Éxodo 32:17 - Dios Iwene

¹⁷ Ja̧danö, Josué mö'ösa'o ja'ö te'ada̧lö jo̧ma Israel jojodö labinö jwötjeba̧lobe a̧ja̧kwijetö. Jo̧kwaobetjö̧, Moisés yutubajö ichenama jo̧banö yöba̧lijetö: —Moisés, dömöledö tjö̧jobema labinö jwötjeba̧lobe, ju'wedöma ölabikwawö tjichajena— yöba̧lijetö.

Éxodo 32:17 Iomraidhean Croise

1 Crónicas 7:27

Ja̧danö Elisama itji̧ma Nun mikwo̧. Ja̧danö Nun itji̧ma Josue mikwo̧.

Diosnö ösödo̧ Job mikwo̧ usula emawina jawa 39:25

Jau, trompeta ökwöenama, –Tjo̧wita, –jö̧ba̧lö jwöobedanö ichejekwa, jadanö ödötjö tjölakwabikwawi̧ 'dö̧batö, ölakwabikwawa luwedö jwöbö wetji̧bi, ölakwabikwawadö jwötjeba̧li̧bi a̧ja̧kwö ösödo̧. Ökwöda jejenö kabayu ö̧jobö weköbinaji̧?

Éxodo 17:9

Tjichibiökwe Moisésma Josué mikwo̧nö, ölakwabikwawa waisadö tjuluwo̧nö webijetö: —Omudawö kwujuno ölakwabikwawa waisadönö itekwayi Amalec jojodö tjö̧jobekwö 'ya̧nö, jobadönö ölakwabikwawö tjubulabikwawakwedö dö̧jibinö pjabatö. Ölakwabikwawö kwubulabiduwonö ötjöma mö'ösa'o wa̧pekwa'onö chö̧jakwo̧sa, chotokwa'o do̧ba̧lö kabeba̧lö, Dios ötjönö do̧ba̧lö kwi'yo, jö̧ba̧lö weina'oma— webijetö Moisésma Josuénöma.

Éxodo 24:13

Ikenama Moisésma jö̧ba̧lijetö Israel jojodötjö la'aka luwedönö: —Tjo̧wi̧, Josuékwö chi̧'ya wa̧pekwa'obekwö nöchö. Benada ji̧baduwi tjedachajenanö kabatö. Ja̧danö, Aarón, Hur ökwödökwö pjabatö tjö̧ja. Di̧'yaja̧ okobema ökwödötjö ju'wedöma wene kwujuna̧laduwitjö̧ma Aarónnö, Hurnö yötja̧lobö jo̧be— jö̧ba̧lijetö Moisésma. Ikenama nöchijetö ja'o Dios ö̧ja'o, jö̧ba̧lö, tjimidina'o wa̧pekwa'obekwö.

Éxodo 32:16

Ja̧ öbiyama Diosda 'dobö otidinabiya, ja̧danö Diosda wȩyudijetö iteda wei̧ma ja̧ öbiyanö.

Éxodo 32:18

Ja̧danö, jejenö yöalökwe Moisésma: —Jao ötjöbi cha̧ja̧kwa, jo̧kwaijayonö tjujuluwi̧ jwötjebi̧danö ökwöokobe, ja̧danö, tjujuluwawö̧ budekwinö jwötjeba̧li̧danö ökwöokobe. Cha̧ja̧kwemi lo̧böda labinö lo̧tjobe— atadijetö Moisésma.

Éxodo 32:6

Ja̧danö, ju'wi dewachö, yȩayi wiluibö jojodöma a̧ji̧kwakwawedönö öbibö 'yi̧jadötö juwö iyawobekwö, a̧ji̧kwakwawedönö juwö iyö. Ja̧danö, ju'wedö tjiyawö̧nöbi juwö iyö öbibö 'yi̧jadötö Isabenö Jo̧kwö wene jwiinö tjö̧jakobetjö̧ iyawama. Juwö tjiyaja̧ ikena bamatijadötö tjukwobö, ja̧danö o̧'do̧bu̧ tjowobö. Kwanö owö katjataja̧ ikenama sulabenö obö baile 'döbijadötö.

