Éxodo 26:37 - Dios Iwene

³⁷ Ja̧danö, weköbo bakwamu jawa okwi'iju lötjo, tjöekwado̧ debatö tjö̧nakobetjö̧. Ja̧ o'ijunö orosapitjö tjo̧'po̧dato. Ja̧danö, bakwa'okwena orotjö otikwa o̧ki̧ju̧ 'diinö tjödado, okwi'iju bajalenö. Ja̧danö, la'aka pjaeba̧li̧ o'iju tjotido broncetjö, bronce isobu baibanö tobajadö isa̧ko̧nö tobebö.

Éxodo 26:37 Iomraidhean Croise

Éxodo 25:11

Japjo wame okobe jwiinö bakwai̧ orosapitjöda pötjebo o̧pekwöchobenöbi okwakwöchobenöbi. Ja̧danö, isapjo mö ö'öbö okobe jwiinö bakwai̧ orotjöda ö'öbösö'bönö tjödado.

Éxodo 25:5

Tjiyakwa̧ i̧sȩdi̧ju̧ biya̧: O̧bȩja̧dö ömadö tjisȩdi̧ju̧, duwi̧ o̧di̧ju̧ baibanö bu̧datibö tjiyo. Ja̧danö, jwai̧ balawa okwanö kwöba̧lö lö̧jadö tji̧sȩdi̧jubi tjiyo. Ja̧danö, towi ötebiya, acacia towi ötebiyatjö löbö tjiyo.

Éxodo 36:38

Ja̧danö, ja̧do̧ debatö tjö̧nakobetjö̧ okwi'iju, bakwamu jawa o'ijuma, okobe jwiinö orosapitjö tjo̧'bo̧dataja̧ jawa o'iju junijadötö. Ja̧danö, bakwa'okwena bajalenö o̧ki̧ju̧ 'diinö nönö dadijadötö. Ja̧danö , ö'diya, okwi'ijunö dötewinö 'diinö jo̧bö ö'diyama orosapitjö tjo̧'bo̧datijayonö la'aka pjaeba̧li̧ o'iju, bakwamu jawa o'ijuma broncetjöda otidijadötö.

Éxodo 38:30

Ja̧ broncetjö eju teachakwawemi la'aka pjaeba̧li̧ o'iju otidijadötö, ja̧danö, juwö iyawapjo ja̧ broncetjö pöbebö otidijadötö. Ja̧danö, japjo okwa tjödinakabi otidijadötö ja̧ broncetjö. Ju'wi jawabi, ju'wi jawa japjo tjotidakwa̧ jawama ja̧ broncetjö dadö otidijadötö.