Éxodo 25:30 - Dios Iwene

³⁰ Ja̧danö, mesasötenö ba̧kwȩlö̧jatebö pan wa̧jakobe, ötjönö ösödö kwiyaduwakwa̧ma— webijetö Isabenö Jo̧ma Moisésnöma, jojodönö weobö.

Éxodo 25:30 Iomraidhean Croise

1 Reyes 7:48

Ju'wibi okobe jwiinö Dios eju jawa, orotjö otikwa jawa otidinobe, Diosnö iyawötebi, mesasöte Diosnö iyawa pan wanawötebi,

1 Crónicas 23:29

'Da̧batö junawa pan, Dios eju okwa i̧sȩkwöte mesasöte wame junawa panbi otidadö tjö̧jinobe, ja̧danö harinaso̧pja̧ otiwapja̧, Diosnö iyawapja̧ teada̧ladö tjö̧jinobe, ja̧danö ye'yeachi̧ jawa jwii̧ pan otidadö tjö̧jinobe. Jobadöda ja̧ otikwa jawa ba̧jadadö, ja̧danö wiwodadö, ja̧danö balö otidadö tjö̧jinobe, ja̧ 'ye'yeachi̧ jawa jwii̧ panma.

1 Crónicas 9:32

Ja̧danö ju'wedö Core itji̧mu tupadanö jojodönöbi 'da̧batö tjujuninobe, otikwökö mölekwena Dios eju okwa jö̧te pan wanawöte mesasötenö tjöwanakwa̧ pan tjotidobö.

Éxodo 35:13

Ja̧danö, pan wanawöte mesasöte löbö, ja̧danö, jöte e'ewakwawö'i̧ya̧ bulö kwotidaduwo, ja̧danö, okobe jwiinö mesasöte wanö lödawa dȩja̧pi̧ya̧bi, deja̧'di̧ju̧bi ju'wi jawabi kwotidaduwo. Ja̧danö, inesö ji̧ pan, Isabenö Jo̧nö iyawa pan kwotidaduwo, jötenö lödawa panma.

Éxodo 39:36

Ja̧danö, pan wanawöte mesasötema, jöte e'ewakwawö'i̧ya̧ , ja̧danö, okobe jwiinö mesasöte lödawa dȩja̧pi̧ya̧bi, deja̧'di̧ju̧bi ju'wi jawabi ichejebijadötö. Ja̧danö, inesö ji̧ pan, Isabenö Jo̧nö iyawa pan ichejebijadötö.

Éxodo 40:23

Ja̧danö, Isabenö Jo̧ öbajale a'otjö jötenö wanijadötö pan, Isabenö Jo̧nö iyawa panma, Isabenö Jo̧ Moisésnö weinadanö.

Éxodo 40:4

Ja̧danö, mesasöte cheju okwa abönösȩko̧nö tebatö kwujunaduwo, jötenö wa̧ji̧kwö. Ja̧danö, dȩju̧wa'yu o̧'di̧ju̧ ja̧kabi jȩko̧nö tjujuno. Ja̧ka o̧'di̧ju̧ kwöwanaduwo ja̧ka öjabiya ji̧na bajale bakwöjakwena bakwa'do̧.

Hebreos 9:2

Ja̧danö jejuma, okwi'iju junabinö, isa̧di̧ju debatö tjotidineju. Ja̧danö, dȩko̧lataja ji̧nö tjöekwineju. Ajayisȩko̧, Inesösȩko̧, jö̧ba̧lö, ötjabinȩko̧. Jȩko̧nö la̧pa̧la̧yu̧ junawa ji̧nobe. Ja̧danö, mesasötebi ji̧nobe, pan ö̧pji̧ya tjöwanöte, Diosnö tjiyi̧ pan. Jȩko̧, inesösȩko̧nöma okobe deinö teachakwawökȩko̧. Sule Diostjö jojodötjö ö'weje pjabatadöda tebachiatjinobe.

1 Samuel 21:4

Aebökwe, Ahimelecma atadinobe, —Jo̧kwadabedö tjukwi̧ jawa panma jwitobe, sule Dios öba a'o junawa panda chujuna̧lobe. Ja̧danö mada möletjö baikwö bajalenö ya̧dökwö jö̧könö kwö̧jaduwatjö̧ma, ja̧ pan kwukwaduwobö jȩna, jo̧kwaijayonö ya̧dökwö kwö̧jaduwatjö̧ma, kwukwaduwobö jwiobe.

1 Samuel 21:5

—Yöa̧lökwe, David atadinobe, —Ba̧kwelöjatebö ölakwabikwawö di̧'yenama, chömöayedöma ya̧dökwö jö̧ködö, Dios öba a'otjö wene jwiinö tjö̧jobö. Ja̧danö babe duluwo̧ wei̧ dotidobö kwedachi̧ma, ju'witjö bajalekwönönö inesö mikwawi̧ 'ya̧kwawa, jo̧kwajabetjö̧ isabenö ya̧dökwö jö̧könö kwedachobe, jwaikwöda Dios öba a'o otiwanö kwedachobö, —jö̧ba̧lö.

1 Samuel 21:6

Atadökwe, tjö'da̧de pjabato̧ Ahimelecma Davidnö iyinobe Isabenö Jo̧ öba a'o tjujunaja̧ pan ö̧pji̧yama, ju'wi jo̧kwadabedö tjukwi̧ jawa pan jwiobetjö̧. Ja̧ panma, ajayinö Isabenö Jo̧ öba a'o ji̧na pan. David ichibakwa̧ abönö, Ahimelecma yayapja̧ balekwapja̧ junajo̧, ajayisapja̧ Dios öba a'otjö eminobe, ja̧danö ja̧ öbalewaja̧pja̧ panda, Davidnö iyinobe.