Éxodo 26:25 - Dios Iwene

²⁵ Jo̧kwaobetjö̧, o̧do o̧mapekwöchobe ötebiyama okobe jwiinö jelemutjö wa̧pötekwanö tjujunakwa̧ ötebiya. Ja̧danö, la'aka pjaeba̧li̧ o'iju dieciséisnö tjödakwa̧ o'ijuma. Ötebiya bakwötekwena la'aka ötebiyatjö bakwöte la'aka pjaeba̧li̧ o'ijunö 'dibebö, ja̧danö la'aka ötebiyatjö jelöte pjeanö la'aka pjaeba̧li̧ lödawa'onö 'dibebö tjujuno. Jejenö bakwötekwenama la'aka pjaeba̧li̧ o'onö, do'olatajanö 'dibebö tjujunakobe.

Éxodo 26:25 Iomraidhean Croise

Éxodo 26:24

Jejenö 'do̧'dokweteniama dötelataja ötebiya ba̧kobe, la'akanöbi mönöbi 'diinö ji̧nö. Ja̧danö, ötebiya bakwötekwena bajalenö, 'diinö jena, o̧ki̧ju̧ orotjö otikwa tjö̧no. Do̧'do̧kwetenia bakwachakwadanö jejenö tjotido.

Éxodo 26:26

Ja̧danö, acacia towi ö'i̧ya̧tjö a̧li̧nösamutjö bakwamu jawa ö'i̧ya̧ tjubulo. Ja̧ ö'i̧yama o̧do tjujunakwa̧ ötebiyanö wayobekwö o̧ki̧ju̧nö tjuyutebo, ötebiya 'diinö do̧a̧lobö. Ja̧danö, cheju waiyobekwö bakwachakwadanö tjöwaisobekwöchobebi bakwamu jawa ö̧'i̧ya̧, ja̧danö, wajwitjobekwöchobebi bakwamu jawa ö̧'i̧ya, ja̧danö̧ cheju o̧pekwöchobebi bakwamu jawa ö̧'i̧ya o̧ki̧ju̧nö tjuyutjebakobe.

Éxodo 36:30

Jo̧kwaobetjö̧, jeju omapekwöchobe ötebiyama okobe jwiinö jelemutjö wa̧pötekwa ötebiya junijadötö. Ja̧danö, bakwötekwenama, la'aka ötebiya la'aka pjaeba̧li̧ o'ijunö 'dia̧linö junijadötö. Ja̧danö, la'aka pjaeba̧li̧ o'ijuma do'olataja junijadötö ötebiya bakwötekwena.

Éxodo 38:27

Ja̧danö, Bezaleelma la'aka pjaeba̧li̧ o'iju platatjö otikwa jawa o'iju ciennö otidijetö tres mil trescientos kilos platatjö. Ja̧ o'ijuma Isabenö Jo̧ ejubi, ja̧danö eju okwa inesö la'akasȩko̧ tjöekwado̧ debatö tjönawinemibi lödijadötö.