Éxodo 31:15 - Dios Iwene

¹⁵ Semanakwena jelemutjö bakwöta mölȩ kwotidaduwo. Jemi ikena mölȩma, jelemutjö dötölataja mölȩ baibena kwotidaduwoko. Ja̧ mölȩma otidökönö kwö'wachaduwakwa̧ möle ja̧kobe, ötjö Isabenö Jo̧nö kwomukwataduwobö. Ja̧ mölȩma inesö möle, ja̧danö wainö ji̧ mölȩma ötjönö kwomukwataduwobö. Ja̧ mölȩma otido̧nöma kwabö loköbaduwobö jo̧be.

Éxodo 31:15 Iomraidhean Croise

Génesis 2:2

Ja̧danö, iteda otidawatjö okobe jwiinö kaatakwawabetjö̧ ju'wi dewachö möle, jelemutjö dötölataja mölema ö'wachijetö Diosma, otidökönö.

Éxodo 16:23

Jejenö yötja̧lökwe: — Baikwö weobe Isabenö Jo̧ma ökwödönöma: Itekwayima otidökönö kwö'wachaduwakwa̧ möle ja̧kobe, Isabenö Jo̧nö kwomukwataduwobö wainö ji̧ mölema. Jo̧kwaobetjö̧ babe möleda balöbi kwöbaladuwo toböbi toköbaduwo dötölataja möle kukwaduwakwa̧. Makö kukwaduwemi u'yukwi̧ma kwujunaduwo itekwayi kukwaduwakwa̧ma— webijetö Moisésma.

Éxodo 16:26

Jejenö jelemutjö bakwöta möle jenanö kwe'daduwo, mölekwena. Jemi ikena möle, jelemutjö dötölataja möle baibena tjoduwi̧ kwakwawama nijinö ba̧jokobe, ja möle kwö'wachaduwi̧ möleobetjö̧— jö̧ba̧lijetö Moisésma.

Éxodo 23:12

Ja̧danö, jelemutjö bakwöta mölȩ baledibanö kwotidaduwi̧ma kwotidaduwo. Jo̧kwaijayonö jelemutjö dötölataja mölȩ, sábado mölȩ baibena kwö'wachaduwo, otidökönö. Jejenö otidökönö kwö'wachaduwo kwajwi ba̧ka̧yö̧bi, bu̧lu̧döbi otidökönö tjö'wachakobetjö̧. Ja̧danö midö eminoko jitji̧bi, ja̧danö jelobetjö̧ ichinadö tjotidobö midö kwiyaduwawö̧bi ö'wachö tjotidokobetjö̧, ja̧danö yemidanö tjujuluwakobetjö̧ ja̧ mölȩma otidökönö kwö'wachaduwo, okobe deinö.

Éxodo 31:14

Jo̧kwaobetjö̧ ja̧ mölȩ weti̧ jawama a̧ja̧kwö kwö̧jaduwobö jo̧be, inesö mölȩobetjö̧, ja̧danö ökwödönö pjabatö wainö chujunina mölȩobetjö̧. Ökwödötjö bakwo̧ ja̧ weti̧ kabatibö otiditjö̧ma, jo̧kwada mölȩ, jö̧ba̧lö, ökwödötjö a'dewö loköbaduwökwedanö baibobe, ötjö chömöledöso̧bö̧kö̧. Ja̧danö, jo̧banö kwabö loköbaduwobö jo̧be.

Éxodo 31:16

Jo̧kwaobetjö̧ ökwödö Israel jojodöma, ja̧danö ökwödötjö tupadanö jojodöbi otikwö̧kö̧ mölȩ wainö kwujunaduwo ba̧kwȩlö̧jatebö, ötjö weti̧ a̧ja̧kwö yöbawö kwujunaduwi̧danö.

