo̧batjö 'da̧bachibö kwi̧'yitjö̧ma, ökwönö kabatibö ikwö loakwo̧, ba̧kwelöjatebö loawa baibanö.

1 Crónicas 29:14

Jo̧kwaijayonö, jobekwö ökwönö ösödö yöda̧lijayonö, ökwönö diyobö jö̧da̧lidanö diyoböma jwibadösa chuluwo̧. Jau chuluwo̧, okobe jwiinö dujuna̧li̧ma, ökwö kwiyina jawada juna̧ladösa chuluwo̧, jo̧kwajabetjö̧ ökwönö diyi̧ma, ökwödöda jawamaökö chuluwo̧, ökwö kwiyina jawada tjebatö diyobö jo̧be.

1 Crónicas 29:3

Ja̧danö, jwiinö chösödökwe Dios eju otidobö chösödobetjö̧, ida̧ökö chujunaja̧ jawakwö, ju'wibi okobe jwiinö ötjöda chitea oro jawabi, plata jawabi 'da̧batö chiyobe, chösödökwe Dios eju otikwa jawa baibanö.

1 Crónicas 29:8

Ju'wibi, inawiya nöinö mikwawawa juna̧ladöma, tjiteatjö Isabenö Jo̧ eju lödawȩko̧ teada̧lakwawa luwo̧ Jehielnö tjiyinobe, ja̧tjö Isabenö Jo̧ eju Salomon otiwanö otidakobetjö̧.

1 Crónicas 29:9

Ja̧danö, jobekwö iyajadö, jojodöma tjo̧'wo ösöwachibanö tjösödinobe, —Öpöjödökönö, otiwanö do̧'wo ösöwachibanö diyajabe Isabenö Jo̧nö, —jö̧ba̧lö. Jau, tjomajadenö tjiyobö ösödö, otiwanö tjiyinobe Isabenö Jo̧nö, ja̧danö jobekwö tjiyiökwe, la'aka luwo̧ Davidbi o̧'wo ösöwachibanö ösödinobe.

Éxodo 25:2

—Moisés, Israel jojodönö weköbo tju̧kwa teatjö tjoko̧ko̧dobö, ötjönö tjiyakwa̧ma. Bakwo̧nökwena tjomajadenö tjösödinö meitjö̧ma tjiyo jö̧ba̧lö. Ikenama ötjönö tjiyaja̧ma ökwödada emö kwujuna̧lo.

Éxodo 35:20

Jemi ikena, okobe deinö Israel jojodöma Moisés ö̧jelö labebö ȩwa̧jijadötö.

Éxodo 35:22

Ja̧danö, okobe deinö ömadötjö, ya̧dötjö, tjomajadenö tjösödinö meajawö̧ma, Isabenö Jo̧nö diyobö dösöda, jö̧ba̧lö, omukwatadöma idöda orotjö otikwa jawa, sasiyu, lawosopja, kamijidonö yutebö tjönawa o̧ko̧bi̧ya, tjötjö'asa̧ko̧bi, ju'wi jawabi ju'wi jawabi orotjö otikwa jawa e'ewijadötö Isabenö Jo̧nö iyö.

Éxodo 35:26

Ja̧danö, 'ya̧dötjö ju'wedöma, chi̧wo̧dö tjöwö'yetjö dölawa waisadö, tjomajade tjösödinö meajawö̧ma dölawijadötö.

Éxodo 35:29

Ja̧danö, okobe deinö Israel jojodö tjomajadenö tjösödinö meajawö̧ma, Pjadatobö dösöda, jö̧ba̧lö ömadöbi ya̧döbi ichejebijadötö Isabenö Jo̧ Moisésnö weina jawa, tjotidakwa̧ jawama, Isabenö Jo̧nö ösödö kabebö iyö.

Éxodo 35:5

Kwiteaduwitjö 'da̧batö kwoko̧ko̧daduwo, Isabenö Jo̧nö kwiyaduwakwa̧, iteda weinama. Ja̧danö, bakwo̧nökwena kwomajadeduwinö kwösödaduwinö mei̧tjöda kwiyaduwo, biya: Oro, plata, bronce kwiyaduwo.

Éxodo 36:2

Jo̧kwaobetjö̧ Moisésma jwöbijetö Bezaleelnö, Oholiabnö, ja̧danö, ju'wedö o̧do otikwa waisadönö tjichobö, okobe deinö o̧do otikwa waisadö batjibanö Isabenö Jo̧ pjaatawö̧nöma, ja̧danö, tjomajadenö, Isabenö Jo̧ eju dotidobö dösöda, jö̧ba̧lö, omukwatadönöma.

Proverbios 4:23

Ja̧danö, ju'wibi yötawakwö chitji̧: Kwomajadenö kwomukwati̧ma ö'wiyawakwawönö kwite'ada̧lakwawo sulabenö kwomukwatapji jö̧ba̧lö. Chitji̧, kwomajadenö otiwanö kwomukwatitjö̧ma otiwanö kwö̧jakwo̧ja. Jo̧kwaijayonö kwomajadenö sulabenö kwomukwatitjö̧ma sulabenö omukwatö kwö̧jakwo̧ja. Isabenö chitji̧, kwomajadenö kwomukwataja̧ma kwite'ada̧lobö jo̧be, otiwanö jweinö kwomukwatakobetjö̧.

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

2 Corintios 8:12

Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.

2 Corintios 9:7

Ja̧danö, kwiyaduwakwa̧ma baikwö yötawa chömöledö, okobe deinö bakwo̧nökwena kwomajadeduwinö omukwatö kwujunaduwo, kwiyaduwakwa̧ma. Ja̧danö, ökwödö kwo̧'wo̧ ösöwanö kwiyaduwobö jö̧ka̧laduwi̧danö kwiyaduwo, Aaa, chöpöjödijayonö, chiyobö jo̧be jö̧ba̧lö omukwatömaökö, ja̧danö ju'wedö kwiyaduwobö wetjawö̧maökö. Jau chömöledö, Diosma tjo̧'wo̧ ösöwanö iyadönö ösödo̧obetjö̧, jejenö kwiyaduwo.

Jueces 5:12

—¡Wilubi Debora wilubi! ¡Wilubaju lo̧awa lo̧bi! ¡A̧la̧ibi Barac, kwujuluwajawö̧nö juluwajo̧ jelobe öbibi, ökwö Abinoan itji̧ Barac! —jö̧ba̧lö jwötjeabinobe.

Jueces 5:3

Ökwödö inesö la'aka luwedö a̧ja̧kwaduwi, ja̧danö ökwödö ju'wedö la'aka luwedöbi omukwatö kwa̧ja̧kwaduwo, Isabenö Jo̧nö ösödö lo̧tonö. Jau, ökwödö israel jojodö dösödökwe Isabenö Jo̧ Diosnö ösödö lo̧tonö, a̧ja̧kwö kwomukwataduwo.

Jueces 5:9

Isabenö cho̧'wo ösöwanö chomukwatobe babe ökwödö israel jojodö duluwedönöma, jobadöbi ju'wedöbi tjo̧'wo ösöwanö tjölakwabikwawobö tjichinobe, inesö labijayonö, yayonö tjo̧'wo ösöwanö tjichinobe, döpöjojodötjö dö̧jibobö. Jobadönö omukwatö, cho̧'wo ösöwanö chösödobe Isabenö Jo̧nö, isabenö duluwo̧ Diosnö dösödaduwo.