Éxodo 29:12 - Dios Iwene

¹² Ikenama, kwötö'a bajalenö ökwösobunö dobeba̧lö juwö iyawapjo ö'wejemu 'do̧'do̧kwenia jawa ö'yekiya ichejekwi̧ jawanö dukebo kwötö'anö. Ja̧danö, ökwösobu ji̧bajobuma japjo la'akanö sa̧köbo.

Éxodo 29:12 Iomraidhean Croise

Éxodo 27:2

Ja̧danö, japjo 'do̧'do̧kwetenia ö'wejemu jawa i'yekiya ji̧nö tjödado, juwö iyawapjotjö dötewanö. Ikenama, okobe jwiinö juwö iyawapjoma broncesapitjö pötjebo.

Éxodo 29:11

'Bitjeba̧lonö bakayanö kwabö ö̧kwö̧la̧ 'wibebö loköbo ökwösobu pa̧la̧ka̧'donö jȩbatö.

Éxodo 30:2

Baikwö tjotidobö weköbo: Wayobekwöbi, ja̧kwölakwöbi bakwainö, cuarenta y cinco centímetros. Ja̧danö möakwöma noventa centímetros tjotido. Ja̧danö, ö'wejemu jawa ö'yekiya ichejekwi̧ jawa ökiyama japjo 'do̧'do̧kwetenia tjödado isapjonö dötewanö.

Éxodo 38:2

Ja̧danö, japjo 'do̧'do̧kwetenia ö'wejemu jawa i'yekiya ji̧nö dadijetö, juwö iyawapjotjö dötewanö. Ikenama, okobe jwiinö juwö iyawapjoma broncesapitjö pöbebijetö.

Hebreos 10:4

Jo̧kwaobetjö̧ chömöledö döwaisobö jo̧be, Pakaya, chiwo tjökwösobuma pjaatinokobe jojodö tjusuli̧ söbebö loobö, jö̧ba̧lö. Jo̧kwaobetjö̧ jojodöma ina Dios öba a'o sulabedöda tjuju̧kwobetjö̧ yemidanöbi, yemidanö Diostjö jojodötjö ö'weje la'aka pjabato̧ma jojodö tjusuli̧ midö iyobö weinobe.

Hebreos 9:22

Jejenö Diosma weinobe, Okobe jwiinö, ja'yubeda u'yukwinö, tjökwösobuda liliobö, suli̧ dichö loinö. Chömöledö ja̧ baledinama ökwödönö i̧sebobe, Sule bakwo̧ ökwösobu ebawinö woi̧tjöda tjusuli̧ söbebö loobe, jö̧ba̧lö. Chömöledö jejenö, itea webo̧ma jo̧ba woobö ji̧danö wei̧ jamatö 'yo̧bö, Dios ajayinö yöbawö ujuni̧tjö wei̧bi, ökwösobu ebawinö woi̧tjöda jamatö 'yi̧nobe.

Apocalipsis 6:9

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö bakwamusa'be baibanö kaebobe chedijatö. Ja̧'be kaebena juwö iyawemi chedijatö mölejȩbetjö. Jemi juwö iyawemi teebetjö chedijatö öwawöködönö, Jesúsnö ösödadönö kwabö lotjinawö̧ tjo̧'wo̧ luwo̧. Jobadöma, Dios iwene tjösödobetjö̧, ja̧danö, jo̧ba iwene yötjawobetjö̧ kwabö lotjinawö̧.