Éxodo 31:17

Jejenö jelemutjö dötölataja mölȩ baibena kwö'wachaduwobetjö̧ kwi̧sekwaduwakobe, Isabenö Jo̧ ö'wachinadanö ö'wachadösa, iteda wei̧danö, jö̧ba̧lö. Jao chömöledö, jelemutjö bakwöta mölȩ chotidijatö böjȩbi mölöjȩbi. Ikenama, chotidawatjö okobe jwiinö katatakwawajabetjö̧ ju'wi dewachö möle, jelemutjö dötölataja mölema chö'wachijatö, otidökönö. Cho'wonö emawö̧, otiwa jö̧ba̧lö, chö'wachijatö. — jejenö yöba̧lijetö Isabenö Jo̧ma Moisésnö, jobetjö Sinai mö'ösa'onö.

Éxodo 34:21

Ja̧danö, bakwöta semanakwena jelemutjö bakwöta mölȩkwena kwotidaduwo. Jo̧kwaijayonö jelemutjö dötölataja möle baibenama kwö'wachaduwobö jo̧be, otidökönö. Batjo junawa mölȩbiyabi, ja̧danö batjo kwujuninaduwatjö kwmaduwi̧ mölȩbiyabi kwö'wachaduwo otidökönö jelemutjö dötölataja mölȩ baibena, bakwöta semanakwena.

Éxodo 35:2

Bakwöta semanakwena jelemutjö bakwöta mölȩ kwotidaduwo. Jo̧kwaijayonö jemi ikena mölȩma, jelemutjö dötölataja mölȩma kwotidaduwoko. Ja̧ mölȩma otidökönö kwö'wachaduwakwa̧ möle ja̧kobe, Isabenö Jo̧nö kwomukwataduwobö inesö mölema. Ja̧ mölȩma otido̧nöma kwabö loköbaduwobö jo̧be.

Éxodo 35:3

Ja̧danö, ökwöla nötedöbi kwönötedaduwoko ja̧ mölȩ, kwö'wachaduwi̧ mölȩma— yöba̧lijetö Moisésma Israel jojodönöma.

Lucas 13:14

Jo̧kwaijayonö otikwökö möle jö'wöchi̧ otidö loiökwe, ba̧nö tja̧ja̧kwa̧leju luwo̧ma ödameakwinobe, ja̧danö jojodönö yöawinobe: —Semanakwena jelemutjö bakwöta möle jobe, jojodö otiwanö tjotidoböma, jo̧kwajabetjö̧ ja̧ jelemutjö bakwöta möleda kwichaduwo, kwö'wöchaduwi̧ otidö looböma. Otikwö̧kö̧ möle ökwödönö otidö looböma sula, jo̧kwajabetjö̧ otikwökö möle otidö looböma kwichaduwoko— jö̧ba̧lö.

Deuteronomio 5:12

–Ja̧danö ju'wibi wetaduwakwö: Ötjö kwuluwo̧duwi Isabenö Jo̧ Diosma wainö 'da̧batö chujunajabe otikwökö mölema, Ja̧ möle kwotidaduwoko, jö̧ba̧lö. Jo̧kwajabetjö̧ wetinadanö ja̧ möle wainö 'da̧batö kwujunaduwo, Duluwo̧ Dios wei̧ a̧ja̧kwö dö̧jaduwo, jö̧ba̧lö.

Hebreos 4:9

Jo̧kwaobetjö̧, Dios iwenetjö jweinö yöawobe, babebi ökwödö Dios ömöledöma, Dioskwö do̧'wo̧ luwo̧ okwanö ö'wachö bamatö duju̧kwi̧ma jo̧be, jö̧ba̧lö. Chömöledö, Dios ajayinöma, jelemutjö bakwöta möle böjȩ otidö kaatakwawaja̧ ikena jelemutjö dötölajata möle ö'wachö öbamatinadanö ökwödöbi ba̧kwȩlö̧jatebö jo̧bakwö do̧'wo̧ luwo̧ okwanö ö'wachö bamatö duju̧kwi̧ma jo̧be. Jo̧kwaobetjö̧ jwaikwöda di̧'yaduwo chömöledö, Diosnö do̧'wo̧ wana̧lö, jo̧bakwö ö'wachö bamatö duju̧kwökapji jö̧ba̧lö.