Éxodo 29:41 - Dios Iwene

⁴¹ Ja̧danö, yi̧bena juwö kwiyökwe o̧beja juwö kwiyenama bakwainö yea̧yi kwiyi̧danö kwiyo, trigosopja̧, oliva o̧tekwö pjabata̧lö, ja̧danö bakwainö ubasobu o̧'do̧bu sa̧sa̧köbo isapjonö. Jejenö okobe jwiinö juwö kwiyo, ötjö, Isabenö Jo̧nö söinö 'dö̧ekwi̧ma kaaminö.

Éxodo 29:41 Iomraidhean Croise

1 Reyes 18:29

Möle ja'ö baledibanöbi, jemi tupakwöbi jobekwö tjo̧'wo jwibadö ja̧tji̧danö ja̧tjinobe, yi̧benakwö iyawa Diosnö iyatjenanö baibenanö, jo̧kwaijayonö Baal iwene ökwöinokobe, bakwo̧bi atadinokobe, ja̧danö bakwo̧bi a̧ja̧kwinokobe.

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

2 Reyes 16:15

Jobekwö pjolatö junajo̧, la'aka luwo̧ Acazma ö'weje pjabato̧ Uriasnö weinobe: —Nöapjo 'yayapjotjö yȩayitenia jwiinö ubinö iyawa kwujuwo, ja̧danö yi̧benatenia trigoso̧pja iyawa japjotjö kwiyo. Ju'wibi ötjö inesö la'aka luwo̧ chiyi̧ jwiinö ubinö iyawa japjotjö kwujuwo, ja̧danö chiyi̧ trigoso̧pja iyawa japjotjö kwiyo. Okobe deinö ditebo jojodö tjiyi̧bi ja̧danö, jwiinö ubinö tjiyi̧bi, trigoso̧pja iyawa tjiyi̧bi, owawa toekwa jawabi, japjotjö kwiyo. Ja̧danö japjonö sa̧sa̧köbo, okobe jwiinö jwiinö ubinö iyawö̧ tjökwösobubi, ösökwö ja̧kwawa iyawö̧ tjökwösobubi. Jo̧kwaijayonö Isabenö Jo̧nö abebö cha̧ja̧kwenama, damösapjo broncetjö otikwapjotjöda kwabö juwö kwiyo, —jö̧ba̧lö weinobe Acazma.

Éxodo 12:6

Jobadö 'da̧batö kwujunaja̧duwawö̧ma ö̧dö̧lö̧jinö kwite'ada̧laduwo 'da̧batö kwujunaduwemi möletjö̧ a̧li̧tjö̧samutjö̧ ö'wejemu möle baibenanö. Ja̧ möle yi̧bena baibena okobe deinö Israel jojodö yöne kwömöledökwenama kukwaduwakwawö̧nö kwabö, tjö̧kwö̧la̧ 'wibebö loköbaduwo.

Éxodo 29:40

Yȩayi̧ juwö kwiyökwekwö, juwi jawabi kwiyo, biya: Dötölataja kilos pan otikwa kwiyo, trigoso̧pja̧, oliva o̧te jwiinö otiwi̧ jawakwö pjabata̧lö. Ja̧danö, isapjo wamenö sa̧sa̧köbo ubasobu o'do̧buma un litro, ötjönö ösödö.

Éxodo 29:42

Moisés ökwö, ja̧danö ökwötjö tupadanö jojodö jejenö ba̧kwȩlö̧jatebö ötjönö ösödö, juwö kwiyaduwobö jo̧be. Ötjö cheju apetunö, cheju teachakwawemi badeibö juwö kwiyaduwo. Jobema ökwökwö chö̧jobö, ja̧danö ökwönö yöta̧lobö chichakwo̧sa.

Daniel 9:21

Ja̧danö, jejenö budekwö abebö chö̧jayi, Gabrielma, ajayinö chi̧'wi̧dinö chedinökwe ángelso̧ma juluwanö köbibö chö̧jobekwö ichinobe, yi̧benakwö möletenia Diosnö iyawa tjiyena jenanö.