Éxodo 28:4 - Dios Iwene

⁴ Baikwö 'dö̧tjakobe ötjötjö jojodötjö dö'da̧denö la'aka pjabato̧ 'duawi̧ o̧di̧ju̧ma: Abönö 'duawakwa̧do̧, okwasado̧ma ödöado̧, opjiya ju'witjöbi ju'witjöbi ti̧lawado̧ma. Ja̧do̧ wame jȩlȩdo̧, möakwönönö la̧do̧ 'duawakobe. Ja̧do̧ wame, jeledo̧ ja'önönö la̧do̧. Ja̧danö, ja̧do̧ wame, la'aka pjabato̧ omukoemi jȩlȩdo̧ 'duawakobe. Ja̧danö, butjawakwawado̧bi ubutjawakobe, uunö kwabawö. Ja̧danö, di̧atakwawado̧bi önawakobe. Jejenö weköbo 'dö̧tjo wainö 'dutjawakobetjö̧, kwöpöe Aarón, jo̧ba i̧tji̧mu̧ 'dutjawakwa̧ o̧diju, ötjö weti̧ a̧ja̧kwö ötjötjö jojodötjö dö'da̧denö pjabatadö 'dutjatawakwa̧ o̧di̧ju̧ma.

Éxodo 28:4 Iomraidhean Croise

2 Samuel 6:14

Ja̧danö, Davidma ödöado̧, linotjö otikwa̧do̧ 'duawinobe, ja̧danö Isabenö Jo̧ iteapjo ichejebö, jwiinö o̧'wo ösöwachibanö Isabenö Jo̧ öba a'otjö bailedanö döinobe, okobe jwiinö ujulunö o̧'wo ösöwanö döinobe.

Éxodo 25:7

Ina webijetö: —Ja̧danö, tjiyakwa̧ma inawiyabi tjiyo, biya̧: Nöinö mikwawi̧ inawiya onice mikwi̧ tjiyo. Ja̧danö, ju'wi nöinö mikwawi̧ öwiyabi tjiyo. Ja̧ inawiya, onice mikwi̧ inawiya, ju'wi inawiya ötjötjö jojodötjö dö'tja̧denö la'aka pjabato̧ ökamijido̧ wamesado̧ öböbe'o bakwachakwadanö akwacha̧lö la̧kobe. Ja̧danö, ja̧do̧ wame jeledo̧, omuko̧sado̧ la̧kobe, melekwado̧. Ja̧donöbi nöjakobe inawiyama—webijetö Isabenö Jo̧ma Moisésnöma.

Éxodo 29:6

Ikenama, butjawakwawado̧ uunö kwudato. Ja̧do̧nö orotjö 'dobö otikwö̧pö̧, ubutjawado̧nö di̧kato, wȩyukwö̧pö̧ Isabenö Jo̧ wei̧ a̧ja̧kwö 'da̧batö ujuninökwesa, jö̧ba̧lö.

Éxodo 39:28

Ja̧danö, tjubutjawa'wobi, tja̧di̧ju̧bi jwiinö otiwi̧ tji̧ti̧la̧ja̧do̧tjö 'dö̧nijadötö, lino opjiyatjö tji̧ti̧laja̧do̧tjöma.

Isaías 11:5

Wanedö yöta̧la otiwanö ö̧jo jö̧a̧lidanö ö̧jakwa̧ma, koleasö̧je 'dutjawi̧danö Dios wei̧ a̧ja̧kwakwawa 'duawakwo̧, ja̧danö tja̧do 'dutjawi̧danö, jwaikwöda ja̧bö ö̧jo jö̧a̧li̧danö ja̧kwawa 'duawakwo̧.

Isaías 59:17

Wanedö yöta̧la, ölakwabikwawadö 'dutjawi̧danö 'dubawo̧ Diosma, otiwanö ja̧bö ja̧kwawama, omukonö tjöeba̧la̧do̧ baibanö 'dubawo̧, ja̧danö tjö̧jibinö pjaatakwawama, 'diebasöse tjöekwösedanö, butjawo̧. Jojodönö lȩebakwa̧ma, ö̧ka̧misi 'duawi̧danö 'dubawo̧, sulabenö ja̧bö tjö̧jiökwe ödameakwi̧ma wamesa̧do̧danö 'dubawo̧.

