Éxodo 27:21 - Dios Iwene

²¹ Ja̧ dȩju̧wa'yu o̧'di̧ju̧ ja̧kama cheju okwa ja̧kobe, abönösȩko̧nö, inesösȩko̧, jö̧ba̧lö, mikwȩko̧nö. Tupakwösȩko̧, jwiinö inesösȩko̧, jö̧ba̧lö, mikwȩko̧ tjöekwado̧ badeibö ja̧kobe, dȩju̧wa'yu o̧'di̧ju̧ ja̧kama. Ja̧danö, jȩko̧ tupakwösȩko̧nö, jwiinö inesösȩko̧nö ötjö weti̧ wȩyukwa öbiya a̧ja̧pjo ja̧kobe. Ja̧danö, Aarónma, ja̧danö iteda i̧tji̧mu̧ma ötjö chöbajale a'otjö dȩju̧wa'yu o̧'di̧ju̧ ja̧ka tjite'ada̧lakwedö, ba̧kwȩlö̧jatebö yö̧te baibanö ubinö dejatakobetjö̧, dewachenanö baibanö. Ju'winö Aarón woaja̧ okobema jo̧batjö tupadanö jojodö dȩju̧wa'yu o̧'di̧ju̧ ja̧ka te'ada̧ladö batjibanö tjö̧jakwedö. Ja̧danö, ötjö weti̧, dȩju̧wa'yu o̧'di̧ju̧ yö̧te baibanö dejato jö̧ba̧lö, Israel jojodöma ba̧kwȩlö̧jatebö tja̧ja̧kwobö ja̧kobe, jobadötjö tupadanö jojodöbi— webijetö Isabenö Jo̧ma Moisésnöma.

Éxodo 27:21 Iomraidhean Croise

Génesis 1:5

Ja̧danö, dewi̧ma möle jö̧ba̧lö öbabijetö. Ja̧danö, yȩi̧ma yö̧te jö̧ba̧lö öbabijetö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ajayinö mölema.

Génesis 1:8

Ja̧danö, Diosma öbabijetö wa̧jo̧emima mölejȩ, jö̧ba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö dötölataja mölema.

Éxodo 12:14

Ja̧danö, ökwödöma ba̧kwȩlö̧jatebö bakwöta o̧bakwena ötjö, Isabenö Jo̧ pjatatina, kwejubiya wame chöbaledinama omukwatö ba'ali kwujunaduwo, ötjö babe möle weti̧danö. Ja̧danö, weawa baibanö kwiweyudaduwo ba̧kwȩlö̧jatebö ökwödötjö jojodöbi ja̧ ba'ali tjujunobö, jobadöbi, jobadötjö tupadanö jojodöbi, ötjö pjatatina omukwatö.

Éxodo 16:34

Ja̧danö, ja̧yuma ju'wi mölema Aarónma ujunakwa̧yu Dios eju okwa, isapjo badeibö, inabiya döbölataja Dios wei̧ iwȩyudina öbiya a̧japjo badeibö.

Éxodo 25:16

Ja̧danö Moisés, japjo isapjo okwa kwanakobe ökwönö chiyakwa̧ öbiya döbölataja, domulataja weawa jawa weti̧ wȩyukwa öbiyama— webijetö Isabenö Jo̧ma Moisésnöma.

Éxodo 28:43

Ja̧danö, Aarón, iteda i̧tji̧mu̧ ömadö ötjö cheju tetjachenabi, ja̧danö inesö la'akasȩko̧ juwö iyawemi jo̧be tjichenabi ja̧ tja̧di̧ju̧ma 'dutjawobö weta. Isabenö, jejenö weti̧ tja̧ja̧kwobö jo̧be suli̧ juna̧ladö batjibanö 'debö tji̧'yapji jö̧ba̧lö. Jejenö weta jobadönöma, ja̧danö jobadötjö tupadanö jojodönöbi ba̧kwȩlö̧jatebö jejenö 'dutjawobö ötjö cheju okwa tetjachena.

Éxodo 29:42

Moisés ökwö, ja̧danö ökwötjö tupadanö jojodö jejenö ba̧kwȩlö̧jatebö ötjönö ösödö, juwö kwiyaduwobö jo̧be. Ötjö cheju apetunö, cheju teachakwawemi badeibö juwö kwiyaduwo. Jobema ökwökwö chö̧jobö, ja̧danö ökwönö yöta̧lobö chichakwo̧sa.

Éxodo 29:44

Ja̧danö, jobe ja̧nö yöta̧lakwo̧sa, bejuma wainö eju, ötjönö ösödö kwichaiaduweju, ja̧danö bipjoma wainösapjo, ötjönö ösödö juwö kwiyaiaduwapjo, jö̧ba̧lö. Ja̧danö Aarónnö Aarón i̧tji̧mu̧nö wainö chujunocha ötjötjö jojodötjö dö'da̧de pjabatadö batjibanö, ötjö weti̧ otidö.

Éxodo 30:21

Yötawakwö: Tjömamiju, tjömasapjiya tjidichawo, debö tji̧'yapji jö̧ba̧lö. Ja̧danö, Aaróntjö tupadanö jojodö ömadöma ba̧kwȩlö̧jatebö jejenö ötjö weti̧ a̧ja̧kwö tjömamiju, tjömasapi̧ya tjidichawobö jo̧be, debö tji̧'yapji jö̧ba̧lö— webijetö Isabenö Jo̧ma Moisésnöma.

