Éxodo 33:21 - Dios Iwene

²¹ Jo̧kwaobetjö̧ ¡a̧ja̧kwi! ötjö chipeanö inaba nöaba jo̧be. Chöbaledena jawanö kwöjamato.

Éxodo 33:21 Iomraidhean Croise

1 Reyes 19:9

Ja̧danö, Sinai mösa'obe ichibajo̧, inawa ötöla okwa teachinobe Eliasma, ja̧danö ötöla okwa abinobe ja̧ yö̧te. Jemi ikenama, inawa ötölanö ö̧jemi ja'ötjö, Isabenö Jo̧ma iteda yöa̧li̧ yöa̧linobe Eliasnö, —Elias, tajawedö bai kwö̧jobeda? —jö̧ba̧lö.

Isaías 56:5

chöba a'otjö isabenö tjimikwakwedö. Jau, cheju okwa, jobadönö omukwatakwawemi baibanö chujunocha, ja̧danö otiwanö jobadönö tjomukwatobö chujunakwo̧sa. Jau, tji̧tji̧munö 'yatjebobö jwiijayonö, yayonö otiwanö tjomukwatawö̧ batjibobö wetocha. Jau, jobadönö pjatati̧ma, tji̧tji̧mu ba̧jekwadönö 'yatjebo jö̧tja̧li̧tjö bajalekwönönö otiwanö pjatatakwawö̧, ja̧danö 'döbibajökönö, ba̧kwelöjatebo otiwanö tjomukwatawö̧ tjö̧jobö wetocha.

Lucas 15:1

Jesús yöawena, la'aka luwo̧ itea balada impuesto ötjabi̧ balada emadöbi, ju'wedö sulabedö ötjabawö̧bi Jesús ö̧jobekwö tji̧'yinobe, yöawi̧ tja̧ja̧kwobö, ja̧danö Jesúsma jobadönö a'dewö lobökönö jobadönöbi yöawinobe.

Deuteronomio 5:31

Jo̧kwaijayonö jobadö tjȩwa̧jonö, ökwöda ötjökwö ji̧bi, ja̧danö ökwönöda yötawocha israel jojodönö weti̧ma, ja̧bö tjö̧jo jö̧ba̧lö jobadönö weti̧ma. Ja̧danö, yötawaja̧ma, ökwöma jobadönö kwö̧ba̧ja̧dakwo̧ja, jobadönö chiyakwa̧ nijinö ja̧nö, wetaja̧danö ja̧bö tjö̧jakobetjö̧, –jö̧ba̧lö yöa̧linobe.

Josué 20:4

Bakwo̧ jejenö kwabö lootö jö̧ba̧lö isakwökönö ömöledöso̧ ö'wö baibinö ja̧itjö̧ma, 'da̧batö kwujunaduwaja̧ comunidadbiyatjö ju'wi comunidadbe döibajobö ja̧kobe, ja̧danö ja̧ comunidad a'o ja̧nö, baledaja̧ wene labebö lobö yöawobö ja̧kobe, ja̧ comunidad luwedönö. Ja̧danö, yöawaja̧ a̧ja̧kwö, isabenö sulabenö omukwatököjayonö baibajabe jö̧ba̧lö tjösöditjö̧ma, comunidad tetjatobö ja̧kobe. Ja̧danö jobe tjö̧'da̧de ö̧jobö tjiyakobe, ja̧danö jobadökwö lekwe ö̧jakobe.