Éxodo 25:5 - Dios Iwene

⁵ Tjiyakwa̧ i̧sȩdi̧ju̧ biya̧: O̧bȩja̧dö ömadö tjisȩdi̧ju̧, duwi̧ o̧di̧ju̧ baibanö bu̧datibö tjiyo. Ja̧danö, jwai̧ balawa okwanö kwöba̧lö lö̧jadö tji̧sȩdi̧jubi tjiyo. Ja̧danö, towi ötebiya, acacia towi ötebiyatjö löbö tjiyo.

Éxodo 25:5 Iomraidhean Croise

Éxodo 25:4

Dölawa oyubiya tjiyo, biya̧: O̧bȩja̧dö tjöwö'yetjö tjödölawaja'yema wainö tjubu̧dato ö̧'dö̧wi̧, ö'dö̧yuwi̧, duwi̧ baibanö. Ikenama, tjubudatjaja'ye oyubiya tjiyo. Ju'wi oyubiya, jwiinö otiwi̧ jawa oyubiya, lino mikwi̧tjö̧ dölawa oyubiya tjiyo. Ja̧danö, chi̧wo̧dö tjöwö'yetjö dölawa oyubiya tjiyo.

Éxodo 25:6

Ja̧danö, oliva o̧tesobu dȩju̧wa̧'yu̧bi̧ya̧ ichejekwi̧, pjei̧ o̧'yu̧bi̧ya̧ dejatakwawa tjiyo. Ja̧danö, söinö 'dö̧ekwi̧ ösötjetjö 'döbebö, oliva o̧tesobukwö bakobe wiwodö totjebakwobu tjiyo. Towisa'betjö söinö 'dö̧ekwa'betjö tjujuwakwa̧'be tjiyo Jejenö tjiyo weköbodönö, tjomajadenö tjösödinö meitjö̧da— webijetö Isabenö Jo̧ma Moisésnöma.

Éxodo 26:26

Ja̧danö, acacia towi ö'i̧ya̧tjö a̧li̧nösamutjö bakwamu jawa ö'i̧ya̧ tjubulo. Ja̧ ö'i̧yama o̧do tjujunakwa̧ ötebiyanö wayobekwö o̧ki̧ju̧nö tjuyutebo, ötebiya 'diinö do̧a̧lobö. Ja̧danö, cheju waiyobekwö bakwachakwadanö tjöwaisobekwöchobebi bakwamu jawa ö̧'i̧ya̧, ja̧danö, wajwitjobekwöchobebi bakwamu jawa ö̧'i̧ya, ja̧danö̧ cheju o̧pekwöchobebi bakwamu jawa ö̧'i̧ya o̧ki̧ju̧nö tjuyutjebakobe.

Éxodo 26:37

Ja̧danö, weköbo bakwamu jawa okwi'iju lötjo, tjöekwado̧ debatö tjö̧nakobetjö̧. Ja̧ o'ijunö orosapitjö tjo̧'po̧dato. Ja̧danö, bakwa'okwena orotjö otikwa o̧ki̧ju̧ 'diinö tjödado, okwi'iju bajalenö. Ja̧danö, la'aka pjaeba̧li̧ o'iju tjotido broncetjö, bronce isobu baibanö tobajadö isa̧ko̧nö tobebö.

Éxodo 35:23

Ja̧danö, dölawa oyubiya ö̧'dö̧wi̧, ö̧'dö̧yuwi̧, duwi̧ oyubiama juna̧ladöma e'ewö 'yi̧jadötö ja̧ oyubiya iyö. Ja̧danö, jwiinö otiwi̧ jawa oyubiya lino mikwi̧tjö̧ dölawa oyu juna̧ladöbi e'ewö 'yi̧jadötö ja̧ oyubiya iyö. Ja̧danö, i̧sȩdi̧ju̧ juna̧ladöbi e'ewö 'yi̧jadötö ja̧ i̧sȩdi̧ju̧ iyö, o̧bȩja̧dö ömadö tji̧sȩdi̧ju̧ duwi̧ o̧di̧ju baibanö tjubu̧datina jawa i̧sȩdi̧ju̧ma. Ja̧danö, jwai̧ balawa okwanö kwöba̧lö lö̧jadö tji̧sȩdi̧ju̧ juna̧ladöbi e'ewö 'yi̧jadötö ja̧ i̧sȩdi̧ju̧ma iyö.

Éxodo 35:7

Kwiyaduwakwa̧ i̧sȩdi̧ju̧ biya̧: O̧bȩja̧dö ömadö tjisȩdi̧ju̧, duwi̧ o̧di̧ju̧ baibanö bu̧datibö kwiyaduwo. Ja̧danö, jwai̧ balawa okwanö kwöba̧lö lö̧jadö tji̧sȩdi̧jubi kwiyaduwo. Ja̧danö, towi ötebiya, acacia towi ötebiyatjö löbö kwiyaduwo.

Éxodo 36:19

Ja̧danö, ja'wo wame, o̧bȩja̧dö ömadö tjisȩdi̧ju̧, duwi̧ o̧di̧ju̧ baibanö tjubu̧datina o'wijuma muchebijadötö. Ja̧do̧ wame jwai balawa okwa kwöba̧lö lö̧jadö tji̧sȩdi̧ju̧ muchebijadötö.

Éxodo 36:20

Ikenama Isabenö Jo̧ inesö ejuma otidijadötö, ötebiya junö, acacia towitjö löbö ötebiyama.

Éxodo 39:34

Ja̧danö, ichejebijadötö eju muchekwa o'wiju, muchekwa isȩdi̧ju̧, o̧bȩja̧dö ömadö i̧sȩdi̧ju, 'duwi̧ baibanö bu̧datinaja̧di̧ju̧ma, ja̧danö jwai balawa okwa ju̧kwadö tji̧sȩdi̧ju̧bi. Ja̧danö, ichejebijadötö tjöekwado̧, la'akasȩko̧tjö inesö la'akasȩko̧tjö tjöekwado̧ma.

Deuteronomio 10:3

Jo̧kwajabetjö̧, jejenö wei̧tjö̧, acacia towi ötebiyatjö isapjo chotidijatö, ja̧danö inaba döbalataja chotidijatö. Ikenama, inabiya e'ewö mösa'o chönöchijatö.