Éxodo 30:1 - Dios Iwene

¹ Ina webijetö Isabenö Jo̧ma Moisésnöma: —Moisés, weköbo jojodönö isapjo, acacia towisötetjö tjotido, söinö 'dö̧ekwa'be tjujuwakwa̧pjo.

Éxodo 30:1 Iomraidhean Croise

1 Reyes 6:20

Jȩko̧ okwasȩko̧ma, wayobekwöbi, jakwölakwöbi, möakwöbi, nueve metro jenanö otidinobe, tjöekwemi wamenö, bakwa̧i̧ oro pöebinobe, ja̧danö ju'wibi cedro ötebiyatjö otikwapjo Diosnö iyawapjobi, wamenö oro pöebinobe.

1 Reyes 6:22

Okobe jwiinö Dios eju okwabi, okwasȩko̧ ö'öbö ja̧pjo Diosnö iyawapjobi, wamenö oro pöebinobe.

1 Reyes 7:48

Ju'wibi okobe jwiinö Dios eju jawa, orotjö otikwa jawa otidinobe, Diosnö iyawötebi, mesasöte Diosnö iyawa pan wanawötebi,

1 Crónicas 28:18

Ja̧danö Dios öba a'otjö omewi̧ jawa juwawöte orotjö otikwöte otidakwa̧bi yöawinobe, dokwa nöinö orotjö otidakwojobö jö̧ba̧lö. Ja̧danö bajaleapo, Dios iteapjo wame tjö̧jakwedö, tjö̧wa̧ja̧piya debatadö querubines ötjabawö tjo̧'wo jawa otidakwa̧ wȩyukwa'ye iyinobe Salomonnö.

1 Crónicas 6:49

Ja̧danö, jobadöma o̧do jawa otidadö tjö̧jonö, Aaronbi, itji̧mu tupadanö jojodöbi Diosnö iyawa jawa iyö tjotidinobe. Jobadöda Diosnö iyawa jwiinö ubinö iyawa juwö tjiyinobe, ja̧danö jobadöda omewi̧ jawa ubö tjiyinobe. Ju'wibi jobadöda Dios eju okwasȩko̧, ju'wedö tetjachökȩko̧ jawa tjotidinobe. Ja̧danö Dios ömöayo̧ Moises weinadanö, jobadöda iyawa iyö tjotidinobe, israel jojodö tjusula söbekwö loakobetjö̧.

Éxodo 30:10

Ja̧danö, bakwöta o̧bakwena bakwötanöda, Aarónma japjo söinö 'dö̧ekwa'be juwawapjo yemidanö suli̧ jwiapjo baibanö juwö tjiyakwawö̧ tjökwösobu, jojodö tjusuli̧ muchekwa tjökwösobuma juwö iyawapjo, a̧petube junawapjotjö emibö Dios eju okwa tebachibö söinö 'dö̧ekwa'be juwawapjo i'yekiyanö sa̧sa̧obö jo̧be. Ja̧danö, bemi tupakwöma jejenö bakwöta o̧bakwena sa̧sa̧tjobö jo̧be Aarónbi, Aaróntjö tupadanö jojodöbi ba̧kwȩlö̧jatebö— webijetö Isabenö Jo̧ma Moisésnöma.

Éxodo 30:2

Baikwö tjotidobö weköbo: Wayobekwöbi, ja̧kwölakwöbi bakwainö, cuarenta y cinco centímetros. Ja̧danö möakwöma noventa centímetros tjotido. Ja̧danö, ö'wejemu jawa ö'yekiya ichejekwi̧ jawa ökiyama japjo 'do̧'do̧kwetenia tjödado isapjonö dötewanö.

Éxodo 31:8

Ja̧danö, mesasöte, ja̧danö mesasötenö wa̧ji̧kwö, ja̧danö deju̧wa'yu o̧'di̧ju̧ ja̧ka bakwai̧ orotjö otikwaka okobe jwiinö ja̧kanö ju̧kwi̧kwö, ja̧danö isapjo söinö 'dö̧ekwi̧ juwawapjo.

Éxodo 35:15

Ja̧danö, isapjo söinö söinö 'dö̧ekwa'be juwawapjo löbö, ja̧danö, ö'i̧ya̧ japjo e'ewakwawö'i̧ya̧ bulö kwotidaduwo. Ja̧danö, o̧tesobu, Isabenö Jo̧tjö jojodötjö tjö'da̧denö pjabatadönö tjuunö tjotjebakwobu kwotidaduwo. Ja̧danö, söinö 'dö̧ekwa'betjö tjujuwakwa̧'be kwotidaduwo. Ja̧danö, teachakwawemi debatö nönö tjöekwado̧ ti̧lö kwotidaduwo.

Éxodo 39:38

Ja̧danö, isapjo söinö 'dö̧ekwa'be juwawapjo ichejebijadötö. Ja̧danö, o̧tesobu, Diostjö jojodötjö tjö'da̧denö pjabatadönö tjuunö tjotjebakwobu, ja̧danö, söinö 'dö̧ekwa'be juwawa'be ichejebijadötö. Ja̧danö, jeju teachakwawemi tjöekwado̧ ichejebijadötö.

Éxodo 40:5

Ja̧danö söinö 'dö̧ekwa'be tjujuwakwa̧pjo, orotjö otikwapjo kwujunaduwo tjöekwado̧ badeibö, ötjö domulataja jawa wetina wȩyukwa öbiya a̧ja̧kwapjo tjöekwado̧ badeiböma.

Hebreos 9:4

Ja̧danö isapjo ji̧nobe, Diosnö iyawemima. Japjo wamenö söinö nöekwi̧ jawa juwiatjinobe, okwasȩko̧tjö Diosnö iyö. Japjoma, towi ötebiatjö tjotidinapjo. Ja̧danö, japjoma orosapitjö pötjebinapjo okwakwöchobenöbi, wamekwöchobenöbi. Ja̧danö okwasȩko̧, jwiinö inesösȩko̧nö jelepjo ji̧nobe. Japjobi orosapitjö pötjebinapjo, okwakwöchobenöbi, o̧pekwöchobenöbi. Japjoma Dios jojodönö ajayinö yöbawö ujunina wanekwachinapjo. Japjo okwa orotjö otikwa'do̧ a̧jinobe, Dios Israel jojodönö iyina kwakwawa maná mikwi̧ a̧ja'do̧ma. Ja̧danö, Aarón kwebachö otokwawina'obi, pokwa'o a̧jinobe ja̧pjo okwa. Ja̧danö inabiyabi, Dios jojodönö ajayinö yöbawö junö iwȩyudina öbiyama japjo okwa a̧jinobe.

Apocalipsis 8:3

Jemi ikenama jelo̧ ángel ichö, juwö iyawemi la'aka jamato̧nö chedijatö. Jo̧ba dȩja̧'do̧danö ichejekwa'do̧, orotjö otikwa'do̧ do̧ba̧lo̧nö chedijatö. Ja̧'do̧ma söinö 'dö̧ekwi̧ jawa, juwawa okwa'do̧. Ja̧danö, söinö nöekwi̧ jawa iyajökwe, jo̧ba ángelma, ja̧ söinö nöekwi̧ jawakwö, Dios ömöledö babibinadö atjebi̧kwö ja'do̧ okwa iwiwodobe chedijatö. Wiwodajo̧, ujuwobe chedijatö.