Éxodo 3:16 - Dios Iwene

¹⁶ Moisés, Egiptobe kwi̧'yo. Ichibö Israel jojodötjö damönö tjoko̧ko̧kwobö jwököbo. Ko̧ko̧kwajadönö yökawo: Isabenö Jo̧ma, da'dödömine tjösödökwe Dios, Abraham, Isaac, Jacob tjösödökwe Diosma ötjönö öwawachö ökwödönö yötawobö weijatö baikwö: Eda̧lobe Egipto jojodö ökwödönö juluwanö inia tjöbö kwotidaduwobö wetjobema. Jo̧bama weijatö ötjönö ökwödönö yötawobö.

Éxodo 3:16 Iomraidhean Croise

Génesis 1:7

Ja̧danö, Diosma jwai balawa 'da̧batijetö ö'weje wa̧jo̧ baibanö. Jejenö wa̧jo̧emi wame ojwiyoma li̧nö nönijetö Diosma. Ja̧danö wa̧jo̧emi teebe jwai balawa lijetö. Jejenö baibijetö, Dios wei̧danö.

Génesis 21:1

Ja̧danö, Isabenö Jo̧ Diosma Saranö ösödö pjabatijetö. Jo̧ba ajayinö yöbawö ujuninadanö, Sarama jitji̧nö jemakobe, jö̧ba̧lö̧ badekwachinö pjabatijetö.

Génesis 28:13

Isabenö Jo̧ Diosma Jacob i̧'wi̧dinö ji̧jetö, Jacob ipjeanö. Jo̧bama Jacobnö yöbawijetö: —Jacob, ötjöma Isabenö Jo̧ Diossa. Kwa'dö Abraham uluwo̧ Diossa, ja̧danö, kwabe'do Isaac uluwo̧ Diossa ötjöma. Jacob yötawakwö: Bemi kwabemi nijima okobe jwiinö ökwönöbi, ökwötjö tupadanö jojodönöbi chiyakwemi.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 50:24

Woakwa̧ abönö yöbawijetö Joséma ömöledönö: —Chömöledö, ötjöma tjo̧wi̧ pöebo̧sa, wotakwa̧ma lekwokobe. Ja̧danö, yötawaduwakwö: Diosma isabenö pjaatakobe ökwödönöma, bena Egipto nijitjö̧ öbibö labebö. Ja̧danö Diosma jelobe öbibö e'ewakobe ökwödönöma, ajayinö da'dödöminenö, Okwötjö tupadanö jojodönö niji chiyocha, jö̧ba̧lö, yöawinobekwö. Jau chömöledö. Da'dödömine Abrahamnö, Isaacnö, dabe'do Jacobnö jejenö iteda iwene yöbawö ujuninobe Diosma, Ökwödötjö tupadanö jojodönö niji, idöda tjitebo baibanö chiyocha, jö̧ba̧lö—yöbawijetö Joséma ömöledönöma, woakwa̧ abönö.

Éxodo 1:8

Ja̧danö, o̧biya lekwinemi ikena jelo̧ balekwo̧ inesö la'aka luwo̧ webö bamatijetö Egiptonö ju̧kwadö tjuluwo̧ baibanö. Jo̧bama José ajayinö Egipto jojodönö pjabatajiama wajwibijetö.

Éxodo 13:19

Ja̧danö, latjebakwa̧ abönö Moisésma webijetö Josémine iwe'iju jobadö tje'ewobö, José damötjö ö'wö baibakwa̧ abönö aebinadanö. Damötjö José ö'wö baibakwa̧ abönö ömöledönö yöbawö tjujunobö aebinobe, ju'wi möle ökwödötjö tupadanö jojodöma belö latjebakobe, Dios tjö̧jibinö pjaatobetjö̧. Jo̧kwaobetjö̧ isabenö kwiweneduwima yöbawö junaduwi babeda, jobadöma latjebena ötjö chiwe'iju tje'ewakobe, jö̧ba̧lö.

Éxodo 15:14

Ju'wedö jojodöma tjo̧wi̧ kwujulu kwisȩbaja̧ yötjawi̧ tja̧ja̧kwajabe. Ja̧ yötjawi̧ a̧ja̧kwö yebabinö tjö̧bawadö. Ja̧danö, filisteo jojodöma jwiinö yebabinö ju̧kwadö.

Éxodo 17:5

aebiökwe: —Jobadötjö ju'wedönö, la'aka luwedönö öbibö 'ya̧wi jojodö tja̧bönö mö'ösa'o jo̧bekwö. Kwotokwa'o do̧ba̧lö kwi̧'yo, Nilo ojwe wame i̧sebö kwaköbina'oma.

Éxodo 18:12

Ikenama Jetro, Moisés öjabama Diosnö juwö tjiyakwo̧nö ichejebijetö, okobe jwiinö tjujuwakwo̧nöma, Diosnö iyö. Ju'wedönöbi Diosnö iyawedönö juwö iyijadötö Diosnö ösödö. Ja̧danö ichijadötö Aarónma, Israel jojodö okobe deinö la'aka luwedöma Jetrokwö ko̧ko̧kwö tjukwobö, Diosnö juwö iyawemi badeibö.

Éxodo 2:25

Ja̧danö, Diosma edijetö Israel jojodö u̧sula tjemawobema. Jobadönö lȩlö̧jinö edijetö Diosma.

Éxodo 24:11

Ja̧danö, okobe deinö nöchajadöma Moisés, Aarón, Aarón itji̧mu̧, Israel jojodötjö la'aka luwedö Diosnö tjedijayonö tjedaja̧ mikwama lȩbebijökötö Diosma. Ja̧danö, nöchajadöma bakobe ba̧nö kwanöbi kwijadötö, ja̧danö owöbi owijadötö.

