Éxodo 28:37 - Dios Iwene

³⁷ Jö̧pö̧ma ubutjawado̧ ö'öbönö di̧atakwawakobe isopja ö'dö̧wopja̧nö, la'aka pjabato̧ öbanö li̧nö.

Éxodo 28:37 Iomraidhean Croise

Éxodo 28:28

Ikenama, ö'dö̧wi̧ opjiyanö omukosa̧do̧ o̧ki̧ju̧nö teebesa̧do̧, akwaka̧linö la̧kwa̧do̧ o̧ki̧ju̧kwö di̧tja̧to. Jejenö omukosa̧do̧ teebesa̧do̧kwö dötewanö 'diinö nönö ja̧kobe, di̧atakwawado̧ möakwö.

Éxodo 28:31

Ina webijetö Isabenö Jo̧ma Moisésnö: — Ötjötjö jojodötjö dö'da̧de la'aka pjabato̧ akwaa̧linö la̧kwa̧do̧ teebesado̧, möakwönönö la̧do̧ma ö'dö̧wi̧sado̧tjö dö̧tjo, okobe jwiinö.

Éxodo 28:36

Ina webijetö: —Ja̧danö, bakwai̧ orotjö 'dobö tjotido ö̧sö̧pö̧, ubutjawado̧nö di̧atakwawö̧pö̧ma. Ja̧danö, 'dȩbö wȩyukwa waiso̧ma jö̧pö̧nö 'dȩbö iwȩyudo seyu wȩyukwadanö baikwö: Isabenö Jo̧ 'da̧batö ujuninökwesa, iteda wei̧ a̧ja̧kwo̧ baibanö, jö̧ba̧lö.

Éxodo 28:38

Aarónma ba̧kwȩlö̧jatebö ubutjawobö ja̧kobe, jö̧pö̧ öbanö li̧nö, Isabenö Jo̧ wei̧ a̧ja̧kwö 'da̧batö ujuninökwesa iteda wei̧ a̧ja̧kwo̧ baibanö, jö̧ba̧lö, wȩyu̧kwö̧pö̧ma. Jejenö ubutjawobetjö̧ Aarónma i̧sebakobe, Israel jojodö ötjönö weti̧danö tjiyökötjö̧ma, jo̧ba Aarónda jojodö ötjökwö wene tjujuna̧lakwali̧ma iteda ko̧ko̧dö emibena, ötjöda jawa, jö̧ba̧lö. Jejenö ko̧ko̧dö emobetjö̧ jojodöma ötjö weti̧danö tjiyököjayonö jobadö tji̧yi chemocha, wene jwiya, jö̧ba̧lö.

Éxodo 28:4

Baikwö 'dö̧tjakobe ötjötjö jojodötjö dö'da̧denö la'aka pjabato̧ 'duawi̧ o̧di̧ju̧ma: Abönö 'duawakwa̧do̧, okwasado̧ma ödöado̧, opjiya ju'witjöbi ju'witjöbi ti̧lawado̧ma. Ja̧do̧ wame jȩlȩdo̧, möakwönönö la̧do̧ 'duawakobe. Ja̧do̧ wame, jeledo̧ ja'önönö la̧do̧. Ja̧danö, ja̧do̧ wame, la'aka pjabato̧ omukoemi jȩlȩdo̧ 'duawakobe. Ja̧danö, butjawakwawado̧bi ubutjawakobe, uunö kwabawö. Ja̧danö, di̧atakwawado̧bi önawakobe. Jejenö weköbo 'dö̧tjo wainö 'dutjawakobetjö̧, kwöpöe Aarón, jo̧ba i̧tji̧mu̧ 'dutjawakwa̧ o̧diju, ötjö weti̧ a̧ja̧kwö ötjötjö jojodötjö dö'da̧denö pjabatadö 'dutjatawakwa̧ o̧di̧ju̧ma.

Éxodo 29:6

Ikenama, butjawakwawado̧ uunö kwudato. Ja̧do̧nö orotjö 'dobö otikwö̧pö̧, ubutjawado̧nö di̧kato, wȩyukwö̧pö̧ Isabenö Jo̧ wei̧ a̧ja̧kwö 'da̧batö ujuninökwesa, jö̧ba̧lö.