Éxodo 27:1 - Dios Iwene

¹ Ina webijetö Isabenö Jo̧ma Moisésnö: — Moisés, jojodönö weköbo juwö iyawapjo tjotido acacia towisötetjö, baikwö: Wayobekwöbi jakwölakwöbi bakwainö dos metros y veinticinco centímetros tjotido. Ja̧danö, möakwöma un metro y veinticinco centímetros tjotido.

Éxodo 27:1 Iomraidhean Croise

2 Samuel 24:18

Ja̧danö ja̧ möle Gadma David ö̧jobekwö ichibö weinobe, —Jebuseo jojo Arauna miwko̧ trigo sula'wo chabö loawejube nöchö, jobetjö Diosnö iyawöte otidö, kwabö juwö kwiyo Diosnö, —jö̧ba̧lö.

2 Reyes 16:14

Ja̧danö, broncetjö otikwapjo, Isabenö Jo̧ öba a'o ji̧napjoma, 'yayapjotjö Dios ejutjö ö'wejenö ji̧nobe, jo̧kwajabetjö̧ ja̧ damösapjo jobetjö pjolatö ujuninobe Acazma, ja̧danö iteda weinapjotjö u'dakwöchobe ujuninobe.

1 Crónicas 6:49

Ja̧danö, jobadöma o̧do jawa otidadö tjö̧jonö, Aaronbi, itji̧mu tupadanö jojodöbi Diosnö iyawa jawa iyö tjotidinobe. Jobadöda Diosnö iyawa jwiinö ubinö iyawa juwö tjiyinobe, ja̧danö jobadöda omewi̧ jawa ubö tjiyinobe. Ju'wibi jobadöda Dios eju okwasȩko̧, ju'wedö tetjachökȩko̧ jawa tjotidinobe. Ja̧danö Dios ömöayo̧ Moises weinadanö, jobadöda iyawa iyö tjotidinobe, israel jojodö tjusula söbekwö loakobetjö̧.

Éxodo 17:15

Ikenama Moisésma juwö iyawemi otidijetö. Jemima midijetö, Isabenö Jo̧ma döpjojodönö dujuluwobö pjabato̧, jö̧ba̧lö.

Éxodo 24:4

Ja̧danö, Moisésma okobe jwiinö Isabenö Jo̧ yöawaja̧, weawa wenema wȩyudijetö. Ju'wi dewachöma, yȩayi̧ wilubö alaibö juwö iyawemi otidijetö, mö'ösa'o la'akanö. Ja̧danö, inawiya, ödöi̧ öwiyama a̧la̧pedö junijetö, a̧li̧nösamutjö döbalataja öwiyama, Israel jojodö a̧li̧nösamutjö dosolatajabedö wanekwachö.

Éxodo 31:9

Ja̧danö, jelepjo juwö iyawapjo okobe jwiinö japjo ju̧kwi̧kwö, ja̧danö tjömamiju tjömasapiya dichawa'do broncetjö otikwa'do ja'do isa'dokwö.

Éxodo 35:16

Ja̧danö, jeju apetunö tjujunakwa̧, biya̧: Ja̧danö, isapjo, Isabenö Jo̧nö kwiyaduwajawö̧nö̧ wa̧nö juwö iyawapjoma löbö kwotidaduwo. Ja̧danö, ja̧pjo okwa anawaka broncetjö kwotidaduwo. Ja̧danö japjo e'ewakwawa ö'iya bulö kwotidaduwo. Ja̧danö, okobe jwiinö japjo juwawa tjotidakwa̧ jawa kwotidaduwo, balde'diju, ja̧danö, palapibiya, ja̧danö ö̧ki̧ya̧, itebiya tichawa ö̧ki̧ya̧ma. Ja̧danö, dichawa'do, ja'do la'aka pjaeba̧la'o isa'obi kwotidaduwo.

Éxodo 39:39

Ja̧danö, juwö iyawapjo, broncetjö otikwapjo, Isabenö Jo̧ eju apetunö junawapjo ichejebijadötö. Japjo okwa ja'önö pjaeba̧laka broncetjö tjotidinaka ichejebijadötö. Ja̧danö japjo e'ewakwawa ö'iyabi ichejebijadötö. Ja̧danö, okobe jwiinö japjo wame juwawa tjotidakwa̧ jawabi ichejebijadötö, balde'diju, ja̧danö, palapibiya, ja̧danö ö̧ki̧ya̧. Ja̧danö, dichawa'do, ja̧'do la'aka sa'o ichejebijadötö.

Éxodo 40:10

Ja̧danö, ötjönö kwiyaduwawö̧nö juwö iyawapjonöbi, ja̧danö okobe jwiinö juwö iyawa otikwa ju̧kwi̧bi tjoekwa o̧tesobu sa̧sa̧köbaduwo. Jejenö ja̧pjo, ja̧pjo otikwa ju̧kwi̧, Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.

Éxodo 40:29

Ja̧danö, jeju teachakwawemi badeibö a̧petube junijadötö juwö iyawapjo, tjiyajawö̧tjö okobe jwiinö tjujuwobö weinawö̧nö kabebö wanö tjujuwapjoma. Japjonö wanö juwijadötö Isabenö Jo̧nö tjiyajawö̧nö. Ja̧danö, ju'wi jawabi trigobi iyö juwijadötö ja̧pjonö. Isabenö Jo̧ Moisésnö juwö tjiyobö weinadanö juwö iyijadötö.

Éxodo 40:6

Ja̧danö, juwö iyawapjo kwujunaduwo a̧petube, cheju teachakwawemi badeibö, ödökwönönö.

Hebreos 13:10

Chömöledö yötawaduwakwö. Diosnö iyawa, isabenö ökwödönö pjaati̧ iyawama jo̧be. Ja̧ iyawama dumusidi̧ midawina Jesúsda. Jo̧bama itedada iyawinobe Dios 'yayi̧ balekwa yöbawö ujuni̧ma jamatö 'yo̧bö. Jo̧kwaijayonö Dios ajayinö yöbawö ujunina wei̧ ina a̧ja̧kwö ju̧kwadöma ¿dakwö tjemobö Jesús itedada iyawina pjaati̧tjö? Emöködö, Dios ajayinö yöbawö ujunina wei̧ ina a̧ja̧kwö tjuju̧kwobetjö̧.