Éxodo 34:30 - Dios Iwene

³⁰ Ja̧danö, Aarón, ju'wedö Israel jojodö Moisésnö tjedemi, ¡ayö! öbanö salöbo̧, jö̧ba̧lö, jo̧ba ö̧jobekwö tji̧'yawibobö yebabijadötö.

Éxodo 34:30 Iomraidhean Croise

Éxodo 34:31

Yetjabiökwe jobadönöma, yebabökökönö ichaduwi, jö̧ba̧lö, jwöbijetö Moisésma. Jwöiawö̧ Aarón, ju'wedö Israel jojodötjö la'aka luwedö Moisés ö̧jobekwö 'yawibajijadötö. Ja̧danö, jobadönö yöba̧lijetö Moisésma.

Marcos 9:15

Ikenama Jesús ichiawö̧ jojodöma: —Edaduwi, ida̧ökö ȩwa̧ja— jö̧ba̧lö, ösödö ö'öbakwawö 'yi̧jadötö ichobekwö.

Marcos 9:3

Ökamijido̧ma salöinö jwiinö dewijetö, böjȩ jojodö dichajitjökenanö dewinö.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

2 Corintios 3:7

Jau chömöledö, ja̧ Dios yöbawö ujunina wene 'yayi̧ wenema, ja̧kwawa iyobetjö̧ isabenö Moisés iwȩyudinatjö bajalekwönönö otiwobe. Baikwö labebö lobö yötawa: Kwöwaisaduwa chömöledö, damötjö Diosma inabiya iteda wei̧ wȩyukwaba Moisésnö iyinobe, ¿jö̧tö? Ja̧danö, ja̧ wȩyukwaba iyinenama, Dios ujulu salöinö dejatinö i̧sebinobe Diosma, ¿jö̧tö? Ja̧danö, wȩyukwaba inabiya iyenama, Diosma iteda ujulu salöinö dejatinö i̧sebinobetjö̧, inabiya iyajökwe Moisés öbama salöinö dejatinobe, Israel jojodö Moisés öba tjedökenanö, yelösöda nöinö salöiawö̧, ¿jö̧tö? Jau chömöledö, ja̧ salöi̧ tjo̧'omanö dejatökönö tiibinajayonö, Moisés öba tjeda̧loböma jwiinobe, yelösöda salöiawö̧. Chömöledö, ja̧ Dios wei̧ma ja̧kwawama iyinokobe, laebi̧danö ja̧bö tjö̧jokobetjö̧ woawa weneda laebobe, ¿jö̧tö? Isabenö ja̧ wene mikwawinobe chömöledö, Diosda iyinobetjö̧, ja̧danö mikwawobetjö̧, Dios ujulu salöinö dejatinobe. Jo̧kwaijayonö ja̧tjö bajalekwönönö mikwawobe 'yayi̧ wenema chömöledö.