Efesios 6:14

Jo̧kwaobetjö̧ yötawaduwakwö. Dios jawa, otiwa jawa wene, isabenö wene, kwo̧'wo̧ luwo̧duwinö do̧batö omukwata̧lö ju̧kwaduwi chömöledö, ba̧kwȩlö̧jatebö, jemi tupakwö juluwachibanö kwi̧'yaduwo. Wanedö yötawa: 'Bötjabikwawakwedöma koleasö̧jȩma 'diinö di̧batakwawadö, otiwanö tji̧'yobö. Ja̧danö ökwödöbi, chömöledö. Dios iwene, otiwa jawa iwene, isabenö iwenema, kwo̧'wo̧ luwo̧duwinö 'diinö do̧ba̧lakwawö 'ya̧duwi. Jejenö otiwanö kwi̧'yaduwakwedöja, kwo̧'wo̧ luwo̧duwima juluwachibanö jemi tupakwö. Ja̧danö chömöledö, ju'wibi yötawaduwakwö. Jweinö, otiwanöda omukwatö ju̧kwaduwi. Jejenö kwö̧jaduwena Awetjama sulabe ujuluwotö jö̧ba̧lö weijayonö tjöbeba̧lakwawö kwö̧jaduwakwedöja. Ju'wi wanedö yötawa: 'Bötjabikwawakwedöma 'dii̧ jawa wamenö 'dubawadö, tjomuko tjöeba̧linö. Ja̧danö, jobadö tjomuko tjöeba̧li̧danö, ökwödöma, Awetja sulabenö wei̧ma tjöbeba̧lakwawö ju̧kwaduwi, jweinö, otiwanöda omukwatö.

1 Tesalonicenses 5:8

Jo̧kwaijayonö, ökwödöma möle jojodösa chömöledö, jo̧kwajabetjö̧ 'dukwachinöma dö̧joko. Wanedö yötawa: Döpöjojo ökwödönö ölakwabikwawö ö̧jobetjö̧, guardia jojo omuko tjöekwado̧ 'duawi̧danö, Dios yöawi̧ ösödakwawi̧bi, dömöledönö ösödabikwawi̧bi 'dudawo, tjöekwado̧ baibanö. Ja̧danö, guardia jojo tjöekwaka bötjawaka ubutjawi̧danö, dö̧jibinö pjabato̧ jö̧ba̧lö Diosnö do̧'wo̧ döwana̧li̧ma dubutjawaduwo, tjöekwaka baibanö.

Apocalipsis 9:17

Ja̧danö, ötjönö i̧sebi̧ma, baikwö chedijatö, abökönö chi̧'wi̧di̧danö: Jobadö ka̧ba̧yu̧dönö wa̧nö 'ya̧döma tjomuko tjöeba̧li̧ 'dubawadö. Ja̧ tjöeba̧li̧ 'dii̧ jawa 'dutjawi̧ma duwi̧, ökwöla ubi̧danö duwi̧. Ja̧danö, ö̧'dö̧wibi, duwapjayibi, ja̧ jawa tjöeba̧li̧ 'dutjawi̧ jawama. Ja̧danö, tja̧jwi̧mu ka̧ba̧yu̧döma, tjuuma, di̧di̧ba̧dö tjuudanö ichejekwadö. Ja̧danö, jobadö ka̧ba̧yu̧dö tjaatjöma ökwöla ubi̧kwö, imiyu'wokwö tubinö pjubadö. Ja̧danö, ju'wi jawa, azufre mikwi̧ laebi̧ chedijatö, jwiinö tubinö ubi̧ jawa, jobadö ka̧ba̧yu̧dö tjaatjö.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

1 Samuel 22:18

Jejenö tjöpöjödiökwe, Saulma Doegnö weinobe, —Ökwöda, bidö tjö'da̧de pjabatadönö kwabö lobidönö, —jö̧ba̧lö. Weökwe, jo̧ba edomita jojo Doegma jobadönö meibinobe, ja̧danö ja̧ möle ochenta y cinco tjö'da̧de pjabatadönö kwabawö loinobe, Dios öba a'otjö tjö'da̧de pjabatadö 'dutjawi̧ linotjö otikwa̧do̧ 'dubawadönö.

1 Samuel 23:6

Ahimelec itji̧ Abiatar, Saultjö döbibajinama, Keilabe Davidkwö i̧'yinobe, ja̧danö i̧'yenama, tjö'da̧de pjabatadö Dios öba a'otjö 'dutjawa̧do̧ e'ewö i̧'yinobe. Jo̧kwajabetjö̧ Abiatar pjaatonö, David Diosnö abebö a̧ja̧kwobö ji̧nobe ja̧ möle.

1 Samuel 30:7

Ikenama Davidma Diostjö jojodötjö tjö'da̧de pjabato̧ Abiatarnö weinobe, —Dios öba a'otjö 'dukawa̧do̧ 'dubawö ichi, Diosnö abebö cha̧ja̧kwobö, —jö̧ba̧lö. Weökwe, 'dubawö ichinobe Abiatarma,