Éxodo 3:11 - Dios Iwene

¹¹ Jejenö yöa̧liökwe atadijetö Diosnö: —Ötjöma webö̧kö̧sa. ¿Dakwö abebö chi̧'yobö jo̧banöma, webitjö Israel jojodönö belö labeibö chi̧'yo, jö̧ba̧löma? Abebö chi̧'yökena— atadijetö Moisésma.

Éxodo 3:11 Iomraidhean Croise

2 Samuel 7:18

Jejenö yöawiökwe, la'aka luwo̧ Davidma Dios eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

1 Reyes 3:7

Jau chuluwo Isabenö Jo̧ Dios, ötjö kwömöayo̧nö kabebö kwujunajabe, Chabe'do David ö̧jinemi, ötjöbi la'aka luwo̧ chö̧bobö, jo̧kwaijayonö ina wajwibo̧sa, otiwanö chömöledö israel jojodönö öbibö chö̧jakwa̧ma. La'aka luwo̧ chö̧jijayonö, ina tjemudanö wajwibo̧sa chuluwo̧.

1 Reyes 3:9

Jo̧kwajabetjö̧, chomajadenö okwa jawa waisanö chomukwati̧nö pjakatobö atebakwö chuluwo̧, kwömöledö israel jojodönö otiwanö jwebebö, ötibakobetjö̧. Jau chuluwo̧, bakwo̧ iteda ujulunö, bidö inesö ba̧jȩkwadö kwömöledönö otiwanö jweebobö jwiena, jo̧kwajabetjö̧ waisanö chomukwatobö atebakwö, jobadönö jwebebö, otiwi̧ suli̧tjö böjö, otiwanö jobadönö jwetabakwa̧ chöwaisakobetjö̧, —jö̧ba̧lö aebinobe Salomonma.

1 Crónicas 29:14

Jo̧kwaijayonö, jobekwö ökwönö ösödö yöda̧lijayonö, ökwönö diyobö jö̧da̧lidanö diyoböma jwibadösa chuluwo̧. Jau chuluwo̧, okobe jwiinö dujuna̧li̧ma, ökwö kwiyina jawada juna̧ladösa chuluwo̧, jo̧kwajabetjö̧ ökwönö diyi̧ma, ökwödöda jawamaökö chuluwo̧, ökwö kwiyina jawada tjebatö diyobö jo̧be.

Éxodo 6:12

Jejenö weijayonö: —Atebökena. Israel jojodöbi ötjö yötawi̧ tja̧ja̧kwokobe. Jo̧kwaobetjö̧, ¿dakwö a̧ja̧kwobö faraónma ötjö yötawi̧ma? Otiwanö yöba̧lö̧kö̧sa ötjöma—

2 Corintios 2:16

Ja̧danö, Dios lȩebakwawö̧ 'dö̧tjatemima, woinö omewi̧danö 'dö̧ekwi̧, ja̧danö yödawi̧ tjöpöjödobe. Jo̧kwaijayonö tjö̧jibakwedönöma wainö 'dö̧ekwi̧nö jo̧be, ja̧kwawa söinö omewi̧danö 'dö̧ekwi̧, ja̧danö yödawi̧ tjösödobe. Ja̧ otikwama waiya chömöledö, ¿dakwö otiwanö dotidoböjö?

2 Corintios 3:5

Jo̧kwaijayonö ökwödö dujulunö otiwanö otidadösa jö̧ba̧löma yöta̧lökö chömöledö, Diosda pjaatobetjö̧, otiwanö dotidobe chömöledö.

Jueces 6:15

Weökwe, Gedeonma atadinobe, —Ötjöma luwo̧bö̧kö̧sa, israel jojodö tjö̧jibanö pjatatobö. Okobe deinö Manasesessaso jojodötjö, baikwönönösasobedösa, ökwödö chabe'dö ömöledöma, ja̧danö okobe deinö chömöledötjö baikwönönöbo̧sa ötjöma, luwo̧bö̧kö̧sa, —jö̧ba̧lö.

1 Samuel 18:18

Jejenö chitjijunö wetocha jö̧a̧liökwe, Davidma atadinobe, —Isabenö mikwawö̧kö̧sa, inesö la'aka luwo̧ o̧joli chö̧joböma. Ötjöma mikwawö̧kö̧sa, ja̧danö chömöledö chabe'dö a'dödöma, mikwawöködö israel nijitjöma, —jö̧ba̧lö atadinobe Davidma.