Éxodo 3:5 - Dios Iwene

⁵ Ikenama Isabenö Jo̧ma jö̧ba̧lijetö: —Moisés baikwö yö̧nema ichibökönuwi. Ötjöma Dioschobetjö̧ bemi niji kwö̧jatemima wainöemi, ötjö chö̧jemima. Jo̧kwaobetjö̧ sapatu yo̧bekwi, ötjönö jweinö omukwatö— jö̧ba̧lijetö.

Éxodo 3:5 Iomraidhean Croise

Éxodo 19:12

Ja̧danö, Moisés mö'ösa'o la'akanö tjökebo jojodö tjöbaledibapji jö̧ba̧lö. Ja̧danö, yökawodönö mö'ösa'o la'aka yö̧nema tjichiboko, ja̧danö nöchöbi tjönöchoko, maböbi matjoko mö'ösa'oma. Bakwo̧ mö'ösa'o la'aka mabo̧nöma kwabö loköbaduwobö jo̧be.

Éxodo 19:21

Ichibo̧nö yöbawijetö Isabenö Jo̧ma: — Yutubaji jojodönö yökawo tjöekwemi o̧pema tjöbalediboko ötjönö tjedobö, jobadötjö ba̧jekwadö debö tji̧'yapji jö̧ba̧lö.

Éxodo 4:28

Ikenama Moisésma Aarónnö yöbawijetö okobe jwiinö Isabenö Jo̧ yöa̧lina, Egiptobe kwȩwa̧jo̧, jö̧ba̧lö weenama. Ja̧danö, yöbawijetö okobe jwiinö juluwi̧ jawa Egiptonö ja̧nö i̧sebobö weinama.

Hechos 7:33

Ja̧danö, jö̧ba̧lijetö Diosma Moisésnöma: Sapatu yo̧bekwi, bemima suli̧ jwiinö niji, ötjöda chö̧jemiobetjö̧.

Deuteronomio 23:14

Ja̧ weawa baikwö labebö lobö yötawa chömöledö, kwuluwo̧duwi Isabenö Jo̧ Diosma kwö̧jaduwemi comunidad ö'wejenö kwebacho̧, kwöpöjojodöduwitjö kwö̧jibaduwinö pjaatoböbi, kwöpöjojodöduwinö kwujuluwaduwobö pjaatoböbi. Ja̧danö, Diosma kwö̧jaduwemi ö'wejenö kweachobetjö̧, jobetjö taba ji̧ jawabi, ju'wi suli̧ ja̧danö yȩekwi̧ jawa jobetjö jwiobö jo̧be, kwö̧jaduwemi kweachonö ja̧jaye edapji jö̧ba̧lö, ja̧danö edajo̧, ökwödönö le'dedö laebapji jö̧ba̧lö, —yöawinobe Moisesma.

Hebreos 12:20

Yelösöda Dios wei̧ a̧ja̧kwö jwiinö yetjaibinobe, Bakwo̧ bi'o jo̧bekwö ichibö mabo̧nö, ja̧danö tja̧jwi̧ ichibo̧nöbi, inawiyanö kwikwawaduwo, ö'wöchenanö baibanö, jö̧ba̧lö, wei̧ma.

Josué 5:15

Jö̧a̧lökwe, Isabenö Jo̧ ömöayedö ölakwabikwawadötjö tjuluwo̧ma weinobe, —Bemi niji kwö̧jatemima wainöemi, ötjö chö̧jemiobetjö̧. Jo̧kwaobetjö̧ sapatu yo̧bekwi, —jö̧ba̧lö weinobe. Weökwe, weaja̧danö sapatu yo̧ekwinobe Josuema.