Éxodo 29:43 - Dios Iwene

⁴³ Jobeda ökwödö Israel jojodökwö chö̧jakwo̧sa. Ja̧danö, ötjö salöinö dejatö chi̧sekwocha edö kwöwaisachibaduwobö, bemi Isabenö Jo̧ ö̧jemi, wainöemi, jö̧ba̧lö.

Éxodo 29:43 Iomraidhean Croise

1 Reyes 8:11

Jejenö baledenama, Isabenö Jo̧ inesö dejatinö ujuluma, jobetjö jwiinö salöinobe, jadanö jejenö dewinö salöiawö̧, Diostjö jojodötjö ö'weje pjabatadöma, jobe Dios öba a'o ja̧nö tjotidobö jwiinobe o̧do okwama.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.

Éxodo 29:42

Moisés ökwö, ja̧danö ökwötjö tupadanö jojodö jejenö ba̧kwȩlö̧jatebö ötjönö ösödö, juwö kwiyaduwobö jo̧be. Ötjö cheju apetunö, cheju teachakwawemi badeibö juwö kwiyaduwo. Jobema ökwökwö chö̧jobö, ja̧danö ökwönö yöta̧lobö chichakwo̧sa.

Éxodo 29:44

Ja̧danö, jobe ja̧nö yöta̧lakwo̧sa, bejuma wainö eju, ötjönö ösödö kwichaiaduweju, ja̧danö bipjoma wainösapjo, ötjönö ösödö juwö kwiyaiaduwapjo, jö̧ba̧lö. Ja̧danö Aarónnö Aarón i̧tji̧mu̧nö wainö chujunocha ötjötjö jojodötjö dö'da̧de pjabatadö batjibanö, ötjö weti̧ otidö.

Éxodo 40:34

Ikenama, ojwiyo'wo ja'da'daa'wo Isabenö Jo̧ ejunö jwibachö wame 'duwachibijetö. Ja̧danö, Isabenö Jo̧ salöinö dejatö i̧sekwi̧ma jeju okwa, okobe jwiinöda salöijetö.

Éxodo 40:35

Ja̧danö, Moisésma jeju teachoböma jwiijetö ja'wo ojwiyo'wo ejunö jwiachenama, Isabenö Jo̧ saloinö jwiinö dejatö i̧sekwobetjö̧.

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

2 Corintios 3:18

Jo̧kwaijayonö okobe deinö ökwödö Jesúsnö ösödadöma tjöekwado̧ jwibadösa chömöledö, öwaetjöda Dios dejatinö ujulu edadösa. Jau chömöledö, Duluwo̧ salöinö ujulu edadösa, ja̧danö tjöbadekwawöte öwawinö i̧sebi̧danö ja̧ ujulu i̧sebadösa ju'wedönö, jobadöbi tjedakobetjö̧. Ja̧danö ju'wibi chömöledö, Duluwo̧ salöinö ujulu dedenama, Duluwo̧ Dios O̧'wo̧ Luwo̧ma, Duluwo̧danö ichejekwadö badibanö otido̧, jo̧ba salöinö dejatinö juluwo̧danö bakwainö dichejekwakobetjö̧. Jejenö jo̧be chömöledö, jo̧kwajabetjö̧ yödawi̧ wene 'yayi̧ wenema inesö mikwawi̧ jö̧ba̧lö, ja'yubebi salöi̧ dotojoböma omukwatöködösa. Jau chömöledö, jojodö ja̧ salöi̧ öwawinö tjedakobetjö̧, inesö mikwawi̧ wene 'yayi̧ wenema yöbawadösa.

1 Juan 3:2

Chö̧ja̧wo̧dö chösödawö̧, yötawaduwakwö. Isabenö, ökwödöma Dios i̧tji̧musa. Jo̧kwaijayonö Diosma ökwödönö ina öwawinö i̧sebokobe mölejȩbe ichibö balewachibö dö̧jakwa̧ma. Ina waiya. Wajwidobe ¿dakwö dichejekwakwa̧jö, jö̧ba̧lö? Ja̧danö, domajadenö ¿dakwö omukwatö dö̧jakwa̧jö? jö̧ba̧lö, ina waiya. Jo̧kwaijayonö ja'yubeda döwaisa, biya̧: Cristo yemidanö ichena ökwödöma jo̧badanö babibö dö̧jakwedösa. Ja̧ mölema Cristoma ökwödönö wajuwanö öwawachobetjö̧ jo̧badanö ichejekwadö dö̧jakwedösa.