Éxodo 3:2

Ja̧danö, baikwö baledijetö: Isabenö Jo̧ma ángeldanö ichejekwo̧ öwawachijetö Moisésnö, ösötje okwatjö ökwöla ubi̧danö ubinö. Moisésma jötje edinö ¡ayö! ötjema ubijayonö ubö lokötjeda ja̧, jö̧ba̧lö eda̧lijetö.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

Éxodo 4:29

Ikenama Moisés, Aarón ȩwa̧jijadötö Egiptobe. Jobe ichibajadöma jwöbijadötö Israel jojodötjö damönö ichö jobadökwö tjo̧ko̧kokwobö.

Éxodo 4:31

Jejenö yöa̧liawö̧, ja̧danö juluwi jawa i̧sebiawö̧, Jweinö yöba̧ladö, jö̧ba̧lö ösödijadötö Israel jojodötjö damöma. Ja̧danö, tja̧ja̧kwena, Isabenö Jo̧ inia tjököbaduwino wetjobe edo̧, ja̧danö, ökwödönö pjaatakobe jö̧ba̧lö, tju̧yu̧kijunö bamatö tjöba bȩbachibijadötö nijakwö tjuunö, Isabenö Jo̧nö ösödö.

Éxodo 4:5

Ikenama jö̧ba̧lijetö Isabenö Jo̧ma: —Jejenö kwi̧sebo Israel jojodönö tjomajadenö tjöwaisachibakobetjö̧, Isabenö Jo̧ma, Abraham, Isaac, Jacob tjösödökwe Diosma isabenö öwawachinobe Moisésnöma, jö̧ba̧lö.

Mateo 26:3

Ikenama, Diostjö jojodötjö ö'weje pjabatadötjö la'aka luwedöbi, jojodötjö damöbi tjoko̧ko̧kwachinobe, ö'weje pjabatadötjö inesö la'aka luwo̧ Caifás mikwo̧ eju otiwejutjö.

Lucas 1:68

Isabenö Israel jojodö Duluwo̧ Diosnö dösödobö jo̧be, iteda ömöledönö otiwanö lȩlö̧jinö edinobetjö̧, ja̧danö tjö̧jibinö pjaatobetjö̧.

Lucas 19:44

Ja̧danö okobe jwiinö comunidad tjöekwemi pjolö lotjakobe, ja̧danö tjöekwemi okwa ju̧kwadö comunidadnö ju̧kwadönö kwabö lotjakobe. Isabenö jwiinö söbebö lotjakobe kwiteboduwi Jerusalén comunidadma. Bakwawa inawa jelewa wame ji̧bökönö jwiinö söbebö lotjakobe, Dios ökwödönö pjaatobö jö̧a̧lina kwöpöjödinaduwobetjö̧. Jau, Diosma isabenö ökwödönö pjaatotö jö̧ba̧lö ichijayonö, kwöpöjödaduwajabe, ja̧danö kwöpöjödaduwobetjö̧ isabenö usula kwemawaduwakobe— jö̧ba̧lö budekwö yöa̧linobe Jesúsma, Jerusalénnö ju̧kwadönö.

Hechos 11:30

Ikenama webijadötö Bernabénö, Saulonö ja̧ tjiyaja̧ baladama tje'ewobö, Jesúsnö ösödadönö te'ada̧lakwawa jojodönö tjiyobö.

Hechos 15:14

Simón Pedro yöawatö ökwödönöma, Dios judío jojodöböködönö ajayinö ösödi̧ i̧sebinama, jobadötjöbi iteda i̧tji̧mu batjibanö ja̧bö.

Hechos 20:17

Miletonö ichibö Pabloma bakwo̧nö webijetö Éfesobe 'ya̧nö yöawobö Jesúsnö ösödadönö te'ada̧lakwawa jojodönö tjichobö Pablo ö̧jobekwö.

1 Pedro 2:12

Jau chömöledö, ökwödöma Diosnö ösödöködö tjö'da̧de ja̧nö, otiwanö ja̧bö kwö̧jaduwo, otiwanö ja̧bö kwö̧ja̧duwi̧ tjedakobetjö̧. Ajayinöma isabenö ökwödönö wanedö sulabenö ja̧badö jö̧ba̧lö yötja̧lena chömöledö, jo̧kwaijayonö jwaikwöda otiwanö ja̧bö kwö̧jaduwitjö̧ma, otiwanö ja̧bö kwö̧jaduwi̧ edö tjöwaisachibena, Aaa, Jesúsnö ösödadöma isabenö otiwanö ja̧bö ju̧kwadö, jö̧ba̧lö. Ja̧danö chömöledö, jejenö tjöwaisachibobetjö̧, 'dö̧ibaji̧ möle Dios ichakwa̧ möle badekwachenama, jo̧banö tjösödena, Otiwo̧ja, jö̧ba̧lö.

1 Pedro 5:1

Ja̧danö, ökwödönö baledi̧ jawa omukwatö, ökwödötjö Jesúsnö ösödadönö te'ada̧lakwawa luwedönö baikwö yötawa: Jesúsnö ösödadönö otiwanö kwite'ada̧laduwo chömöledö. Jau chömöledö, ötjö Pedroma bakobe ökwödökwö Jesúsnö ösödadönö te'ada̧lakwawa luwo̧sa chömöledö, ja̧danö ökwödönö yötawi̧ma isabenö waisanö yötawobe. Ötjöma Cristokwö ja̧nö jo̧ba usula emawina chedijatö chömöledö. Ja̧danö ju'wibi chöwaisa, Cristoma iteda dejatinö ujulu i̧sebenama, ötjöbi ja̧ ujulu chujuna̧lakobe jö̧ba̧lö.