Éxodo 32:19 - Dios Iwene

¹⁹ Ikenama, Moisésma Israel jojodö tjö̧jobe ichibö pakaya itji̧danö ichejekwo̧ o̧'wo̧ jawa, ja̧danö jojodö baile 'dötjobe edö o̧'wo̧ jwiinö sulachibijetö. O̧'wo̧ jwiinö sulachibajobetjö̧ jobe mö'ösa'o la'akatjö öbiya döbölataja jawa öbiya nijakwö labinö ikwö 'dabebijetö.

Éxodo 32:19 Iomraidhean Croise

2 Samuel 6:14

Ja̧danö, Davidma ödöado̧, linotjö otikwa̧do̧ 'duawinobe, ja̧danö Isabenö Jo̧ iteapjo ichejebö, jwiinö o̧'wo ösöwachibanö Isabenö Jo̧ öba a'otjö bailedanö döinobe, okobe jwiinö ujulunö o̧'wo ösöwanö döinobe.

Éxodo 15:20

Ikenama Moisés Aarón öpöo María mikwuju, Dios yöawi̧ yöbawujuma la̧tijayu chabö döbijotö Isabenö Jo̧nö ösödö. Jökömanö okobe deinö ya̧döma Isabenö Jo̧nö ösödö la̧tijayubiya chabö döbijadötö.

Éxodo 32:11

Jejenö yöawiökwe Moisésma Isabenö Jo̧nö, iteda ösödökwe Diosnö, budekwabinö abebijetö: —Isabenö Jo̧, ¿tajawedö kwo̧'wo sulinö kwedobeda kwömöledönö, Egiptotjö jwiinö kwujulunö latjebinö pjakatinawö̧nöma?

Éxodo 32:18

Ja̧danö, jejenö yöalökwe Moisésma: —Jao ötjöbi cha̧ja̧kwa, jo̧kwaijayonö tjujuluwi̧ jwötjebi̧danö ökwöokobe, ja̧danö, tjujuluwawö̧ budekwinö jwötjeba̧li̧danö ökwöokobe. Cha̧ja̧kwemi lo̧böda labinö lo̧tjobe— atadijetö Moisésma.

Éxodo 34:1

Isabenö Jo̧ma Moisésnö webijetö: —Moisés, inabiya döbölatajanö nöawatjö 'do'dobö kwotido, ajayinö chotidinawadanö, ökwö nijakwö ikwö 'daköbina jawa öbiyadanöma. Kwotidaja̧ ikenama ötjönö kwiyo, ja öbiyanö 'dȩbö chiwȩyudocha, ajayinö chiwȩyudinadanö.

Mateo 5:22

Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.

Marcos 10:14

Jejenö jö̧tja̧liökwe Jesúsma öpöjödijetö. Jo̧bama tjemunö tjichejebi̧ma ösödobetjö̧ jö̧ba̧lijetö öba̧ja̧di̧ waisachadönö: —¿Tajawedö tjichejebökönö jö̧ka̧laduwa? Webaduwidönö chö̧jobekwö tjicho. Omukwataduwi. Tjemuma bakwayi̧da omukwatö Diosnö ösödö ichadö. Yöta̧laduwakwö: Dios La'aka Luwo̧ ö̧jobekwö tetjachakwedöma bidö tjemu Diosnö tjösödi̧danö ösödö ju̧kwadöda.

Marcos 3:5

Jesúsma jobadönö edö laböbi labijetö. O̧'wo̧ tjo̧bekwöbi o̧'wo̧ tjo̧bekwijetö, Bidöma yelösöda tjuu 'dibadö, jö̧ba̧lö. Ikenama webijetö ömamu 'wabo̧nö: —Kwömamu debati— webijetö. Jejenö weökwe, ömamu 'wabo̧ma ömamu deatemi otiwanö babibijetö.

1 Corintios 10:7

ja̧danö, o̧'wo̧ jawa dösödapji jö̧ba̧lö, jobadö tjösödinadanö. Jau chömöledö, judío jojodö tja'dödönö baikwö laebobe Dios iwenema: Jojodö bamatö tjukwinobe, ja̧danö tjowinobe. Ikenama sulabenö ja̧bö baile dötjinobe, jö̧ba̧lö laebobe.

Efesios 4:26

Ja̧danö, chömöledö, kwo̧'wo̧ sulachibaduwenama sulabenö ja̧köbaduwoko. Lekwema kwo̧'wo̧ kwusulawaduwa. Yi̧ibakwa̧ abönö kwo̧'wo̧ sökibaduwo kwo̧'wo̧ suladuwi̧ma.

Deuteronomio 10:2

Ja̧danö kwichejebaja̧ inabiyanö chi̧wȩyudocha, 'dakebina inabiyanö chi̧wȩyudinadanö, ja̧danö jemi ikenama ja̧ inabiya kwotidajapjo okwa kwanakwo̧ja, –jö̧ba̧lö weinobe.

Deuteronomio 27:26

Ja̧danö, –Bi̧ya Dios wei̧ ösödö, laebi̧danö ja̧bö dö̧jobö jo̧be, bakwo̧ Dios wei̧ öpöjödö, wainö ja̧itjö̧ma, Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö ja̧kobe, —jö̧ba̧lö yöawinobe Moisesma, israel jojodönö.