Éxodo 30:36

Ja̧ isa'betjö ja'yubeda iso̧pja̧ baibanö 'doo. Ikenama ja̧pja̧ e'ewö cheju okwa tebachö inesö la'akasȩko̧nö, ökwödökwö chö̧jobö chichakwȩko̧nö tekacho. Jȩko̧nö weti̧ wȩyukwa inabiya a̧ja̧pjo la'akanö lilitjo i̧so̧pja̧. Ja̧pja̧, wainöda ja̧aso̧pja̧, jö̧ba̧lö, kwomukwataduwobö jo̧be.

Éxodo 30:8

Ja̧danö yi̧benabi, bakwöta yi̧benakwena tjo̧wi̧ jawo̧ meibajena Aarónma ujuwo ba̧kwȩlö̧jatebö söinö 'dö̧ekwi̧ kaamobö ötjö, Isabenö Jo̧ chö̧ba a'otjö. Ja̧danö, ba̧kwȩlö̧jatebö jejenö tjujuwobö jo̧be, okobe deinö Aaróntjö tupadanö jojodöma.

Éxodo 40:3

Jeju okwa, inesö la'akasȩko̧nö inesösȩko̧nö isapjo kwujunaduwo, ötjö domulataja jawa wetina wȩyukwa öbiya a̧ja̧kwapjoma. Ja̧danö, ja̧pjo badeibö tjöekwado̧ kwö̧naduwo okwi'ijunö, japjo tjöekwa̧li̧nö.

Mateo 4:16

Jobadö yȩa'wo okwa ju̧kwinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, dewinö dejatajabe, jö̧ba̧lö wanedö iwȩyudinobe Isaíasma.

Lucas 12:35

Tupakwö yöawinobe Jesúsma: —Yemidanö chichakwa̧ te'ada̧lö kwö̧jaduwo chömöledö. Baikwö wanedö yötawa: Bakwo̧ luwo̧ma tji̧lȩkwa̧munö emawa pjiesta junö i̧'yena, ja̧danö jejenö i̧'yitjö̧ma, ömöayedöma ȩwa̧jakwa̧ te'ada̧lö tjö̧jena, ¿jö̧tö? Tjuluwo̧ ȩwa̧jakwa̧ te'ada̧lö, otidadö 'dutjawado̧ kamijido̧ 'dubawajadö, ja̧danö dejewa'yu̧ nötedajadö tjite'ada̧lena, tjuluwo̧ ichibenama juluwanö apjude po̧bebö tetjatobö.

Juan 5:35

Ja̧danö, Juanma la̧pa̧la̧yu̧danö ubinö idejatinobe, ötjö jawa yöbawö. Ökwödöma ajayinöma kwo̧'wo̧duwi ösöwanö kwö̧jinaduwobe, jo̧ba yöawi̧ a̧ja̧kwö— Jesús yöawinobe judío jojodö la'aka luwedönöma.

2 Pedro 1:19

Ja̧danö jejenö dedinobetjö̧, ajayitjö bajalekwönönö isabenö döwaisobe chömöledö, Duluwo̧ma isabenö iteda ujulu i̧sebö yemidanö ichakwo̧ jö̧ba̧lö. Jau chömöledö, Dios yöawi̧ yöbawadöma tjiwȩyudinobe, Duluwo̧ 'dö̧ibaji̧ möle yemidanö ichakwa̧ wenema, ja̧danö ida̧ökö jobadö tjiwȩyudi̧ dösödinobe. Ja̧danö, jemi ikenama ökwödöma jo̧ba ujulu i̧sebina dedijatö chömöledö. Ja̧danö jejenö dedinobetjö̧, ajayitjö o̧penönö döwaisobe, Dios yöawi̧ yöbawinadö tjiwȩyudinadanö iteda ujulu i̧sebö ichakobe jö̧ba̧lö. Isabenö jweinö tjiwȩyudinobe chömöledö, jo̧kwajabetjö̧ jobadö tjiwȩyudina otiwanö omukwatö kwösödaduwo chömöledö, jweinö kwomukwataduwakobetjö̧. Jau chömöledö, jobadö tjiwȩyudinama isabenö otiwanö domukwatobö pjaati̧, wanedö yötawa: Jobadö tjiwȩyudinama dejewa'yu̧ ubö dejati̧danö jo̧be, ichakwo̧nö jweinö kwomukwataduwobö, ja̧danö jejenö dejatakobe, inesö möle Cristo yemidanö ichakwa̧ möle dewachena kabatö. Ja̧danö ja̧ möle salöinö dejato̧ Cristoda ichö kwomajadeduwinö idejatakobe chömöledö, damötjö tjiwȩyudinadanö.

Apocalipsis 2:1

Ja̧danö, chedökwema ina weijatö ötjönöma: —Juan, biya̧ yötawi̧ma wȩyudi weköbo, Éfeso jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma jelemutjö du̧ju̧tajanö si̧li̧'i̧dönö ömamu öwaisobekwöchobesamunö do̧ba̧lö jo̧ yöawi̧. Jo̧ba, biya̧ chiwȩyudi̧ yöawo̧ma, jelemutjö do'do̧latajanö la̧pa̧la̧yu̧bi̧ya junawa o'di̧ju, orotjö otikwa o'di̧ju, 'da̧denö kwebachö jo̧.

1 Samuel 3:3

Yö̧te, ina Dios eju jawa dejuwa'yu ina ubayi, Samuelma Isabenö Jo̧ ejunö ö̧binobe, isapjo Dios iteapjo jȩna.

1 Samuel 30:25

Ja̧danö ja̧ möletjö jamatö baikwö bajalenö israel nijitjö jejenö tjitea teada̧ladöbi ölakwabikwawö ȩwa̧jadöbi bakwainö tjemobe. Davidma weawa baibanö jejenö i̧wȩyudinobe, ja̧danö babebi ina israel nijitjö ja̧ weawa jo̧be.