Éxodo 30:25 - Dios Iwene

²⁵ Ja̧danö, söinö 'dö̧ekwi̧ jawakwö oliva o̧tesobukwö wiwodö söinö 'dö̧ekwasobu tjotido, inesö ji̧ jawasobu. Jobuma ötjötjö jojodötjö dö'da̧denö pjabatadönö tjuunö tokebakwa̧sobu, jobadönö kabebö kwi̧sebakwa̧ mölȩma.

Éxodo 30:25 Iomraidhean Croise

1 Reyes 1:39

Jobe ichibajadö, ö'weje pjabato̧ Sadocma, Dios ejutjö ichejebaja̧ o̧tȩsa̧yunö, Salomon uunö o̧te toebinobe, jadanö trompeta pjutjinobe, jadanö okobe deinö jobe ju̧kwadö jojodöma jwötjeba̧linobe, —Inesö la'aka duluwo̧ Salomon, lekwe möle duluwo̧ ö̧jobö dösöda, —jö̧ba̧lö.

1 Crónicas 9:30

Jo̧kwaijayonö ja̧ omewi̧ jawa tjiteada̧lijayonö, ja̧ omewi̧ jawa wiwodö tjotidinokobe, sule Diostjö jojodötjö ö'weje pjabatadöda ja̧ jawa tjiwiwodinobe.

Éxodo 28:41

Ja̧danö, Moisés, ja̧ kamisi 'dubatö kwujuno kwöpöe Aarónnöbi, jo̧ba i̧tji̧mu̧nöbi. Ikenama 'dukatawö̧nö tjuubiyanö o̧tesobu tokebo bakwo̧nökwena jobadönö kabebö i̧sebö, Bidöma 'da̧batö chujunawö̧, Diostjö jojodötjö tjö'da̧de pjabatadö batjibanö, jö̧ba̧lö.

Éxodo 29:21

Ikenama, tjökwösobu juwö iyawapjo sa̧ka̧köbajobu ja'yubeda, o̧tesobu, toebakwawasobukwö wiwodö sa̧sa̧köbo Aarónnö, Aarón i̧tji̧mu̧nö, ja̧danö, jobadö 'dutjawi̧ o̧di̧ju̧nöbi. Jejenö jobadönöbi, jobadö tjökamisibi wainö kwujuno ötjö weti̧ a̧ja̧kwö tjotidobö, ötjötjö jojodötjö dö'da̧de pjabatadö baibanö.

Éxodo 29:7

Ikenama, o̧tesobu toebakwawasobu emibö Aarónnö tokebo, uunö, bitema Diostjö jojodötjö tjö'da̧denö la'aka pjabato̧ baibanö kabebö chi̧sebo, jö̧ba̧lö.

Éxodo 30:32

Ja̧danö ja̧ o̧tesobuma jo̧kwadabedönö tokebobö jwiobe, tokeboko. Ja̧danö, ja̧ o̧tesobudanöma ju'wi jawa, ju'wi jawabi tokebobö kwotidoko, ötjö weti̧da tokebobö jo̧be, ötjötjö jojodötjö dö'da̧denö pjabatadönö tokebakwa̧da. Jobuma wainö ji̧ o̧tesobu, jö̧ba̧lö kwomukwatobö jo̧be.

Éxodo 30:35

Ja̧danö, ja'be otidö waiso̧nö weköbo okobe jwiinö wiwodö 'doo. Ja̧danö, sayukwöbi wiwodö otido, inesösa'be, wainösa'be ja̧kobetjö̧.

Éxodo 35:15

Ja̧danö, isapjo söinö söinö 'dö̧ekwa'be juwawapjo löbö, ja̧danö, ö'i̧ya̧ japjo e'ewakwawö'i̧ya̧ bulö kwotidaduwo. Ja̧danö, o̧tesobu, Isabenö Jo̧tjö jojodötjö tjö'da̧denö pjabatadönö tjuunö tjotjebakwobu kwotidaduwo. Ja̧danö, söinö 'dö̧ekwa'betjö tjujuwakwa̧'be kwotidaduwo. Ja̧danö, teachakwawemi debatö nönö tjöekwado̧ ti̧lö kwotidaduwo.

Éxodo 37:29

Ja̧danö, söinö 'dö̧ekwi̧ jawakwö oliva o̧tesobukwö wiwodö söinö 'dö̧ekwasobu otidijetö. Jobuma inesö ji̧ jawasobu, Diostjö jojodötjö tjö'da̧denö pjabatadönö tjuunö totjebakwa̧sobu, jobadönö kabebö tjö̧wanakwa̧ mölȩma. Ja̧danö, towitjö isa'betjö otidijetö söinö 'dö̧ekwi̧ jawasa'be, tjujuwakwa̧'bema. Ja̧danö, totjebakwa̧sobubi, tjujuwakwa̧'bebi ja̧ otikwa waiso̧ otidi̧danö otidijetö.

Éxodo 40:9

Ikenama tjoekwa o̧tesobuma emibö sa̧sa̧köbaduwo chejubi, ja̧danö okobe jwiinö cheju okwa ju̧kwi̧nöbi. Jejenö, jeju, jeju okwa ju̧kwi̧, Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.

Hebreos 1:9

Ja̧danö, ökwöma jweinöda omukwatö kwö̧jinobe böjȩnö. Isabenö jejenö jweinö omukwatö ja̧kwawama ösödo̧ja. Jejenö laebobe Dios iwenetjö, iteda Itji̧nö jö̧a̧linama. Ina laebobe: Jo̧kwaijayonö böjȩnö ja̧nö, jweinö omukwatö kwö̧jonö ju'wedö jelobekwö omukwatö tjö̧jinobe. Jobadöma jweinö omukwatö ji̧nöködö, idöda sulabenö tjomukwati̧da omukwatö. Isabenö, ökwöma jojodö jejenö tjö̧ji̧ma jwiinö öpöjödo̧ja. Ja̧danö, jweinö omukwatö ja̧kwawada kwösödi̧tjö, jelobekwö omukwatö jö̧könö, ötjö, Kwuluwo̧ Diosma ökwönö 'da̧batö juno̧sa, la'aka luwo̧ baibanö webö kwö̧jobö. Cho̧'wo̧ jwiinö ösöwö, kwuunö o̧tesobu tobebö ökwönö 'da̧batö chujuna. Isabenö ökwönöda 'da̧batö chujuna la'aka luwo̧ baibanö, ángelesdönömaökö. Jejenö laebobe Dios iwenetjö, Dios iteda Itji̧nö jö̧a̧lina, ba̧kwȩlö̧jatebö webö ö̧jakwo̧nöma.