Éxodo 23:30 - Dios Iwene

³⁰ Jo̧kwaobetjö̧ tjo̧'omanö latjebobö ja̧takwo̧sa kwöpöjojodönöma, ökwödöma kwöba̧jȩkwachaduwenanö kabatö, ja̧danö, chiyemima kwemaduwenanö kabatö, bemima ökwödö ditebo, jö̧ba̧lö.

Éxodo 23:30 Iomraidhean Croise

Deuteronomio 7:22

Ja̧danö chömöledö, kwuluwo̧duwi Isabenö Jo̧ Diosma tjo̧'omanö kwöpöjojodönö kwöba a'oduwitjö a'dewö loakobe. Juluwanö bakobenö okobe deinö jobadönö kwujuluwaduwoböma weökakobe, niji suli̧ waekwapji jö̧ba̧lö, baikwö yötawa: Juluwanö ökwödö israel jojodö ina o̧bukwedöda kwö̧jaduwonö, okobe deinö kwöpöjojodö debö tji̧'yitjö̧ma, jelobekwena jojodö deena. Ja̧danö jejenö jojodö deobetjö̧, tebonö ju̧kwadö labidöma tjö̧ba̧jekwachibena, ja̧danö tjö̧ba̧jekwobetjö̧ kwiteboduwi labena.

Josué 13:6

Ja̧dano okobe jwiinö sidonio jojodö tjitebo niji, Libanotjö, Misrefot Mayinbe ichibanö niji̧bi ina kwemaduwobö jo̧be. Okobe jwiinö ja̧ yötawaja̧ niji̧ ju̧kwadönö, ötjöda israel jojodö tjöba a'otjö a'dewö lotakwo̧sa Josue, jo̧kwajabetjö̧, ja̧ nijibi israel jojodönö 'da̧batö kwiyobö jo̧be. Jau Josue, ina ja̧ niji̧ kwemaduwököjayonö, ju'wi niji 'da̧batö kwiyenama, ja̧ nijibi 'da̧batö junö israel jojodönö kwiyo, israel jojodö tjitebo baibanö, ötjöda tjemobö pjatatakobetjö̧.

Josué 23:4

Ja̧danö, Diosma okobe jwiinö Canaan niji ökwödönö iyobe, okobe jwiinö Jordan ojwetjö, jawo̧ meajobekwö bajalenö jwaibalawabe ichibanö niji ökwödönö iyobe, kwiteboduwi baibanö. Ja̧danö, jejenö iyobetjö̧, okobe jwiinö ja̧ niji 'da̧batö junö, ökwödö bakwasokwena jojodönö 'da̧batö junö wetijatö, bakwasokwena kwiteboduwi baibanö, ida̧ökö dujuluwinemi nijibi, ina dujuluwokobe nijibi.

Josué 23:5

Ja̧danö, baikwö yötawaduwakwö, Dios wei̧ a̧ja̧kwö kwö̧jaduwitjö̧ma, isabenö pjaatakwo̧ kwuluwo̧duwi Isabenö Jo̧ Diosma. Jau chömöledö, ina dujuluwinokobe nijibe kwi̧'yaduwobö baibenama, ajayi pjaatinadanö pjaatakobe kwuluwo̧duwi Isabenö Jo̧ Diosma chömöledö, kwabönöduwi 'ya̧nö, jobadönö a'dewö loakobe, ja̧danö damötjö̧ yöbawö ujuninadanö, tjiteboinemi nijima, ökwödöda kwujuna̧laduwakwedöja chömöledö. Jau chömöledö, Dios wei̧ a̧ja̧kwö kwö̧jaduwitjö̧ma, isabenö jejenö pjaatakwo̧, jo̧kwajabetjö̧ teada̧lönö kwö̧jaduwo, okobe jwiinö Dios wei̧, Moises i̧wȩyudina jawa ja̧bö kwö̧jaduwakobetjö̧. Jelobekwö jalachibökönö, jwaikwöda Dios wei̧ jawa a̧ja̧kwö kwö̧jaduwo chömöledö.

Josué 23:9

—Jau chömöledö, kwöwaisaduwa, Isabenö Jo̧ma ju'wedö tjitebo jojodönö, inesö juluwadönöbi kwöba a'oduwitjö a'dewö loinobe, jö̧tö? Isabenö jobadötjö bakwo̧bi kwöba a'oduwitjö ö̧jobe jwiinobe, Isabenö Jo̧ otiwanö ökwödönö pjaatinobetjö̧.