Éxodo 26:36 - Dios Iwene

³⁶ Ja̧danö, jȩlȩdo̧, cheju teachakwawemi tjöekwado̧ tjiti̧lo weköbo, jwiinö otiwi̧ jawa opjiya, lino mikwi̧ dölawa opjiyatjö tjiti̧lo. Ja̧danö, ju'wi opjiyakwö, ö̧'dö̧wi̧ , ö̧'dö̧yuwi, duwi̧ luledö tjiti̧lo ja̧do̧ cheju teachakwawemi tjöekwado̧ma. Ja̧danö bakwo̧nö 'dö̧awa waiso̧nö weköbo ja̧do̧nö ju'wi jawabi ju'wi jawabi jwiinö otiwi̧ jawa 'dö̧o.

Éxodo 26:36 Iomraidhean Croise

2 Samuel 7:6

Jau David, chömöledö israel jojodönö egypto nijitjö ötibinemi baikwöma, la'akatjöda otiweju 'diejunö chö̧jijökötö, ba̧kwelöjatebö sabana'wotjö otikwejunöda ja̧nö pjolachö jelobetenia kwetachijatö israel jojodökwö.

Éxodo 26:31

Ina webijetö Isabenö Jo̧ma Moisésnö: —Moisés, Israel jojodönö weköbo tjöekwado̧ tjiti̧lo, o̧do okwa debatö nönawado̧, inesö la'akasȩko̧ teachakwawemi tjöeba̧linö. Ja̧do̧ tjöekwado̧ma baikwö tjiti̧lo: Jwiinö otiwi̧ jawa opjiya, lino mikwi̧ dölawa opjiyatjö tjiti̧lo. Ja̧danö, ju'wi opiyakwö ö̧'dö̧wi̧, ö̧'dö̧yuwi̧, duwi̧ luledö tjiti̧lo tjöekwado̧ma. Ja̧danö, tjiti̧laja̧do̧nö bakwo̧ 'dö̧awa waiso̧ma queribines mikwadö tjo̧'wo̧ jawa 'dö̧o ja̧do̧nöma.

Éxodo 27:16

Ja̧danö cheju apetu tjöekwemi apjude okwi'iju ö'wejemu jawa okwi'iju tjujuno, bakwa'okwena la'aka pjaeba̧li̧ o'iju broncetjö otikwa o'ijunö 'di'yö, ö'wejemu jawa o'ijuma. Jemi teachakwawemi ti̧lawa'wo, möakwö nueve metros o'woma ötebiyanö tjö̧no. Ja̧'woma jwiinö otiwa'wo, lino mikwi̧tjö ti̧lawa opjiya, ö̧'dö̧wi̧, ö̧'dö̧yuwi̧, duwi̧ luledö dölawa opjiyatjö ti̧lawa'wo. Ja̧danö, bakwo̧ 'dö̧awa waiso̧ma ju'wi jawabi ju'wi jawabi otiwanö 'dö̧o ja̧'wonö.

Éxodo 28:15

Ina webijetö Isabenö Jo̧ma: —Moisés weköbo bakwo̧ 'dö̧awa waiso̧nöma la'aka pjabato̧ 'duawakwa̧do wame omukosado̧ 'dö̧tjo, melebö. Ja̧do̧ma wanekwachakobe, Dios wei̧ i̧sebö la̧do̧, jö̧ba̧lö, tu̧da'wo okwa inawiya ikwawö alewakwawa öwiya a̧jobetjö̧, Dios wei̧ tjöwaisobö alewakwawa öwiyama. Ja̧do̧ma, ja'önönö la̧do̧danö tjiti̧lo, orotjö otikwa opjiyatjö, ö̧'dö̧wi̧ opjiyatjö, duwayuwi̧ opjiyatjö, duwi̧ opjiyatjö, linotjö otikwa opjiyatjö luledö.

Éxodo 28:39

Ja̧danö, abönö 'duawakwa̧do̧, ödöado̧, okwasa̧do̧ma jwiinö otiwi̧ lino mikwi̧ opjiyatjö tji̧tilo. Ja̧danö, ubutjawa'wobi jwiinö otiwa jawa linotjö otikwa opjiyatjö tjiti̧lo. Ja̧danö, diatakwawado̧nö 'dö̧awa jwiinö waisadöma ju'wi jawa, ju'wi jawabi jwiinö otiwi̧ jawama 'dö̧tjo— webijetö Isabenö Jo̧ma Moisésnöma.

