Éxodo 32:26 - Dios Iwene

²⁶ Ikenama Moisésma jojodö tjuju̧kwobe teachakwawemi jamatö yöba̧lijetö: —Chömöledö, Isabenö Jo̧nöda ösödadöma baikwö ichibaduwi— webijetö. Jejenö weiawö̧ okobe deinö Levisaso ju̧kwadöma Moisés ö̧jobekwö 'ya̧wibö ko̧ko̧kwijadötö Moiséskwö. Sule jobadöda Moisékwö 'ya̧wibö ko̧ko̧kwijadötö.

Éxodo 32:26 Iomraidhean Croise

2 Samuel 20:11

Ja̧danö, Joab ömöayedötjö bakwo̧ Amasa ipjeanö jamatö, jwöinobe Amasa öibajawö̧nö, —Okobe deinö la'aka luwo̧ Davidnöbi, ömöayo̧ Joabnöbi ösödadöma, Joab ökömanö kwi̧'yaduwobö jo̧be, —jö̧ba̧lö.

2 Reyes 9:32

Yöja̧lökwe, möakwö ventanasa'do jö̧jobekwö edinobe, ja̧danö jwöinobe, —Bakobe ötjökwö pjabatö ja̧döma, didöda? —jö̧ba̧lö. Ja̧danö jwöiawö̧, Jezabel jömöayedö ömadötjö du̧ju̧tajaö̧kö̧, wamedukwaö̧kö̧ ventanasa'dotjö tjedinobe Jehu ö̧jobekwö, —Ökwönö pjadatakwedösa, —jö̧ba̧lö.

Éxodo 32:25

Ja̧danö, Moisésma Israel jojodönö edö ¡ayö! Aarónma jobadönö jweinöma öibinokobe, obadöda batjibanö. Ja̧danö, döpöjojodö bidönö edö, omukwatöködödanö ichejekwadö, jö̧ba̧lö, tjomukwatena.

Éxodo 32:27

Ja̧danö, Moisésma yöbawijetö jobadönöma: —Isabenö Jo̧, ökwödö dösödökwe Diosma weobe ökwödönö baikwö: Bakwo̧nökwena kwölöte'obiya a̧ja̧tjo̧nö yubibö kwi'yaduwo kwö̧jaduwemi okobe jwiinö, bemi teachakwawemitjö, jelemi teachakwawobekwö, jelemi teachakwawobekwö, okobe jwiinö. Ja̧danö, jobe 'ya̧nö tibatö loköbaduwo okobe deinö kwömöledö ömadönö, kwöja̧wo̧dönöbi, kwejubiya pjeanö ju̧kwadönö ömadönöbi— weiawö̧

Mateo 12:30

Tupakwö yöawinobe Jesúsma: —Okobe deinö ötjö chömöledöböködöma, isabenö chöpöjojodö tjö̧jobe, ja̧danö okobe deinö ötjökwö otidöködöma, isabenö otiwanö chotidapji jö̧ba̧lö tjöbeba̧lö otidadö.

Deuteronomio 33:9

ja̧danö jobadöma otiwanö weköbi̧ tja̧ja̧kwinobe. Jau chuluwo̧, sulabenö omukwatadö tjabe'donöbi tjojo'donöbi, tji̧tji̧munöbi omukwatökönö, jwaikwöda ökwö weköbi̧da tjösödinobe, ja̧danö yö̧ne tjömöledönö ösödökönö tjö̧jinobe, –Dios wei̧ma bidö dömöledötjö bajalekwönönö mikwawi̧, –jö̧ba̧lö. Ja̧u jejenö omukwatö weköbi̧ a̧ja̧kwö tjö̧jinobe, ökwöda weköbi̧danö ja̧bö.

Josué 5:13

Ja̧danö, Josuema Jerico comunidad yöne ö̧jena, möakwö edemi ipjeanö bakwo̧nö edinobe, ömamunö kwölöte'o do̧ba̧lo̧nö. Jo̧banö edö, ö̧jobekwö 'ya̧nö abebö a̧ja̧kwinobe Josuema, —¿Ökwöma didöso̧köba? Ökwöma ökwödö israel jojodötjö ölakwabikwawa jojoköbiji̧? Döpöjojoköbiji̧? Yöbawitjö, —jö̧ba̧lö.