Éxodo 30:6 - Dios Iwene

⁶ Japjoma tjujuno chö̧jakweju okwa abönö teachakwawȩko̧nö, la'akasȩko̧nö, inesö la'akasȩko̧ tjöekwado̧ badeibö. Jȩko̧ inesö la'akasȩko̧ okwa jelepjo ja̧kobe, ötjö weti̧ wȩyukwa döbölataja inabiya a̧ja̧pjoma. Jobema, ja̧pjo muchekwapi wame ökwödökwö chö̧jobö chichakwo̧sa.

Éxodo 30:6 Iomraidhean Croise

1 Crónicas 23:13

Ja̧danö Amram itji̧mu tupadanö jojodötjö ju'wedöma Aaron mikwo̧bi, Moises mikwo̧bi. Ja̧danö Aaronnöbi, Aaron itji̧mu tupadanö jojodönöbi Dios 'da̧batö ujuninawö̧, inesö 'da̧batö junawa jawa Diosnö ösödakwawa jawa tjotidobö. Jobadönö 'da̧batö ujuninobe, Isabenö Jo̧ öba a'otjö iyawa iyö tjotidobö, ja̧danö Isabenö Jo̧ wei̧ jawa tjotidobö, ja̧danö Isabenö Jo̧ jojodönö pjaatakwa̧ yöawi̧ma, jobadöda ba̧kwelöjatebö ju'wedö israel jojodönö yötjawakobetjö̧.

1 Crónicas 28:11

Ja̧danö, jobekwö yöba̧lajo̧, Davidma itji̧ Salomonnö iyinobe, o̧do otikwa wȩyukwa'yema. A̧dekwanö Dios ejubi, o̧do teachakwawȩko̧bi, ju'wi Dios eju ö'öbö ejubiyabi, mikwawi̧ jawa lödawa ȩkijubi, mö ȩkijubi, okwa ȩkijubi, inesö okwasȩko̧, Dios iteapjo jojodönö lȩlöjinö edi̧ i̧sȩkwapi̧ möchekwapi̧ ja̧kwȩko̧bi otikwa wȩyukwa'ye Salomonnö iyinobe.

Éxodo 30:36

Ja̧ isa'betjö ja'yubeda iso̧pja̧ baibanö 'doo. Ikenama ja̧pja̧ e'ewö cheju okwa tebachö inesö la'akasȩko̧nö, ökwödökwö chö̧jobö chichakwȩko̧nö tekacho. Jȩko̧nö weti̧ wȩyukwa inabiya a̧ja̧pjo la'akanö lilitjo i̧so̧pja̧. Ja̧pja̧, wainöda ja̧aso̧pja̧, jö̧ba̧lö, kwomukwataduwobö jo̧be.

Éxodo 30:5

Ja̧ ö'i̧ya̧ma acacia towi ö'i̧ya̧tjö dö'i̧lataja tjubulo. Bulaja̧dö ja̧ ö'i̧yama orosapitjö tjo̧'Bo̧dato.

Éxodo 30:7

Ja̧danö, inesö la'akasȩko̧ tjöekwemi badeibösapjo wame Aarónma söinö 'dö̧ekwa'be ujuwakobe. Bakwöta yȩayikwena dȩju̧wa'yu o'di̧ju̧ ja̧ka otidö teachena, ju'wibi, söinö nöekwa'be ujuwo.

Éxodo 40:26

Ja̧danö, söinö 'dö̧ekwa'be juwawapjo tebatö junijadötö jeju okwa, abönösȩko̧, la'akasȩko̧nö, okwasȩko̧, inesö la'akasȩko̧ tjöekwa'wo badeibö.

Éxodo 40:3

Jeju okwa, inesö la'akasȩko̧nö inesösȩko̧nö isapjo kwujunaduwo, ötjö domulataja jawa wetina wȩyukwa öbiya a̧ja̧kwapjoma. Ja̧danö, ja̧pjo badeibö tjöekwado̧ kwö̧naduwo okwi'ijunö, japjo tjöekwa̧li̧nö.

Éxodo 40:5

Ja̧danö söinö 'dö̧ekwa'be tjujuwakwa̧pjo, orotjö otikwapjo kwujunaduwo tjöekwado̧ badeibö, ötjö domulataja jawa wetina wȩyukwa öbiya a̧ja̧kwapjo tjöekwado̧ badeiböma.

Mateo 27:51

Ja̧danö, Jesús ö'wö baibenama, Dios ejutjö jojodö teachakwawökȩko̧ tjöekwado̧ma kȩachajinobe, mötjö nijakwö bajalenö, ja̧danö niji tjö̧awinobe, ja̧danö inawiya 'dabö lileibinobe.

Hebreos 4:16

Jo̧kwaobetjö̧ Jesúsma, Diostjö jojodötjö ö'weje la'aka pjabato̧ baibanö jo̧obetjö̧ Diosnö yöbawö, abebö yebabökönö dichibaduwo chömöledö. Isabenö, Diosma ökwödönö lȩlö̧jino edobetjö̧, ökwödönö pjabato̧ do̧'wo̧ tjo̧bekwö dö̧jenama. Chömöledö, Dios, lȩlö̧jino edö pjabato̧nö do̧'wo̧ luwo̧ okwanö dichibenama, jo̧bakwö ö'wachö döbamatobe.