Éxodo 28:28 - Dios Iwene

²⁸ Ikenama, ö'dö̧wi̧ opjiyanö omukosa̧do̧ o̧ki̧ju̧nö teebesa̧do̧, akwaka̧linö la̧kwa̧do̧ o̧ki̧ju̧kwö di̧tja̧to. Jejenö omukosa̧do̧ teebesa̧do̧kwö dötewanö 'diinö nönö ja̧kobe, di̧atakwawado̧ möakwö.

Éxodo 28:28 Iomraidhean Croise

Éxodo 25:7

Ina webijetö: —Ja̧danö, tjiyakwa̧ma inawiyabi tjiyo, biya̧: Nöinö mikwawi̧ inawiya onice mikwi̧ tjiyo. Ja̧danö, ju'wi nöinö mikwawi̧ öwiyabi tjiyo. Ja̧ inawiya, onice mikwi̧ inawiya, ju'wi inawiya ötjötjö jojodötjö dö'tja̧denö la'aka pjabato̧ ökamijido̧ wamesado̧ öböbe'o bakwachakwadanö akwacha̧lö la̧kobe. Ja̧danö, ja̧do̧ wame jeledo̧, omuko̧sado̧ la̧kobe, melekwado̧. Ja̧donöbi nöjakobe inawiyama—webijetö Isabenö Jo̧ma Moisésnöma.

Éxodo 28:27

Ja̧danö, ju'wi o̧'ki̧ju̧ dokolataja orotjö tjödado. Ja̧ o̧ki̧ju̧ma akwaka̧linö la̧kwa̧do̧ la'akanö 'dö̧o, di̧atakwawado̧ möakwö.

Éxodo 28:29

Ja̧danö, Aarón, la'aka pjabato̧ma omukosado̧ 'dubawajo̧ inesö la'akasȩko̧nö teachena Israel jojodö bakwaso̧kwena tjimibiyakwö iteda omuko wame, iteda omajade wame teachakobe. Jejenö Aarón ötjö, Isabenö Jo̧ chö̧jȩko̧nö teachena Israel jojodö tjimibiya iteda omajade wame nönö ötjöma Israel jojodönö ba̧kwȩlö̧jatebö chomukwatakwo̧sa.

Éxodo 28:31

Ina webijetö Isabenö Jo̧ma Moisésnö: — Ötjötjö jojodötjö dö'da̧de la'aka pjabato̧ akwaa̧linö la̧kwa̧do̧ teebesado̧, möakwönönö la̧do̧ma ö'dö̧wi̧sado̧tjö dö̧tjo, okobe jwiinö.

Éxodo 28:37

Jö̧pö̧ma ubutjawado̧ ö'öbönö di̧atakwawakobe isopja ö'dö̧wopja̧nö, la'aka pjabato̧ öbanö li̧nö.

Éxodo 28:8

Ja̧danö, di̧atakwawado̧ma bakwainö opjiyatjö ti̧lawa'wotjö 'dö̧tjo, 'döawa jwiinö waisadöda. Ja̧ di̧atakwawado̧ma kamiji̧do̧ ö̧dö̧lö̧'a̧ bakwachakwadanö pjöa̧linö 'dö̧tjo.

Éxodo 39:41

Ja̧danö, Aarón, Aarón itji̧mu ömadö 'dutjawakwa̧ o̧di̧ju̧ ichejebijadötö, otiwanö 'dö̧tjaja̧di̧ju̧, wainö ji̧ o̧di̧ju̧ma. Ja̧diju 'dubawajadöma, Aarón, Aarón i̧tji̧mu̧ Isabenö Jo̧ eju, inesö ejunö tjetjachakwedö, Isabenö Jo̧ wei̧ tjotidobö.