Éxodo 35:11

Ina yöba̧lijetö Moisésma, Isabenö Jo̧ tjotidobö weinama: Chömöledö, Isabenö Jo̧ weinadanö kwotidaduwo, baikwö. Iteda eju, ökwödö dö'da̧denö ö̧jakwejuma. Ja̧danö, jeju wamenö tjumuchebakwa̧ o'wiju kwotidaduwo. Ja̧danö, ö̧ki̧ya̧ dadö kwotidaduwo. Jadanö, ötebiya löbö, ja̧danö okwi'iju löbö, ja̧danö ö'i̧ya̧, eju tjujunakwa̧ ötebiyanö wayobekwö o̧ki̧ju̧nö tjuyutebakwa̧ ö'i̧ya̧ bulö kwotidaduwo. Ja̧danö, la'aka nijibe pjaeba̧li o'iju kwotidaduwo.

Éxodo 35:15

Ja̧danö, isapjo söinö söinö 'dö̧ekwa'be juwawapjo löbö, ja̧danö, ö'i̧ya̧ japjo e'ewakwawö'i̧ya̧ bulö kwotidaduwo. Ja̧danö, o̧tesobu, Isabenö Jo̧tjö jojodötjö tjö'da̧denö pjabatadönö tjuunö tjotjebakwobu kwotidaduwo. Ja̧danö, söinö 'dö̧ekwa'betjö tjujuwakwa̧'be kwotidaduwo. Ja̧danö, teachakwawemi debatö nönö tjöekwado̧ ti̧lö kwotidaduwo.

Éxodo 36:37

Ja̧danö, jeju teachakwawemi tjöekwado̧bi ti̧lijadötö, jwiinö otiwi̧ jawa opjiya, lino mikwi̧ opjiyatjö, ju'wi opjiyakwö ö̧'dö̧wi̧ opjiyakwö, ö̧'dö̧yuwi opjiyakwö, duwi̧ opjiyakwö luledö. Ja̧danö 'dö̧awa waiso̧ma ja̧do̧nö ju'wi jawabi ju'wi jawa jwiinö otiwi̧ jawa 'dö̧bijetö.

Éxodo 38:18

Ja̧danö, eju apetu tjeachakwawemi ti̧lawa'wo okwi'ijunö debatö nönijadötö. Ja̧'woma jwiinö otiwa'wo, lino mikwi̧tjö ti̧lawa opjiya, ö̧'dö̧wi̧, ö̧'dö̧yuwi̧, duwi̧ luledö dölawa opjiyatjö ti̧lawa'wo. Ja̧danö, ju'wi jawa ju'wi jawabi 'dö̧awa waiso̧ma jwiinö otiwi̧ jawa ja'wonö 'dö̧bijetö. Ja̧'wo wayobekwöma nueve metros, ja̧danö möakwöma dos metros tupakwö treinta centímetros, ju'wi o'wo̧ ji̧danö, apetu tjöekwa'wijudanöma.

Éxodo 39:29

Ja̧danö, di̧atakwawado̧bi otiwi̧ jawa lino opjiyatjö, ö̧'dö̧i̧pjiyakwö, duwayuwapjiyakwö, duwapjiyakwö luledö tji̧ti̧lajado̧tjö 'dö̧bijadötö. Ja̧do̧ di̧atakwawado̧nö, 'dö̧awa waisoma otiwi̧ jawa ju'wi jawabi ju'wi jawabi 'dö̧bijetö. Jejenö 'dö̧bijadötö Isabenö Jo̧ Moisésnö 'dö̧tjobö weinadanö.

Éxodo 39:33

Ja̧danö, eju otikwa jawa okobe jwiinö ji̧ma, o'wiju, ja̧danö ju'wi jawa, ju'wi jawabi, ö̧ki̧ya, ötebiya, ö'diya, okwi'iju, ja̧danö la'aka pjaeba̧li̧ o'iju ichejebijadötö.

Éxodo 40:5

Ja̧danö söinö 'dö̧ekwa'be tjujuwakwa̧pjo, orotjö otikwapjo kwujunaduwo tjöekwado̧ badeibö, ötjö domulataja jawa wetina wȩyukwa öbiya a̧ja̧kwapjo tjöekwado̧ badeiböma.

Juan 10:9

Ötjödasa apjudedanö jo̧ma. Ja̧danö, ötjönö tebachadönöma tjö̧jibinö pjabato̧sa. Ja̧danö, ötjönö tebachadöma ötjö chite'ada̧lawö̧ o̧bȩja̧dödanöbedö. Ja̧danö, chite'ada̧lawö̧ o̧bȩja̧dödanöbedöma ötjönö tebachöbi tebachadö, labeböbi labebadö. Ja̧danö, ötjö apjudedanö jo̧nö labebajadö meje'ye kwanö otiwanö ja̧dödanö otiwanö ja̧dö— wanedö yöawinobe Jesúsma—.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.