Josué 6:10

Jo̧kwaijayonö, ju'wedö jojodöma 'wiinö kwetjachinobe, Josue weaja̧danö. Latjebakwa̧ abönö, Josuema jojodönö weinobe, —Kwekachaduwonö, ölakwabikwawadö jwötjeba̧li̧danöma jwöbeba̧lökönaduwi, ja̧danö yöba̧löbi ja'yubebi yöba̧lökönaduwi, jwaikwöda 'wiinö ja̧nö kwekachaduwobö jo̧be, –Tjo̧wita, jwöbeba̧laduwi, –jö̧ba̧lö bajaliyanö ökwödönö wetenanö kabatö. Ja̧danö, jejenö, –Jwöbeba̧laduwi, –jö̧ba̧lö wetenama, jenada jwökeba̧laduwobö ja̧kobe, —jö̧ba̧lö Josue weaja̧danö 'wiinö kwetjachinobe.

Josué 6:16

Ja̧danö, jelemutjö dötölatajanö baibanö söpödö kwetjachenama, tjo̧wita jö̧ba̧lö labinö trompeta pjutjakwa̧ abönö, Josuema jojodönö weinobe, —Babe tjö̧'da̧de pjabatadö, Tjo̧wita, jö̧ba̧lö labinö pjutjenama, labinö jwökeba̧laduwobö ja̧kobe, Isabenö Jo̧ma comunidad kwujuluwaduwobö iyajobetjö̧.

Josué 6:20

Weawö̧, weaja̧danö jwötjeba̧linobe. Tjö̧'da̧de pjabatadö tjo̧wita jö̧ba̧lö labinö pjutjenama, jojodöma jwiinö labinö jwötjeba̧linobe, ja̧danö tjöekwemima jwiinö nijakwö bajalenö mebö bamatinobe. Ja̧danö, jejenö tjöekwemi meiawö̧, tjöekwemi meajena jweinö comunidad tetjachinobe israel jojodöma, ja̧danö comunidad jojodönö tjujuluwinobe.

Josué 6:5

Ja̧danö jelemutjö dötölatajanö söpödö kwebachajadö, tjö̧'da̧de pjabatadö labinö pjutjakobe, tjowita jö̧ba̧lö. Ja̧danö, jejenö tjo̧wita jö̧ba̧lö pjutjenama, okobe deinö jojodöma labinö ökwöinö jwötjeba̧lakobe, ja̧danö jejenö jwötjeba̧lenama, comunidad tjöekwemima nijakwö meakobe, ja̧danö okobe deinö ölakwabikwawadöma jweinö comunidad tetjachakwedö, Jerico jojodönö tjujuluwobö. Apjudebenö tebachökönö, tjöekwemi ja̧jemibenö jweinö tebachö tjölakwabikwawakwedö, —jö̧ba̧lö yöawinobe Isabenö Jo̧ma Josuenö.

Jueces 15:14

Sansonnö öbibö tjichejebinobe Lehi comunidadbe, filisteo jojodö tju̧ju̧kwobekwö. Ja̧danö, tjichejebiawö̧, filisteo jojodöma jwöbeba̧lö tjichinobe Sanson ö̧jobekwö. Jejenö tjichiökwe, Isabenö Jo̧ o̧'wo luwo̧ma juluwanö Sansonkwö ichibinobe, ujuluwachibanö, ja̧danö Sansonma juluwanö kaa'bodanö 'döbekwö loinobe a̧la̧chi'bo tjunu'yaja̧'boma. 'Yaya'bojayonö, ökwölanö ubaja'bo ichejekwinö 'döbekwö loinobe, ömamijutjö meinö.

1 Samuel 17:20

Ja̧danö abe'do weajökwe, Davidma jelo̧ obejadönö teada̧lo̧nö ajwimunö weibinobe, iteada̧lobö. Ja̧danö, yȩayi a̧la̧ibö, Davidma abe'do weaja̧ kwakwawa jawa e'ewö i̧'yinobe, abe'do Isai weaja̧danö. Ja̧danö jojodö tjabakwemitjö isa'banö tjö̧jamatobö latjebena ichibinobe, ölakwabikwawa jawa jwötjeba̧lo̧nö.

1 Samuel 17:52

Ja̧danö ju'wedö israel jojodöbi, Judasaso jojodöbi baledaja̧ tjo̧'wo ösöwachibanö tjedinobe, ja̧danö labinö jwöbeba̧lö, filisteo jojodönö lutjinobe. Jobadönö lubö, ba̧jȩkwadönö kwabö lotjinobe, Gat comunidadbi, Ecron comunidadbi apjude tjichibenanö kabatö. Isabenö ba̧jekwadö filisteo jojodönö kwabawö lotjinobe, ja̧danö kwatjajawö̧ tjiteba'oma Saaraimbe ya̧kwawamanö tjö̧binobe, tjölakwabikwawelötjö Gatbebi, Ecronbebi ichibanö.