Éxodo 33:20 - Dios Iwene

²⁰ Jo̧kwaijayonö ötjö chöba kwedoböma jwiya Moisés, debö kwi̧'yapji jö̧ba̧lö. Bakwo̧ ötjö chöba editjö̧ma debö i̧'yakwo̧.

Éxodo 33:20 Iomraidhean Croise

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Éxodo 24:10

Nöchajadöma idöda, Israel jojodö tjösödökwe Diosnö edijadötö. Ja̧danö, Dios ömasapa teebekwöchobe, nijakwö ö̧jatemi zafiro mikwawa inawiyama nijinö bijetö, ja̧linö. Ja̧ ö'wiyama mölejȩbe wajuwanö ö'dö̧wi̧danö ö̧'döwinö öwawijetö.

Éxodo 24:9

Ikenama Moisés, Aarón, Nadab, Abihúkwö,ja̧danö Israel jojodötjö la'aka luwedö setentanö mö'ösa'obe nöchijadötö.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Éxodo 33:18

Ikenama Moisés abebijetö Isabenö Jo̧nö: —Isabenö Jo̧, ökwönö ateba, ökwö salöinö kwidejati̧ma chöba a'otjö baledö kwi̧sekwo—

Éxodo 33:23

Chöbaledaja̧ ikena chömamu katekwocha, choma'ada kwedinö. Jo̧kwaijayonö chöba kwedökakobe.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Deuteronomio 5:24

Ja̧danö ichibajadö yöka̧linaduwobe: –Moises, duluwo̧ Isabenö Jo̧ Diosma iteda ujulu, iteda inesö salöinö ujuluma ökwödönö i̧sȩbajabe, ja̧danö iteda iwene ökwölatjö ökwöobe da̧ja̧kwajabe. Babe möle edö döwaisachibajabe, Dios iwene ökwöinö jojonö yöa̧lonö, debö 'yö̧könö ina 'ya̧alena, jö̧ba̧lö.

1 Timoteo 6:16

Jo̧bada ba̧kwȩlö̧jatebö jo̧ma, ja̧danö dewinö jojodö tjichibökenanö salöinö dewinö jo̧. Jo̧bama la'akatjöda jojodö tjedökökwe, ja̧danö jo̧banö jojodö tjedoböma jwibadö. Jo̧banöda dösödobö jo̧be, otiwo̧ja jö̧ba̧lö, ja̧danö jo̧bada ba̧kwȩlö̧jatebö inesö la'aka luwo̧ ö̧jobö jo̧be, jejenö otiwa.

Hebreos 1:13

Ju'wibi jö̧a̧linobe Diosma iteda Itji̧nöda, ángelesdönömaökö. Baikwö laebobe Dios iwenetjö: Chö̧bemi chöwaisobekwöchobe bamati. Jenada ba̧wi kwöpöjojodönö chujuluwenanö kabatö. Jau, chujuluwakobe jobadö kwöpöjojodönö, kwömasapiyanö ja̧tö loköbi̧danö, tjujulu jwibadö batjibakwedöda. Jejenö Dios iwenetjö laebi̧ma i̧sebobe, Dios Itji̧, Dios ö̧bemi öwaisobekwöchobe bo̧ma jwiinö inesö jo̧, jö̧ba̧lö. Jo̧kwaijayonö chömöledö Diosma la'akatjöda weinokobe ángelesdönö, Chö̧bemi chöwaisobekwöchobe bamati, jö̧ba̧lö.

Jueces 13:22

Ja̧danö waisachibajo̧, Manoama ilekwonö yöa̧linobe, —¡Ayö, ökwödöwe! Isabenö ö'wö badibakwedösa, Diosnöda dedajobetjö̧, —jö̧ba̧lö.

Jueces 6:22

Jejenö balediökwe, Gedeonma öwaisachibinobe, —Angeldanö ichejekwo̧ Isabenö Jo̧nöda chedajabeta, —jö̧ba̧lö, ja̧danö öwaisachibajo̧, yöa̧linobe, —Isabenö Jo̧ Dios, ötjöwe, angeldanö ichejekwo̧ Isabenö Jo̧nöda chedajobetjö̧, ötjöwe, debö chi̧'yena, —jö̧ba̧lö.